រាជធានីភ្នំពេញ ៖ ភរិយាតារាសម្តែងលោកស៊ុក សុភា អ្នកនាងសារីណា ត្រូវជនមិនស្គាល់អត្តសញ្ញាណម្នាក់ចោទថាស៊ីដាច់លុយរបស់អាណិកជនខ្មែរនៅអូស្ត្រាលីដែលបានបរិច្ចាគជាជំនួយដល់ជនរួមជាតិនៅក្នុងស្រុក ។
រាជធានីភ្នំពេញ ៖ ភរិយាតារាសម្តែងលោកស៊ុក សុភា អ្នកនាងសារីណា ត្រូវជនមិនស្គាល់អត្តសញ្ញាណម្នាក់ចោទថាស៊ីដាច់លុយរបស់អាណិកជនខ្មែរនៅអូស្ត្រាលីដែលបានបរិច្ចាគជាជំនួយដល់ជនរួមជាតិនៅក្នុងស្រុក ។
ជនមិនស្គាល់អត្តសញ្ញាណបានផ្សាយដំណឹងនោះកាលពីពេល ថ្មីៗកន្លងមកតាមហ្វេសប៊ុក ព្រមទាំងចោទអ្នកនាងសារីណាថា ជាសកម្មជនគណបក្សប្រជាជន ជាមួយតារាសម្តែងអ្នកនាង ចន ច័ន្ទលក្ខិណាទៀតផង ។ ហ្វេសប៊ុកដែលដាក់ឈ្មោះ«កូនខ្មែរ»បានសរសេរអមជាមួយរូបថតក្រុមគ្រួសារលោកស៊ុក សោភា ថា « ប្រយ័ត្ននាងនេះឈ្មោះថា សារីណា កូនប្រាំ ។ នាងជាប្រពន្ធរបស់លោកស៊ុក សុភា នាងតែងស៊ីដាច់លុយមហាជនខ្មែរនៅអូស្ត្រាលីដែលជួយអ្នកក្រីក្រនៅប្រទេសខ្មែរ ។ នាងជាមនុស្សរបស់គណបក្សប្រជាជន និងនាងចន ច័ន្ទលក្ខិណា » ។
បន្ទាប់ពីមានការចោទបែបនោះ អ្នកនាងសារីណា បានឆ្លើយតបភ្លាមដោយនាងចាត់ទុក គឺជាការមួលបង្កាច់មិនមានមូលដ្ឋានច្បាស់លាស់ និងមានចរិតទៅរកនិន្នាការនយោបាយយ៉ាងពិតប្រាកដ ។
អ្នកនាងសារីណា សរសេរបង្ហោះតាមហ្វេសប៊ុករបស់នាងថា «ទីបំផុតទើបខ្ញុំដឹងថា បក្សនេះជាមនុស្សយ៉ាងណា ជាច្រើនឆ្នាំហើយដែលខ្ញុំស៊ូទ្រំនឹងសម្ដីរបស់ account ឈ្មោះនេះដែលតែងតែប្រើ account ក្លែងក្លាយឈ្មោះ ខុសៗគ្នាមកខាំ ខ្ញុំៗអត់ដែលខ្វល់ ព្រោះខ្ញុំដឹងថាមនុស្សខ្ញុំបែបណា តែថ្មើរនេះខ្ញុំគិត សព្វៗទៅ ធ្វើឱ្យខ្ញុំស្អប់ខ្ពើមបក្សនេះខ្លាំងណាស់ ។
តាំងតែពីដើម គឺមនុស្សស្រីម្នាក់នេះដែល មានឈ្មោះ Sarina Lucky Luy តែងតែជួយឈឺឆ្អាលដល់ប្រជាជនក្រីក្រ ទោះជានាងរវល់ឬក៏មានបន្ទុកច្រើនដូចជា កូនៗដែលត្រូវមើលថែ តែនាងឆ្លៀតឱ្យតែបានជួយខ្មែរ នាងឆ្អៀតឱ្យតែបានឃើញស្នាមញញឹមរបស់ខ្មែរ តែថ្ងៃនេះនាងយល់ច្បាស់ថា ទោះខំធ្វើយ៉ាងណា ទោះខំបន្ថែមលុយខ្លួនយ៉ាង ណា ទោះបានកែខៃមនុស្សដែលមើលឃើញអាក្រក់ថាត្រូវឱ្យបានមកជាមនុស្សឃើញខុសថាខុស ក៏នៅតែនាងជាមនុស្សអាក្រក់ ។
ពេលនេះដឹងច្បាស់ហើយថា មនុស្សនៃបក្សប្រឆាំងជាមនុស្សអគតិចំពោះខ្ញុំ ដែលនាងខ្ញុំធ្វើអំពើមនុស្សធម៌សោះ គេយកនយោបាយមកលាយឡំ លាបពណ៌ឱ្យនាងខ្ញុំ ។ អ្វីដែលខ្ញុំឃើញច្បាស់នៅពេលនេះ គឺមនុស្សនៃបក្សកាន់អំណាចមិនដែលរំខានឬលាបពណ៌ឱ្យខ្ញុំទេ សូម្បីតែគេដឹងថាខ្ញុំសរសេររិះគន់ដៀលថា គេយ៉ាងណា តែមនុស្សនៃបក្សប្រឆាំងតាមឈ្នានីសខ្ញុំមិនចេះឈប់ មិនចេះចប់ មិនចេះហើយ សូម្បីតែថ្ងៃនេះ» ។
អ្នកនាងសារីណា បញ្ជាក់ថា «លុយដែលខ្ញុំចំណាយជួយ ហើយកម្លាំងកាយចិត្តគឺបានវិញដោយលទ្ធផលបែបនេះ បើខ្ញុំបានលេបលុយគេមែនសូមឱ្យខ្ញុំក្រមួយជីវិត តែបើខ្ញុំមិនបានលេបលុយគេទេ សូមឱ្យអ្នកដែលមកដៀលថាឱ្យខ្ញុំនេះជួបកម្មពៀរដែលគេបានសាងមកលើខ្ញុំ ។ គឺសុំឱ្យគេរលត់រលាយចាប់ពីពេលនេះទៅអស់មួយជីវិត ។ ខ្ញុំសុំដកខ្លួនដោយសុំមិនធ្វើការងារមនុស្សធម៌ទៀតទេ ។ ដូច្នេះបើបងប្អូនណាចង់ឱ្យខ្ញុំជួយឬក៏ជួយ តាមរយៈ ខ្ញុំៗសុំឈប់នាពេលនេះតទៅ។ សូម្បីតែកម្មវិធី ឬក៏ concert ធានាតារាក៏សុំបញ្ចប់ ។ កូនៗខ្ញុំត្រូវការរូបខ្ញុំណាស់ តែខ្ញុំនៅតែចែករំលែកឱ្យសង្គមមួយនេះ តែពេលនេះខ្ញុំឃើញលទ្ធផលច្បាស់ សុំដកខ្លួនវិញល្អជាង ទុកពេលវេលាឱ្យ កូនៗខ្ញុំវិញប្រសើរជាង ។
ជាទីបញ្ចប់សូមអរគុណដល់បងប្អូនដែលតែងតែគំទ្រនិងជឿជាក់ផ្ដល់ជំនួយតាមខ្ញុំ ពេលនេះពួកខ្ញុំសុំបញ្ចប់ហើយ» ៕
ចែករំលែកព័តមាននេះ