ទស្សនិកជនជាច្រើន បានសម្តែងនូវការភ្ញាក់ផ្អើលដែលកញ្ញាមាស ស្រីពៅ ហៅមាស នីតា បានតតាំងការប្រឡងចម្រៀងដ៏លំបាក រហូតអាចយកឈ្នះវ៉ាគេឯងបាន។ នាងជាបេក្ខនារីម្នាក់គត់ និងខំតាំងជំហរជាមួយជើងខ្លាំងលើឆាករហូតមក។ ដូចនេះហើយទើប
រាជធានីភ្នំពេញ ៖ ទស្សនិកជនជាច្រើន បានសម្តែងនូវការភ្ញាក់ផ្អើលដែលកញ្ញាមាស ស្រីពៅ ហៅមាស នីតា បានតតាំងការប្រឡងចម្រៀងដ៏លំបាក រហូតអាចយកឈ្នះវ៉ាគេឯងបាន។ នាងជាបេក្ខនារីម្នាក់គត់ និងខំតាំងជំហរជាមួយជើងខ្លាំងលើឆាករហូតមក។ ដូចនេះហើយទើបអ្នកគាំទ្រ នាំគ្នានិយាយថា «អ្នកណាថានារីមិនអាចស៊ូនឹងបុរសបាន_បុរសធ្វើបាន ស្រីដូចយើងក៏ធ្វើបាន «មាស នីតា» ជាបក្ខភាពនារីតែម្នាក់ដែលធ្វើការប្រឡងតស៊ូជាមួយនឹងបុរសៗជាច្រើននាក់ច្រើនវគ្គមកហើយ ។ ប៉ុន្ដែនីតាមិនបានខ្លាច នីតាមិនបានចុះចាញ់ ឬភិតភ័យក្នុងការចាញ់ប្រៀបអ្វីឡើយ នីតាតាំងស្មារតីបានល្អណាស់ ខិតខំធ្វើបានល្អពី១វគ្គទៅ១វគ្គផងដែរ ជូនពរប្អូននឹងបានឆ្លងទៅកាន់វគ្គផ្ដាច់ព្រ័ត្រណា »។
កញ្ញា មាស នីតា ជាបេក្ខនារីដ៏ពូកែម្នាក់បានឈ្នះការប្រកួត ខេមបូឌាអាយឌល រដូវកាលទី៤ តាំងពីជំហ៊ានដំបូង។ នាងពិតជាជាប់ងារជាអ្នកតស៊ូស្វិតស្វាញបំផុត ហើយបានរុញអោយ មហាជនកាន់តែស្គាល់នាងថា នារីពូកែម្នាក់ដែលមិនចុះចាញ់នឹងឧបសគ្គ។
បេក្ខនារីមកពីខេត្តកណ្តាលនេះ បានធ្លាប់អះអាងលើឆាកថា នាងនឹងប្រឆាំងឧបសគ្គអោយបាន ហើយចាប់យកជ័យជម្នះ ដែលស្រឡាញ់។ ពិសេសនាងបានសន្យាថា មិនធ្វើអោយម្តាយអស់សង្ឃឹម ព្រោះកូនស្រីម្នាក់នេះពិតជារឹងមាំគ្រប់កាលៈទេសៈ។
នៅពេលនេះ មាស នីតា បានហក់ចូលទៅកាន់វគ្គពាក់កណ្តាលផ្តាច់ព្រ័ត្រហើយ នាចុងសប្តាហ៍នេះ ។ សប្តាហ៍ទី៥ កន្លងទៅ នីតា បានតតាំងព្យាយាមសម្តែងយ៉ាងបុកពោះបំផុត ដើម្បីបានឈ្នះកម្មវិធី។ នាងបានព្យាយាមពង្រឹងស្មារតីយ៉ាងខ្លាំង ខំច្រៀងសម្តែង ទោះជាពិបាកធ្វើចិត្ត។ ហើយសម្រែកគាំទ្រ ពេលបេក្ខនារីរូបនេះឡើងច្រៀង មានការទះដៃ ហ៊ោរពេញឆាក ជាទឹកចិត្តមួយដែលនីតា រំភើប។ មានតែនាងម្នាក់គត់ដែលតស៊ូសល់ម្នាក់ឯង ខណៈបេក្ខនារីផ្សេងទៀតបានចាកចេញចាញ់សាបោះឆ្នោត។ ចាត់ទុកថា នាងសំណាងជាងគេ រដូវកាលនេះព្រោះនីតា ក៏ធ្លាប់ប្រឡងចម្រៀងច្រើនដងរួចមកហើយ តែនៅមិនបោះបង់ការស្រឡាញ់។ ហើយវគ្គពាក់កណ្តាលផ្តាច់ព្រ័ត្រ នៃកម្មវិធី ខេមបូឌាអាយឌល រដូវកាលទី៤ សល់បេក្ខជន ៦រូប រួមមាន ៖ មាស នីតា, ថុល សុភិទិលីម, តិចម៉េង, ណាន វិសារ, ស៊ីម ច័ន្ទពន្លឺ និងនាង ដាវីន។
មហាជនបានសំដៅ លីម តិចម៉េង និង ថុល សុភិទិដែល ដណ្តើមគ្នាលើកពាន ព្រោះសន្ទុះនៃការគាំទ្រកំពុងតែខ្លាំង ទាំងនៅបណ្តាមេឌារ និងបណ្តាញសង្គម នាំគ្នាទាយថា កំលោះវ័យក្មេងទាំង២ មានឱកាសច្រើន។ យ៉ាងណា មានតែនៅថ្ងៃអាទិត្យខាងមុខនេះ ជាវគ្គចាំអ៊ុតទាំងអស់គ្នាថា តើអាយឌលមួយណា ក្នុងចំណោមអ្នកទាំង៦ រូប មាន៤រូបឡើងដលវគ្គផ្តាច់ព្រ័ត្រ ដើម្បីទៅយកពានបាន?។
ចែករំលែកព័តមាននេះ