ថៃ ៖ នាពេលថ្មីៗនេះ នៅលើទំព័រហ្វេសប៊ុករបស់ប៉ូលីសបង្ក្រាបបទល្មើសនិងការពារអ្នកប្រើប្រាស់ របស់ប្រទេសថៃ បានចេញរបាយការណ៍ព្រមាននិងហាមឃាត់ប្រើប្រាស់ ផលិតស្រាថ្នាំឱសថបុរាណថៃ មួយចំនួន លាយនឹងថ្នាំពេទ្យចម្រុះ ធ្វើអោយប៉ះពាល់អាយុជីវិតអ្នកប្រើប្រាស់…
ថៃ ៖ នាពេលថ្មីៗនេះ នៅលើទំព័រហ្វេសប៊ុករបស់ប៉ូលីសបង្ក្រាបបទល្មើសនិងការពារអ្នកប្រើប្រាស់ របស់ប្រទេសថៃ បានចេញរបាយការណ៍ព្រមាននិងហាមឃាត់ប្រើប្រាស់ ផលិតស្រាថ្នាំឱសថបុរាណថៃ មួយចំនួន លាយនឹងថ្នាំពេទ្យចម្រុះ ធ្វើអោយប៉ះពាល់អាយុជីវិតអ្នកប្រើប្រាស់ ។
ប៉ូលីសស៊ើបអង្កេតនាយកដ្ឋានសន្តិសុខកណ្តាល បានបើកការបង្ក្រាបកាលថ្ងៃទី២៤ ខែមីនា ឆ្នាំ២០២២ កន្លងមកទីតាំងលក់ចែកចាយដោយខុសច្បាប់ ប៉ុន្តែដោយសារឱសថបុរាណខាងលើនេះ មានជនខិលខូចប្តូរនិមិត្តសញ្ញាស្លាកយីហោផ្សេងៗ និងមានការផ្សាយពាណិជ្ជកម្មលក់ យ៉ាងទូលំទូលាយ បង្ហាញលក្ខណៈសម្បត្តិ ក្នុងការព្យាបាលជំងឺផ្សេងៗ ធ្វើឲ្យមនុស្សជាច្រើន ជឿទុកចិត្ត ទិញ ផឹក និងទទួលបានលទ្ធផលក្នុងដំណាក់កាលដំបូងៗ ប៉ុន្តែផលវិបាកបង្កគ្រោះថ្នាក់ដល់រាងកាយយ៉ាងធ្ងន់ធ្ងរ នាពេលបន្តបន្ទាប់ រហូតដល់ស្លា.ប់ ។
នាយកដ្ឋានចំណីអាហារ និងឱសថរបស់ថៃ បានបង្ហាញអោយដឹងថា ក្រោយពីការពិនិត្យ ស្រាថ្នាំឱសថបុរាណថៃ ក្នុង១ដប មានលាយថ្នាំស្តេរ៉ូអ៊ីត ចំនួន៧០គ្រាប់ និងថ្នាំអង់ទីប៊ីយោទិច(ថ្នាំប្រឆាំងការរលាក) ចំនួន៣០គ្រាប់ សរុបដល់១០០គ្រាប់ ។
ដឹងរឿងនេះរួចហើយ តើយើងលោកអ្នកនឹងនៅតែផឹកវាទេ ? តើនៅប្រទេសកម្ពុជា ពិសេសខេត្តដែលនៅជាប់ព្រំដែនជាមួយប្រទេសថៃ មានលក់ស្រាថ្នាំឱសថបុរាណថៃប្រភេទខាងលើនេះ ដែរអត់ ? ៕
ចែករំលែកព័តមាននេះ