ADផ្ទាំងផ្សព្វផ្សាយពាណិជ្ជកម្ម

Picture

ព្រះ​នាង​តូច នរោត្ដម ជេន​ណា បង្ហាញ​រូបភាព​ថ្មី​ក្នុង​ឈុត​ប្រពៃណី​បុរាណ​ខ្មែរ ពិតជា​ស្រស់​ស្អាត

1 ខែ មុន
  • ភ្នំពេញ

បើ​និយាយ​ដល់​សែ​រាជវង្ស​វ័យក្មេង ដែល​មាន​ព្រះ​សមត្ថភាព មាន​ស្នាម​ព្រះ​ហ​ស្ថ ខ្ពស់​លេចធ្លោ​អស្ចារ្យ​នោះ ប្រិ​យ​មិត្ត​ពុក​ម៉ែ​បងប្អូន​ប្រាកដជា​នឹកឃើញ​ដល់​ព្រះ​នាង​តូច នរោត្ដម ជេន​ណា ជាក់​ជា​មិន​ខាន​ឡើយ ដែល​ទ្រង់​កំពុង​តែ​

រាជធានី​ភ្នំពេញ ៖ បើ​និយាយ​ដល់​សែ​រាជវង្ស​វ័យក្មេង ដែល​មាន​ព្រះ​សមត្ថភាព មាន​ស្នាម​ព្រះ​ហ​ស្ថ ខ្ពស់​លេចធ្លោ​អស្ចារ្យ​នោះ ប្រិ​យ​មិត្ត​ពុក​ម៉ែ​បងប្អូន​ប្រាកដជា​នឹកឃើញ​ដល់​ព្រះ​នាង​តូច នរោត្ដម ជេន​ណា ជាក់​ជា​មិន​ខាន​ឡើយ ដែល​ទ្រង់​កំពុង​តែ​ទទួល​បាន​ប្រជាប្រិយភាព​យ៉ាង​ខ្លាំងក្លា​ពី​មហា​ជន​ទាំង​ក្នុង​ប្រទេស​កម្ពុជា រួម​ទាំង​បណ្ដា​ប្រទេស​នានា តាម​រយៈ​ព្រះ​សមត្ថភាព ស្នាម​ព្រះ​ហ​ស្ថ​លើ​វិស័យ​សិល្បៈ វប្បធម៌ អរិយ​ធ​ម៍​ខ្មែរ និង​សង្គម​ជាតិ​ក្នុង​ប្រទេស​កម្ពុជា ។

Picture

មិន​ត្រឹមតែ​មាន​សមត្ថភាព​លេចធ្លោ​ប៉ុណ្ណោះ​ទេ តែ​ព្រះ​នាង​ក៏​មាន​រូបសម្បត្តិ​ស្រស់​សោភា សមសួន​ជា​កុលធីតា​ខ្មែរ ដែល​ជា​សែស្រឡាយ​រាជវង្ស​វ័យក្មេង មាន​ចរិយា​សម្បត្តិ​គួរ​ឱ្យ​គោរព​ស្រឡាញ់​ណាស់ ជា​ពិសេស​ពេល​ព្រះ​នាង​តុបតែង​ខ្លួន​ក្នុង​ឈុត​សម្លៀក​បំពាក់​ក្នុង​ឈុត​ប្រពៃណី​បុរាណ​ខ្មែរ​តែ​ម្ដង ។

យ៉ាងណាមិញ ជា​ទូទៅ​គេ​តែងតែ​សង្កេត​ឃើញ​ថា ព្រះ​នាង​តូច​នរោត្ដម ជេន​ណា តែងតែ​លើកយក​វប្បធម៌ អរិយ​ធ៌​ខ្មែរ មក​បង្ហាញ​តាម​រយៈ​បណ្ដាញ​សង្គម ដើម្បី​អោយ​ប្រជាជន​ខ្មែរ​ក្មេង​ចាស់​ប្រុស​ស្រី និង​យុវជន​ជំនាន់​ក្រោយ​បានឃើញ​បានដឹង និង​ស្គាល់​តាម​រយៈ​ការ​បង្ហាញ​ឈុត​សម្លៀក​បំពាក់​ប្រពៃណី​បុរាណ​ខ្មែរ ដែល​ទាក់ទង​នឹង​ប្រវត្តិ​ពី​ដើម និង​និយាយ​រៀបរាប់​ពាក់ព័ន្ធ​ពី​ប្រវត្តិ​ឈុត​នីមួយ​ៗ ដើម្បី​ជម្រាប់​ជូន​អ្នកគាំទ្រ ក៏​ដូច​ជា​បងប្អូន​ខ្មែរ​ទាំងអស់​ផង​ដែរ​។

Picture

ដោយឡែក នា​រសៀល​ថ្ងៃ​ទី​៩ ខែសីហា​នេះ ព្រះ​នាង​តូច​បាន​បង្ហោះ​រូបភាព​ថ្មី​ប៉ុន្មាន​សន្លឹក ក្នុង​ឈុត​សម្លៀក​បំពាក់​បុរាណ​ខ្មែរ​ដែល​មានការ​ឆ្នៃ​ម៉ូត​លំអរ​ក្បាច់​ផ្កាចន្ទន៍ និង​អម​ជាមួយ​គ្រឿងអលង្ការ​ជា​ច្រើន រួម​មាន ម្កុ​ត កងដៃ ខ្សែ​.​ក​យ៉ាង​ស្រស់​ស្អាត មើលទៅ​គួរ​អោយ​ទាក់ទាញ និង​គួរ​អោយ​គោរព​ស្រលាញ់​ខ្លាំង​ណាស់ ពិសេស​មួយ​ឈុត​នេះ សម​សួរ​ជានា​រី​ខ្មែរ​ពិត​ៗ​តែ​ម្ដង​។

