ផ្ទុះការតវ៉ារឿងពិនិត្យបញ្ជីឈ្មោះបោះឆ្នោតនៅសង្កាត់បឹងទំពុន
រាជធានីភ្នំពេញ៖ មន្ត្រីសង្កាត់បឹងទំពន់ បានបើកអង្គប្រជុំដោះស្រាយលើបណ្តឹងរបស់ក្រុមអ្នកសង្កេតការចុះឈ្មោះបោះឆ្នោតរបស់គណបក្សសង្គ្រោះ
រាជធានីភ្នំពេញ៖ មន្ត្រីសង្កាត់បឹងទំពន់ បានបើកអង្គប្រជុំដោះស្រាយលើបណ្តឹងរបស់ក្រុមអ្នកសង្កេតការចុះឈ្មោះបោះឆ្នោតរបស់គណបក្សសង្គ្រោះជាតិនៅសង្កាត់បឹងទំពន់ ដែលប្តឹងចោទប្រកាន់មន្ត្រីនៃគណៈកម្មាធិការជាតិរៀបចំការបោះឆ្នោត (គ.ជ.ប) នៅសង្កាត់បឹងទំពន់ អនុញ្ញាតឲ្យជនជាតិវៀតណាម ៣៣នាក់ ចុះឈ្មោះបោះឆ្នោត។
ពិធីបើកសវនាការជំនុំជម្រះនៅថ្នាក់សង្កាត់បឹងទំពន់ នារសៀលថ្ងៃតី១១ មករា ២០១៧ ទាក់ទងជាមួយបណ្តឹងខាងលើនេះ ធ្វើឡើងដោយមានការចូលរួមពីក្រុមប្រឹក្សាសង្កាត់ដែលជាបេក្ខជនមកពីគណបក្សសង្គ្រោះជាតិគ្រប់រូបផងដែរ ។ ក្នុងអង្គសវនាកាខាងលើនេះចៅសង្កាត់បឹងទំពន់ លោកសួស សារិន បានកោះហៅប្រជាពលរដ្ឋដែលទទួលរងបណ្តឹងខាងលើមកបង្ហាញខ្លួននៅចំពោះមុខដើមបណ្តឹង ដោយនាំយកឯកសារអត្តសញ្ញាណប័ណ្ណសញ្ជាតិខ្មែរមកបង្ហាញអង្គសវនាការដើម្បីបញ្ជាក់ថាបងប្អូនពិតជាមានសិទ្ធិចុះឈ្មោះបោះឆ្នោត ដើម្បីបំពេញកតព្វកិច្ចជាពលរដ្ឋខ្មែរដូចពលរដ្ឋដទៃទៀតដែរ។
នៅចុងបញ្ចប់នៃអង្គសវនាកាគឺលោក សួស សារិន និងក្រុមប្រឹក្សាសង្កាត់បឹងទំពន់ សម្រេចទទួលស្គាល់ប្រជាពលរដ្ឋទាំង៣៣នាក់ថាពួកគាត់មានសិទ្ធិចុះឈ្មោះបោះឆ្នោតនិងបោះឆ្នោតដូចពលរដ្ឋដទៃទៀតដែរ ។ ជាមួយគ្នានោះដែរពលរដ្ឋទាំង៣៣នាក់ ក៍បានចេញមុខការពារខ្លួនថាពួកគាត់ជាពលរដ្ឋខ្មែរសុទ្ធសាធដូចពលរដ្ឋឯទៀតដែរ ៕
ចែករំលែកព័តមាននេះ