កម្លាំងសមត្ថកិច្ច បានចាប់ខ្លួនជនសង្ស័យម្នាក់ កាលពីរសៀលថ្ងៃទី៦ ខែសីហា ឆ្នាំ២០២២ នៅឯរាជធានីភ្នំពេញ ក្នុងអំពើឃា.តក.ម្មដោយប្រើប្រាស់អាវុធខ្លីបា.ញ់ទៅលើប្អូនបង្កើត
ខេត្តក្រចេះ ៖ កម្លាំងសមត្ថកិច្ច បានចាប់ខ្លួនជនសង្ស័យម្នាក់ កាលពីរសៀលថ្ងៃទី៦ ខែសីហា ឆ្នាំ២០២២ នៅឯរាជធានីភ្នំពេញ ក្នុងអំពើឃា.តក.ម្មដោយប្រើប្រាស់អាវុធខ្លីបា.ញ់ទៅលើប្អូនបង្កើតរបស់ខ្លួនចំសៀតផ្កា ធ្លាយពីម្ខាងទៅម្ខាង បណ្តាលអោយស្លា.ប់ ខណៈពេលបញ្ជូនទៅសង្គ្រោះនៅមណ្ឌលសុខភាពកាលពីថ្ងៃទី៥ ខែសីហា។
ប្រភពព័ត៌មានពីមន្ត្រីនគរបាលក្នុងប្រតិបត្តិការខាងលើបានឱ្យដឹងថា ជំនាញការិយាល័យព្រហ្មទណ្ឌ នៃអធិការដ្ឋាននគរបាលស្រុកស្នួល សហការជាមួយកម្លាំងនគរបាលព្រហ្មទណ្ឌខេត្ត និងកម្លាំងនាយដ្ឋានព្រហ្មទណ្ឌ ដឹកនាំដោយលោកវរសេនីយ៍ឯក គុណ សុភ័ណ្ឌ ស្នងរងទទួលផែនព្រហ្មទណ្ឌ ក្រោមការចង្អុលបង្ហាញពីលោកឧត្តមសេនីយ៍ទោ លន់ សុផាត ស្នងការនគរបាលខេត្ត និងមានការសម្របសម្រួលពីលោក គឺ ប៊ុណ្ណារ៉ា ព្រះរាជអាជ្ញាអមសាលាដំបូងខេត្ត នៅថ្ងៃទី៦ ខែសីហា ឆ្នាំ២០២២ បានឃាត់ខ្លួនជនសង្ស័យម្នាក់នៅចំណុចផ្ទះសំណាក់ទឹកមាស ស្ថិតក្នុងសង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ។
ប្រភពដដែលបន្តថា ជនសង្ស័យខាងលើមានឈ្មោះ ស្រុន សុខុម ភេទប្រុស អាយុ៣០ឆ្នាំ ជាជនជាតិខ្មែរ រស់នៅភូមិគ្រញូងសែនជ័យ ឃុំគ្រញូងសែនជ័យ ស្រុកស្នួល ខេត្តក្រចេះ ត្រូវបានកម្លាំងនគរបាលឃាត់ខ្លួនពាក់ព័ន្ធករណីឃា.តក.ម្ម (បា.ញ់សម្លា.ប់) កាលពីថ្ងៃទី៥ ខែសីហា ឆ្នាំ២០២២ វេលាម៉ោង០៨.០០នាទីយប់ នៅចំណុចការ៉េ៩ ស្ថិតនៅភូមិគ្រញូងសែនជ័យ ឃុំគ្រញូងសែនជ័យ ស្រុកស្នួល ខេត្តក្រចេះ ។
ក្រោយការឃាត់ខ្លួនជនសង្ស័យ កម្លាំងនគរបាលបានដកហូតវត្ថុតាងរួមមាន ៖ កាំភ្លើ.ងខ្លី ម៉ាក Glock 19 ពណ៌ខ្មៅ ចំនួន០១ដើម, បង់ចំនួន០២, គ្រា.ប់ចំនួន១២គ្រា.ប់, ម្ស៉ៅក្រាម ពណ៌ស សង្ស័យជាគ្រឿងញៀ.នមេតំហ្វេតាមីនចំនួន០៣កញ្ចប់ ( ០១កញ្ចប់ធំ និង ០២កញ្ចប់មធ្យម), ជញ្ជើងថ្លឹងគ្រឿងញៀ.នចំនួន០១ និងដែកកេះចំនួន០៤។
បន្ទាប់ពីការឃាត់ខ្លួនជនសង្ស័យ បានឆ្លើយសារភាពចំពោះមុខនគរបាលថា «ខ្លួនពិតជាបានប្រើប្រាស់កាំភ្លើ.ងខ្លីម៉ាក Glock 19 បា.ញ់ទៅលើប្អូនបង្កើតឈ្មោះ ស្រ៊ុន សុខាវ ភេទប្រុស អាយុ២១ឆ្នាំ ត្រូវចំសៀតផ្កាខាងឆ្វេង ធ្លាយទៅសៀតផ្កាខាងស្តាំ ពិតប្រាកដមែន ដោយសារតែខឹងជាមួយនឹងជនរងគ្រោះដែលជាប្អូន ដែលបានត.មាត់ ខណៈពេលដែលខ្លួនកំពុងតែណែនាំ និងស្តីបន្ទោសឲ្យតិចតួច»។
បច្ចុប្បន្ន ជនសង្ស័យកំពុងស្ថិតក្រោមការឃាត់ខ្លួននៅអធិការដ្ឋាននគរបាលស្រុកស្នួល ក្រោយបញ្ជូនមកពីភ្នំពេញ និងបន្តកសាងសំណុំរឿងបញ្ចូនទៅស្នងការដ្ឋាននគរបាលខេត្តចាត់ការបន្តតាមនីតិវិធីទៅតុលាការ៕
ចែករំលែកព័តមាននេះ