ផ្អើលឈុល ! នាំគ្នាមើលទៅច្រាំងទន្លេកោះពេជ្រគ្រប់គ្នា
រាជធានីភ្នំពេញ ៖ ហេតុការណ៍ភ្ញាក់ផ្អើលមួយបានកើតឡើងនៅចំណុចច្រាំងទន្លេកោះពេជ្រ ស្ថិតក្នុងភូមិ១៤ សង្កាត់ទន្លេបាសាក់ ខណ្ឌចំការមន …
រាជធានីភ្នំពេញ ៖ ហេតុការណ៍ភ្ញាក់ផ្អើលមួយបានកើតឡើងនៅចំណុចច្រាំងទន្លេកោះពេជ្រ ស្ថិតក្នុងភូមិ១៤ សង្កាត់ទន្លេបាសាក់ ខណ្ឌចំការមន …
រាជធានីភ្នំពេញ ៖ ហេតុការណ៍ភ្ញាក់ផ្អើលមួយបានកើតឡើងនៅចំណុចច្រាំងទន្លេកោះពេជ្រ ស្ថិតក្នុងភូមិ១៤ សង្កាត់ទន្លេបាសាក់ ខណ្ឌចំការមន កាលពីវេលាម៉ោង៥ និង៥០នាទីព្រឹក ថ្ងៃទី២០ ខែមករា ឆ្នាំ២០១៧ ខណៈប្រជាពលរដ្ឋបានប្រទះឃើញសពអណ្ដែតទឹកមកទើរនៅចំណុចនោះ ។
ប្រភពព័ត៌មានពីនគរបាលមូលដ្ឋានបានឱ្យដឹងថា សាកសពបុរសអណ្តែតទឹកនេះមានអាយុប្រមាណជាជាង៣០ឆ្នាំ ពាក់អាវពណ៌ខ្មៅដៃវែង ស្លៀកខោពណ៌ខ្មៅជើងវែង មានសភាពហើមស្អុយមើលមុខលែងស្គាល់ ហើយមិនដឹងថាអណ្តែតមកពីណាឡើយបានជាមកទើរនៅចំណុចខាងលើ ។
ប្រភពបន្តថា មុនពេលកើតហេតុ មានប្រជាពលរដ្ឋម្នាក់បានប្រទះឃើញសាកសពបុរសម្នាក់បានអណ្តែតមកទើរនៅលើច្រាំងទន្លេនៅចំណុចខាងលើ ហើយក៏បានរាយការណ៍ប្រាប់កម្លាំងសន្តិសុខកោះពេជ្រឲ្យដឹង ហើយសន្តិសុខកោះពេជ្រក៏បានរាយការណ៍បន្តទៅនគរបាលប៉ុស្តិ៍ទន្លេបាសាក់ឲ្យដឹងពីរឿងនេះផងដែរ ។
សមត្ថកិច្ចមូលដ្ឋានបានឲ្យដឹងថា បន្ទាប់ពីទទួលបានព័ត៌មានភ្លាម កម្លាំងជំនាញកោសល្យវិច្ច័យក៏បានចុះទៅដល់កន្លែងកើតហេតុ ស្រង់សាកសពឡើងលើគោកធ្វើការពិនិត្យ និងកោសល្យវិច្ច័យ ឃើញថា បុរសរងគ្រោះបានស្លាប់ដោយសារលង់ទឹក រួចដឹកសពយកទៅតម្កល់ទុកនៅវត្តសំបួរមាស ស្ថិតក្នុងសង្កាត់ដង្កោ ខណ្ឌដង្កោ ដើម្បីធ្វើការស្រាវជ្រាវរកក្រុមគ្រួសារមកទទួលយកសពទៅធ្វើបុណ្យទៅតាមប្រពៃណី ៕
ចែករំលែកព័តមាននេះ