ក្នុង​នោះ​ដែរ ព្រះ​នាង​ក៏​បាន​ភ្ជាប់​ជាមួយ​សារ​មួយ​ឃ្លា​ថា «​ថ្ងៃនេះ ខ្ញុំ​សូម​បង្ហាញ​នូវ​ឈុត​សម្លៀក​បំពាក់​​បុរាណ​ខ្មែរ ច្នៃ​ថ្មី​ដ៏​ស្រស់​ស្អាត​មួយ​ឈុត ដែល​ខ្ញុំ​ពេញ​ចិត្តជា​ខ្លាំង​។ ក្បាច់​ផ្កាចន្ទន៍​នេះ​ជា​ក្បាច់​បុរាណ​ខ្មែរ ពិសេស​លើ​សំពត់​នាង​ទេពអប្សរ ចម្លាក់​មហា​ប្រាសាទអង្គរវត្ត​»​។

Picture

មួយទៀត​នោះ មួយ​ឈុត​នេះ ពី​ព្រះ​នាង​តូច​នរោត្ដម ជេន​ណា គឺថា ទទួល​បានការ​គាំទ្រ និង​លើក​សរសើរ​ពី​សម្រស់​ទ្រង់​មិន​ដាច់​ពី​មាត់​ឡើយ ដោយ​អ្នកខ្លះ​លើក​ឡើង​ថា «​ស្រស់​ស្អាត សមសួន​គួរ​អោយ​គោរព​ស្រលាញ់​យ៉ាងនេះ​ព្រះ​នាង​តូច​» ។ ខ្លះ​ទៀត​លើក​ឡើង​ថា «​សូម​អរគុណ​នៅ​ទឹក​ព្រះ​ទ័យ​ដ៏​ថ្លៃថ្លា​របស់​ព្រះ​នាង​តូច ដែល​តែងតែ​បង្ហាញ​នៅ​ឈុត​ថ្មី​ៗ​ដែល​ជា​របស់​ខ្មែរ លើ​បណ្ដាញ​សង្គម​អោយ​កូន​ខ្មែរ​បានដឹង និង​ស្គាល់​» ជាមួយ​គ្នា​នេះ ក៏​នៅ​មាន​ពាក្យ​លើក​សរសើរ​ជា​ច្រើន​ទៀត ដែល​យើង​ពុំ​អាច​រៀបរាប់​អស់​បាន​ឡើយ ។

Picture

សូម​រំលឹក​ពី​ជីវប្រវត្តិ​របស់​កុលធីតា​ខ្មែរ​រូប​នេះ​បន្តិច «​ព្រះ​នាង​តូច នរោត្ដម ជេន​ណា ប្រ​សូត្រ​នៅ​ថ្ងៃ​ទី​១១ ខែមីនា ឆ្នាំ​២០១២ នាទី​ក្រុងប៉ារីស ប្រទេស​បារាំង ដែល​មាន​គោ​រម្យ​ងារ​ផ្លូវការ ជា​អក្ស​ខ្មែរ អ្នក​អង្គ​ម្ចាស់​ក្សត្រិយ៍ នរោត្ដម ជេន​ណា និង​ភាសាផ្លូវការ​អន្តរជាតិ «Princess Jenna Norodom» ជា​សមាជិក​នៃ​ព្រះរាជ​វង្សានុវង្ស​កម្ពុជា​។ ព្រះ​នាង​តូច​ជា​បុត្រី​ទី​២ របស់​ព្រះបាទ​នរោត្តម បុប្ផា​រី ព្រះ​បិតា​របស់​ព្រះ​អង្គជា​ជនជាតិ​បារាំង ហើយ​ជា​ចៅស្រី​របស់​សម្ដេចក្រុមព្រះ​នរោត្តម ចក្រពង្ស និង​ជា​ចៅស្រី​ដ៏​ឧត្តុង្គឧត្តម​របស់​ព្រះបាទ​នរោត្តម សីហ​នុ និង​ជា​ចៅ​របស់​ព្រះបាទ នរោត្តម សីហ​មុនី ផង​ដែរ ។ ហើយ​នៅ​ឆ្នាំ​២០១៥ អ្នក​អង្គ​ម្ចាស់​ក្សត្រិយ៍ នរោត្ដម ជេន​ណា មាន​ព្រះ​ជន្មាយុ​៤ ព្រះ​វស្សា ព្រះ​នាង​និង​ក្រុម​គ្រួសារ​ក៏​បាន​ត្រឡប់​មក​រស់នៅ​ដែនដី​សុវណ្ណ​ភូមិ​ព្រះរាជាណាចក្រ​កម្ពុជា​វិញ ។

Picture
Picture
Picture
Picture
Picture
Picture
Picture
Picture
Picture