រាជធានីភ្នំពេញ ៖ លោកនាង សាវុន ម្ចាស់ផលិតកម្មក្រៅស្រុក និងជាអ្នកជំនាញផ្នែកយន្តហោះជាច្រើនឆ្នាំនៅសហរដ្ឋអាមេរិក បានប្រកាសបោះទុនរាបម៉ឺនដុល្លារដើម្បីផលិតខ្សែភាពយន្តពីររឿងមានចំណងជើងថា
រាជធានីភ្នំពេញ ៖ លោកនាង សាវុន ម្ចាស់ផលិតកម្មក្រៅស្រុក និងជាអ្នកជំនាញផ្នែកយន្តហោះជាច្រើនឆ្នាំនៅសហរដ្ឋអាមេរិក បានប្រកាសបោះទុនរាបម៉ឺនដុល្លារដើម្បីផលិតខ្សែភាពយន្តពីររឿងមានចំណងជើងថា «កូនក្រកខ្មៅ» និង «កូនទិព្វសូដាច័ន្ទ» ។
លោកនាង សាវុន បានថ្លែងប្រាប់អ្នកសារព័ត៌មានកាលពីពេល ថ្មីៗកន្លងមកថា ដោយសារឃើញការផលិតខ្សែភាពយន្តនៅកម្ពុជានៅមានកម្រិត និងចង់លើកស្ទួយ ទើបលោកគ្រោងបោះទុនដើម្បីផលិតខ្សែភាពយន្តពាក់ព័ន្ធទៅនឹងរឿងនិទានរបស់ខ្មែរ ។ សាច់រឿងទាំងពីរនេះ គឺជាការនិពន្ធផ្ទាល់ដោយរូបលោកក្រោមការពិនិត្យយ៉ាងម៉ត់ចត់ មុននឹងប្រកាសថារឿងដែលមានសាច់រឿងចម្លែករបស់លោកទាំងពីរនឹងជោគជ័យក្នុងវិស័យភាពយន្តនៅក្នុងប្រទេសកម្ពុជា ។
រឿង«កូនក្រកខ្មៅ» និយាយពីរកូនភ្លោះពីរនាក់ ដែលម្នាក់ជាពស់កាចសាហាវ និងម្នាក់ទៀតជាមនុស្សធម្មតា ។ ចំណែករឿង «កូនទិព្វសូដាច័ន្ទ» និយាយពីការឆ្លងភពរបស់មនុស្សក្នុងរឿងនិទានសម័យដើម ។
រឿង«កូនក្រកខ្មៅ» នឹងចាប់ផ្តើមដំណើរការថតក្នុងអំឡុងខែមេសា ឆ្នាំ២០១៧ ដោយសាច់រឿងសំដៅទៅលើកូនភ្លោះម្នាក់ មានចរិតសុភាពរាបសាត្រូវរកមធ្យោបាយកម្ចាត់ប្អូនប្រុសខ្លួនឯង ដែលជាពស់ដ៏កាចសាហាវ ដើម្បីសង្គ្រោះមនុស្សលោក ។ បន្ទាប់ពីថតរឿងនេះចប់ លោកសាវុននឹងចាក់បញ្ចាំងវាយលុកនៅក្នុងទីផ្សារភាពយន្ត អាមេរិកសិន មុននឹងបញ្ចាំងនៅក្នុងប្រទេសកម្ពុជា ។
លោកនាង សាវុន បន្តថា ចំពោះរឿង «កូនទិព្វសូដាច័ន្ទ» ជារឿងចម្លែកមួយដែរ និយាយពីដំណើរជីវិតកូនរបស់ទិព្វសូដាច័ន្ទនៅ៨១៨ឆ្នាំក្រោយ ដែលវង្វេងភពមកដល់ភ្នំពេញ ដែលជាសម័យស៊ីវីល័យ ។ រឿងនេះគ្រោងថតបន្ទាប់ពីររឿង «កូនក្រកខ្មៅ» ហើយបញ្ចាំងនៅអំឡុងបុណ្យចូលឆ្នាំសាកល ឆ្នាំ២០១៨នៅកម្ពុជា និងសហរដ្ឋអាមេរិក៕
ចែករំលែកព័តមាននេះ