ជារឿងល្អមួយទៀតហើយសម្រាប់កម្ពុជា ដែលទទួលបានចំណាត់ថ្នាក់ល្អនៅលើពិភពលកក្នុងការប្រកួត ផ្នែកសម្រស់ និងភាពឆ្លាតវៃ។ ហើយបុរសឯកម្នាក់ទៀត បាន ព្យាយាមប្រកួតតតាំងជាមួយ១៤ប្រទេសផ្សេងទៀត នៅលើកោះ
រាជធានីភ្នំពេញ ៖ ជារឿងល្អមួយទៀតហើយសម្រាប់កម្ពុជា ដែលទទួលបានចំណាត់ថ្នាក់ល្អនៅលើពិភពលកក្នុងការប្រកួត ផ្នែកសម្រស់ និងភាពឆ្លាតវៃ។ ហើយបុរសឯកម្នាក់ទៀត បាន ព្យាយាមប្រកួតតតាំងជាមួយ១៤ប្រទេសផ្សេងទៀត នៅលើកោះឥណ្ឌូនេស៊ី ហើយបានឈ្នះការតាមដាន រហូតមានចំណាត់ថ្នាក់ល្អ គួរជាទីគាប់ចិត្ត និងរំភើបម្តងទៀត។
លោក អ៊ុន ថារីដា (ហៅ Jing Alex) អាយុ២៧ឆ្នាំ និងមានកម្ពស់ ១.៧៥ ម៉ែត្រ ជាបេក្ខភាពបុរសឯកទីពីរ ដែលត្រូវតំណាងជាតិអោយកម្ពុជា ក្នុងការប្រកួត Man of The Year ឆ្នាំ២០២២ អបអរសាទរម្ដងទៀត ទៅកាន់បេក្ខភាពកម្ពុជារបស់យើង គឺលោក UN Tharida ដែលជាកូនខ្មែរកម្ពុជាក្រោមម្នាក់ទៀត ដែលបានឈ្នះពានរង្វាន់រហូតដល់ទៅ២ នៅក្នុងកម្មវិធីប្រកួត Man of The Year 2022 ក្នុងកម្មវិធីប្រកួតបែបអន្ដរជាតិនៅឯប្រទេស Indonesia ។
ពានរង្វាន់ដែលគាត់ឈ្នះ គឺមាន Top 3 Man of the year Spokesperson Top 3 Man of the Year Mindful។ ហើយអ្នកគាំទ្រ ក៏ដូចជាសមាជិកក្រុមបង្ហាញម៉ូដ បានត្រេកអរ និងចាត់ទុកថា ជាព្រឹត្តិការណ៍សំខាន់មួយទៀតក្នុងកំណត់ត្រាល្អ ក្នុងឆ្នាំ២០២២ ដែលបេក្ខជន បេក្ខនារីបានសាងអោយជាតិតាមរយៈវិស័យប្រឡង បុរសឯក នារីឯក និងជាការស្តែងអោយឃើញពីការប្រែប្រួលផ្នែកនេះយ៉ាងលឿន។
ការតាំងចិត្តប្រកួតបានផុសដោយទឹកចិត្តក្លាហានមិនខ្លាចគេ ព្រោះបុរសឯកនេះ មើលទៅមុខមាត់បុគ្គលិកលក្ខណៈ គឺមិនអន់ជាងគេឡើយ ពេលឈរថតបង្អួតរូបរាងជាមួយបុរសឯកប្រទេសផ្សេងៗ គឺចូលភ្នែកតែម្តង។
កម្ពុជា បានយកឈុតតំណាងជាតិ ក្នុងការប្រកួតបុរសឯក Man of the year លើកទី៥ ឆ្នាំ២០២២ នៅឯប្រទេសឥណ្ឌូនេស៊ីរួចហើយ ដោយមើលទៅសមសួនជាឈុតមេទ័ពអង់អាចក្លាហានតែម្តង។
ជាការកត់សម្គាល់ ឃើញថា មួយរយៈចុងក្រោយនេះ ប្រទេសកម្ពុជាហាក់មានហុងស៊ុយច្រើនក្នុងការចេញទៅប្រកួតបុរសឯក កញ្ញាឯក នៅឯក្រៅប្រទេស។ យើងទទួលបានការគាំទ្រ រហូតបើកទំព័រប្រវត្តិសាស្ត្រ ដោយមានស្រីស្អាតម្នាក់ ក្លាយជាម្ចាស់មកុដ នៅប្រទេសម៉ាឡេស៊ី គឺនាងកញ្ញា សារី ស្រីពេជ្រ ។ ក្នុងនោះបុរសឯក យើងខ្លះ ឈ្នះទាំងប្រជាប្រិយភាព ថតរូបស្អាត ឈុតតំណាងជាតិ ក៏បានពាន ។ ពោលគឺទាំងស្រី ទាំងប្រុស ប្រមូលយកបានច្រើន ធ្វើអោយប្រទេសជិតខាងផ្តើមកោតសរសើរថា ស្រុកយើងឥឡូវអភិវឌ្ឍខ្លួនលឿន មិនខ្សោយដូចមុន ជឿជាក់ ហើយអ្នកមកប្រកួតមិនត្រឹមតែស្អាត ក៏ឆ្លាតពូកែ យល់សាច់ការ គ្រប់វិញ្ញាសាផងដែរ។
ចែករំលែកព័តមាននេះ