ហ៊ានណាស់ ! លាក់ទុកនៅក្នុងផ្ទះដល់ទៅ២ដើម
ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ចនគរបាលស្រុកទឹកផុសចាប់ឃាត់ខ្លួនកាលពីវេលាម៉ោង៣ និង៤០នាទីរសៀល ថ្ងៃទី២៤ ខែមករា ឆ្នាំ២០១៧ នៅក្នុងភូមិថ្នល់កែង …
ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ចនគរបាលស្រុកទឹកផុសចាប់ឃាត់ខ្លួនកាលពីវេលាម៉ោង៣ និង៤០នាទីរសៀល ថ្ងៃទី២៤ ខែមករា ឆ្នាំ២០១៧ នៅក្នុងភូមិថ្នល់កែង …
ខេត្តកំពង់ឆ្នាំង ៖ បុរសម្នាក់ត្រូវបានសមត្ថកិច្ចនគរបាលស្រុកទឹកផុសចាប់ឃាត់ខ្លួនកាលពីវេលាម៉ោង៣ និង៤០នាទីរសៀល ថ្ងៃទី២៤ ខែមករា ឆ្នាំ២០១៧ នៅក្នុងភូមិថ្នល់កែង ឃុំក្បាលទឹក ស្រុកទឹកផុស បន្ទាប់ពីឆែកឆេរឃើញថា បុរសរូបនោះបានលាក់ទុកអាវុធដោយខុសច្បាប់ចំនួន២ដើម ។
លោក ខែម វិបុល អធិការនគរបាលស្រុកទឹកផុស បានឲ្យដឹងថា ជនសង្ស័យខាងលើនេះមានឈ្មោះ ពេញ សារិទ្ធ អាយុ៥៥ឆ្នាំ រស់នៅភូមិថ្នល់កែង ឃុំក្បាលទឹក ស្រុកទឹកផុស ។ លោកថា ដោយមានសេចក្តីរាយការណ៍ពីប្រជាពលរដ្ឋថា បុរសខាងលើនេះមានលាក់អាវុធខុសច្បាបចំនួន២ដើមនៅក្នុងលំនៅដ្ឋាន លោកក៏បានដឹកនាំកម្លាំង ទៅសាកសួរ និងឈានដល់ការឃាត់ខ្លួនជាមួយអាវុធ២ដើមដែលបុរសរូបនោះបានលាក់ទុកក្នុងលំនៅដ្ឋាន ។ អាវុធ២ដើមដែលសមត្ថកិច្ចឆែកឆេររកឃើញនោះគឺ អាវុធខ្លីម៉ាកប៉េស្ហេរ៉ូវីត (P.08) ១ដើម មានបង់១ គ្រាប់៤គ្រាប់ និង អាវុធម៉ាកវាំងឌឺឡុង១ដើម មានបង់១ គ្រាប់៩គ្រាប់ និងសឺមែល(កែវឆ្លុះ)១ ។
ក្រោយពេលចាប់ខ្លួន ជនសង្ស័យ និងវត្ថុតាង ត្រូវបានសមត្ថកិច្ចកសាងសំណុំរឿងតាមនិតិវិធីបញ្ជូនខ្លួនទៅកាន់តុលាការខេត្ត ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