ការខិតខំប្រឹងប្រែងរបស់យើងម្នាក់ៗមិនអត់ប្រយោជន៍នោះឡើយ អោយតែយើងតាំងចិត្ត ដាក់ចិត្តដាក់កាយថាតស៊ូជំនះរាល់គ្រប់ឧបសគ្គ មិនថាបរាជ័យប៉ុន្មានដង កុំចុះចាញ់វា ហើយឱកាសមិនមែនដេកចាំបានរត់មករកយើងទេ ថ្ងៃណាមួយ
រាជធានីភ្នំពេញ ៖ ការខិតខំប្រឹងប្រែងរបស់យើងម្នាក់ៗមិនអត់ប្រយោជន៍នោះឡើយ អោយតែយើងតាំងចិត្ត ដាក់ចិត្តដាក់កាយថាតស៊ូជំនះរាល់គ្រប់ឧបសគ្គ មិនថាបរាជ័យប៉ុន្មានដង កុំចុះចាញ់វា ហើយឱកាសមិនមែនដេកចាំបានរត់មករកយើងទេ ថ្ងៃណាមួយក្ដីស្រមៃរបស់អ្នកនឹងជោគជ័យ ហើយក្លាយជាការពិតជាក់ជាមិនខានឡើយ គ្រាន់តែថា តើវាយូរ និងឆាប់តែប៉ុណ្ណោះ? ។
អ្នកទាំងអស់គ្នា ប្រាកដជាស្គាល់ហើយ នៅរាជនីម៉ូដែលកំពូលសម្រស់ តារាសម្ដែងស្រី មានភាពលេចធ្លោ សម្រស់ស្រស់ស្អាតដូចគំនូរ គួរអោយទាក់ទាញ កែវភ្នែកស្រទន់ មុខមាត់មានមន្តស្នេហ៍ រួសរាយរាក់ទាក់ ដែលគេតែងតែហៅថា កូនកាត់អាល្លឺម៉ងនោះ គឺ កញ្ញា មៃយ៉ា ដែលជាពិធីការិនី និងសម្តែងដ៏មានប្រជាប្រិយភាពមួយរូប ដែលមានឈ្មោះល្បីល្បាញបោះសម្លេងយ៉ាងខ្លាំង មិនធម្មតានៅក្នុងរង្វង់វិស័យសិល្បៈខ្មែរមកជាច្រើនឆ្នាំ ជាពិសេសជាងនេះទៅទៀតនោះ មិនត្រឹមតែជាតារាស្រីម្នាក់ដែលពោរពេញទៅដោយទេពកោសល្យ និងសមត្ថភាពដ៏ប៉ិនប្រសព្វនោះទេ មិនថាដើរតួរ កាច ឆ្នាស់ ស្លូត នាងធ្វើបានគ្រប់ទម្រង់ទាំងអស់ រីឯរូបសម្រស់របស់នាងវិញក៏ស្រស់ស្អាតខ្លាំងមិនធម្មតាដែរ ។
បើងាកទៅមើលពីជីវិតឯកជន បច្ចុប្បន្នរបស់នាងវិញ គេនាំគ្នាសង្កេតឃើញ នាងកាន់តែមានភាពមមាញឹកខ្លាំងក្នុងអាជីពរបស់ខ្លួនស្ទើរតែរកពេលសម្រាកគ្មាននោះទេ ដោយនាងតែងតែចេញទៅថតសំអាងការផ្សេងៗ តែអ្វីដែលកាន់តែពិសេសទៅវិញនោះ ស្នេហារបស់នាងតែម្ដង ឃើញថា ពីមួយថ្ងៃទៅមួយថ្ងៃ តារាស្រីរូបនេះកាន់តែមានភាពផ្អែមល្ហែមទៅមុខយ៉ាងរលូន មានសុភមង្គលទ្វេដង បើទោះបីជារវល់ជាមួយនឹងការងារយ៉ាងណាក្ដី នាងក៏ឆ្លៀតពេលសម្រាកលំហែខួរក្បាល ដើរលេងកម្សាន្តជាមួយក្រុមគ្រួសារផងដែរ រហូតធ្វើអោយអ្នកគាំទ្រមិនតិចនាក់នោះទេ នាំគ្នាលួចច្រណែននឹងស្នេហារបស់នាងគ្រប់ៗគ្នា ។
ថ្មីៗនេះផងដែរ មហាជននាំគ្នាភ្ញាក់ទ្រើត ស្រឡាំងកាំង បើកភ្នែកធំៗ ដោយតារាសម្តែងស្រីរូបនេះ ស្ងាត់ៗស្រាប់តែបើកបង្ហោះនៅរូបផ្ទះវីឡារបស់ខ្លួនភ្លែត យ៉ាងធំស្កឹមស្កៃនៅក្នុងក្ដីស្រមៃដ៏ប្រណីតមួយ និងគួរឲ្យចង់រស់នៅខ្លាំងណាស់ បន្ទាប់ពីបានឃើញតារាស្រីកូនកាត់អាល្លឺម៉ងរូបនេះ កាន់តែធ្វើឲ្យអ្នកគាំទ្រចាប់អារម្មណ៍ និងសរសើរចំពោះភាពជោគជ័យរបស់នាងមិនដាច់ពីមាត់ ក្នុងនោះ មៃយ៉ា បានចេញមុខមកបញ្ជាក់ប្រាប់យ៉ាងច្បាស់ៗនៅលើបណ្តាញសង្គមហ្វេសប៊ុកថា នេះគឺជាកម្លាំងញើសឈា.មរបស់នាងផ្ទាល់ « Welcome my House មកយកសោរ ផ្ទះទី១ កម្លាំងញើសឈា.មអូន» រហូតផ្ទុះការសរសើរយ៉ាងព្រោងព្រៀតនៅសមត្ថភាពរបស់នាង ។
ក្រោយពីបានឃើញតារាស្រីរូបនេះបង្ហោះបែបនេះហើយ ក៏មានអ្នកចូលទៅខមិនថា «សូមបានសុខសប្បាយ និងសំណាងល្អក្នុងជីវិត ចៅ» «ហេងហេងអាយដល» «គ្រាន់តែឃើញហើយគួរអោយចង់រស់នៅខ្លាំងណាស់ចែអើយ» «សាកសមនឹងការហត់នឿយ ស៊ូរៗណាអាយដល» «ស្អាតណាស់អូនអើយ» «ស្អាតញាក់ម៉ងបង» «ស្អាតទាំងផ្ទះ ស្អាតទាំងមនុស្ស» «ជូនពរអោយបងជោគជ័យគ្រប់ការងារ និងមុខជំនួញណាបង» «ញាក់សាច់តែម្ដងបង សុំទៅនៅដែលមកអាយយដល» និងនៅមានពាក្យជាច្រើនទៀតដែលមិនអាចរៀបរាប់អស់ ៕
ចែករំលែកព័តមាននេះ