«រ៉យទ័រ»ផ្សាយថា វិទ្យាស្ថានគ្រប់គ្រងបរិស្ថានក្រុងប៉េកាំងបានឱ្យដឹងកាលពីថ្ងៃទី២៨ មករា ២០១៧ថា ជាតិពុលក្នុងអាកាសធាតុនៅក្រុងប៉េកាំង ស្ថិតក្នុងកម្រិតគ្រោះថ្នាក់ខ្ពស់បំផុត បើគិតក្នុងអំឡុងពេល៥ឆ្នាំមកនេះ
«រ៉យទ័រ»ផ្សាយថា វិទ្យាស្ថានគ្រប់គ្រងបរិស្ថានក្រុងប៉េកាំងបានឱ្យដឹងកាលពីថ្ងៃទី២៨ មករា ២០១៧ថា ជាតិពុលក្នុងអាកាសធាតុនៅក្រុងប៉េកាំង ស្ថិតក្នុងកម្រិតគ្រោះថ្នាក់ខ្ពស់បំផុត បើគិតក្នុងអំឡុងពេល៥ឆ្នាំមកនេះដោយសារតែការដុតផាវពេលចូលឆ្នាំ ទោះបីជាមានការប្រកាសអាសន្ន និងអាជ្ញាធរបញ្ជាឱ្យកាត់បន្ថយការអុជផាវក៏ដោយ ។
តម្លៃ «PM2,5 ឬកម្រិតបទដ្ឋានធូលី» គឺជាឧបករណ៍វាស់ស្ទង់អាកាសធាតុដែលមានគ្រោះថ្នាក់ដល់សុខភាពបានវាស់នៅក្រុងប៉េកាំងកាលពីព្រឹកថ្ងៃទី២៧ មករា មានកម្រិត៦៤៧មីក្រូក្រាម ក្នុងមួយម៉ែត្រគូប លើសពីបទដ្ឋានដែលកំណត់៥០០នៃគុណភាពអាកាសធាតុរបស់ចិន ។
ចំណែកតម្លៃ «PM 2,5» នៅក្រុងកំពង់ផែធៀនជីន ស្ថិតនៅក្បែរគ្នា និងតំបន់នៅជុំវិញខេត្តហុឺប៉ើយ កើនខ្ពស់ជាងតម្លៃ «PM 2,5» ដែលវាស់ស្ទង់ក្នុងឆ្នាំ២០១៦ ។
រដ្ឋាភិបាលចិនចាប់ផ្តើមឃោសនាប្រឆាំងនឹងការបង្កើតជាតិពុលតាំងពីឆ្នាំ២០១៤មក ក្រោយពីក្រុងប៉េកាំងប្រឈមមុខលើជាតិពុលធ្ងន់ ដោយសារឧស្សាហកម្មនៅក្នុងប្រទេស ការដុតធ្យូងថ្ម និងការបង្កើនកម្តៅក្នុងផ្ទះសម្បែងដែលកើនឡើងខ្ពស់នៅរដូវរងា ៕
ចែករំលែកព័តមាននេះ