ទីបំផុតត្រូវបានបង្ក្រាប ! ដុះស្លែនៅក្នុងព្រៃកៅស៊ូយូរហើយ
ខេត្តកំពង់ចាម ៖ កាលពីវេលាម៉ោង១រសៀល ថ្ងៃទី១៨ ខែមករា ឆ្នាំ២០១៧ កម្លាំងសមត្ថកិច្ចជាច្រើននាក់បានបើកប្រតិបត្តិការបង្ក្រាបទីតាំងសង្វៀនបញ្ជល់មាន់ និងអាប៉ោង …
ខេត្តកំពង់ចាម ៖ កាលពីវេលាម៉ោង១រសៀល ថ្ងៃទី១៨ ខែមករា ឆ្នាំ២០១៧ កម្លាំងសមត្ថកិច្ចជាច្រើននាក់បានបើកប្រតិបត្តិការបង្ក្រាបទីតាំងសង្វៀនបញ្ជល់មាន់ និងអាប៉ោង …
ខេត្តកំពង់ចាម ៖ កាលពីវេលាម៉ោង១រសៀល ថ្ងៃទី១៨ ខែមករា ឆ្នាំ២០១៧ កម្លាំងសមត្ថកិច្ចជាច្រើននាក់បានបើកប្រតិបត្តិការបង្ក្រាបទីតាំងសង្វៀនបញ្ជល់មាន់ និងអាប៉ោងដុះស្លែមួយកន្លែងនៅក្នុងព្រៃកៅស៊ូ ត្រង់ចំណុចព្រំប្រទល់N៥ ស្ថិតក្នុងឃុំតាអុង ស្រុកចំការលើ ។
លោកវរសេនីយ៍ឯក ចាន់ ហោ នាយរងការិយាល័យកណ្តាលព្រហ្មទណ្ឌខេត្ត បានឲ្យដឹងថា ប្រជាពលរដ្ឋបានរាយការណ៍ទៅលោកឧត្តមសេនីយ៍ត្រី ឯម កុសល ស្នងការនគរបាលខេត្ត ថា ត្រង់ចំណុចខាងលើមានគេលួចលេងបញ្ជល់មាន់ ព្រមទាំងបង្កប់ដោយវង់អាប៉ោងលេងធំៗ ។ ក្រោយពីទទួលបានព័ត៌មានភ្លាមលោកស្នងការបានចាត់ឲ្យរូបលោកដឹកនាំកម្លាំងជាសម្ងាត់សហការជាមួយកម្លាំងប៉ុស្តិ៍រដ្ឋបាលឃុំថ្មពូន ស្រុកព្រៃឈរ ដោយមានសម្របសម្រួលពីលោក ហួត វុទ្ធី ព្រះរាជអាជ្ញាអមសាលាដំបូងខេត្ត ចុះទៅធ្វើការបង្ក្រាបជាបន្ទាន់ ។
លោកវរសេនីយ៍ឯក ចាន់ ហោ ឲ្យដឹងទៀតថាសមត្ថកិច្ចជាច្រើននាក់បានចុះទៅជិតដល់កន្លែងនោះ ក្រុមអ្នកញៀនល្បែងបញ្ជល់មាន់បាននាំគ្នារត់បាតជើងសព្រាតគេចខ្លួនបាត់អស់មួយចំនួនធំ នៅពេលដែលសមត្ថកិច្ចទៅដល់ក៏បានធ្វើការចាប់ខ្លួន តែដោយមានការប្រតាយប្រតប់គ្នាទើបអ្នកញៀនល្បែងទាំងនោះបានរត់គេចខ្លួនរត់ចូលទៅក្នុងព្រៃអស់មួយចំនួនទៀត ។
លោកនាយរងបញ្ជាក់ថា ទោះជាយ៉ាងណាក្តី នៅទីបំផុតអ្នកញៀនល្បែងបញ្ជល់មាន់៣នាក់ត្រូវបានចាប់ខ្លួន ក្នុងនោះមាន ១-ឈ្មោះ សាម វុធដា ភេទប្រុស អាយុ៤៥ឆ្នាំ នៅភូមិថ្មី ឃុំរកាគយ ស្រុកកងមាស, ២-ឈ្មោះ ស៊ាង ភាស់ ភេទប្រុស អាយុ៣២ឆ្នាំ នៅភូមិសំព័រ ឃុំតាអុង ស្រុកចំការលើ និង ៣-ឈ្មោះ ជុច សេត ភេទប្រុស អាយុ៦៥ឆ្នាំ នៅភូមិកន្ទំ ឃុំច្រនាង ស្រុកបារាយណ៍ ខេត្តកំពង់ធំ ព្រមទាំងដកហូតបានវត្ថុតាងរួមមាន មាន់គក៣ក្បាល, កន្ត្រកដាក់មាន់៥, ជើងម៉ា២០, ជញ្ជឹងថ្លឹងមាន់១, ហាន់តោអាប៉ោង១, ស្កុតរុំជើងមាន់៣០ដុំ និង ម៉ូតូចំនួន៨០គ្រឿង ។
ក្រោយពេលកើតហេតុ អ្នកញៀនល្បែង និងវត្ថុតាង ត្រូវបានបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការតាមនីតិវិធីច្បាប់ ។
ប្រភពព័ត៌មានបញ្ជាក់ថា ទីតាំងខាងលើត្រូវបានក្រុមអ្នកញៀនល្បែងបញ្ជល់មាន់ និងអាប៉ោង លួចលេងជាច្រើនខែមកហើយ ដែលនៅឆ្ងាយពីភូមិក្នុងព្រៃកៅស៊ូ តាមធម្មតាកម្រមានអ្នកណាដឹងណាស់ ៕
ចែករំលែកព័តមាននេះ