ថៃទទួលបានភ្ញៀវទេសចរជិត ៤លាននាក់ត្រឹមជិត ៨ខែ ឆ្នាំ២០២២នេះ
ថៃ ៖ ថៃទទួលបានភ្ញៀវទេសចរបរទេសចំនួន ៣,៧៨លាននាក់ចាប់ពីខែមករា ដល់ថ្ងៃទី ១៧ ខែ
ថៃ ៖ ថៃទទួលបានភ្ញៀវទេសចរបរទេសចំនួន ៣,៧៨លាននាក់ចាប់ពីខែមករា ដល់ថ្ងៃទី ១៧ ខែសីហានេះ និងរកបានប្រាក់ចំណូល ៤,៩៣ពាន់លានដុល្លារ។ នេះបើយោងតាមការបញ្ជាក់របស់មន្ត្រីរដ្ឋាភិបាលនៅថ្ងៃសុក្រ ទី ១៩ សីហានេះ។
លោក Taweesin Visanuyothin អ្នកនាំពាក្យនៃក្រុមការងារ COVID-19 របស់រដ្ឋាភិបាលបាននិយាយថា ភ្ញៀវទេសចរភាគច្រើនមកពីម៉ាឡេស៊ី ឥណ្ឌា និងសិង្ហបុរី។
លោកបញ្ជាក់ថា ថៃនឹងពង្រីករយៈពេលទិដ្ឋការសម្រាប់ភ្ញៀវទេសចរមកពីឥណ្ឌា ចិន និងអារ៉ាប៊ីសាអូឌីត ចាប់ពី ១៥ថ្ងៃ ទៅ ៣០ថ្ងៃ។ វិធានការនេះគឺដើម្បីជំរុញវិស័យទេសចរណ៍ ខណៈវាកំពុងងើបឡើងវិញពីវិបត្តិកូវីដ ១៩។
សូមបញ្ជាក់ថា កាលពីឆ្នាំមុន ភ្ញៀវទេសចរបរទេសដែលមកលេងថៃមានត្រឹមតែ ៤២៨.០០០នាក់ប៉ុណ្ណោះដោយសារការរាតត្បាតវីរុស ធៀបទៅនឹងចំនួនជិត ៤០លាននាក់កាលពីឆ្នាំ ២០១៩។
ប្រទេសមានសេដ្ឋកិច្ចធំបំផុតទី ២ក្នុងតំបន់អាស៊ីអាគ្នេយ៍នេះរំពឹងថានឹងទទួលបានភ្ញៀវទេសចរចន្លោះពី ៨ ទៅ ១០លាននាក់នៅក្នុងឆ្នាំ ២០២២នេះ៕ (យោងតាមប្រភព៖ Reuters)
ចែករំលែកព័តមាននេះ