រាជធានីភ្នំពេញៈ យោងតាមរបាយការណ៍របស់មន្ទីររៀបចំដែនដីនគររូបនីយកម្ម សំណង់ និងសុរិយោដីរាជធានីភ្នំពេញ បានឱ្យដឹងថា សំណង់អគារខ្ពស់ៗនៅរាជធានីភ្នំពេញ កំពស់ចាប់ពី៥ជាន់ រហូតដល់ជាង៤០ជាន់ សំរាប់ឆ្នាំ២០១៦កន្លងមកនេះ មានចំនួន៧៩១អគារ ដែលបានសាងសង់រួច និងកំពុងសាងសង់ កើនលើសឆ្នាំ២០១៥ចំនួន១៦៣អគារ ។
រាជធានីភ្នំពេញៈ យោងតាមរបាយការណ៍របស់មន្ទីររៀបចំដែនដីនគររូបនីយកម្ម សំណង់ និងសុរិយោដីរាជធានីភ្នំពេញ បានឱ្យដឹងថា សំណង់អគារខ្ពស់ៗនៅរាជធានីភ្នំពេញ កំពស់ចាប់ពី៥ជាន់ រហូតដល់ជាង៤០ជាន់ សំរាប់ឆ្នាំ២០១៦កន្លងមកនេះ មានចំនួន៧៩១អគារ ដែលបានសាងសង់រួច និងកំពុងសាងសង់ កើនលើសឆ្នាំ២០១៥ចំនួន១៦៣អគារ ។
របាយការណ៍ដដែលបន្តថា ស្ថិតិសំណង់អគារខ្ពស់ៗ បានសាងសង់រួច និងកំពុងសាងសង់នៅរាជធានីភ្នំពេញ គិតរហូតមកដល់ខែធ្នូ ឆ្នាំ២០១៦ មានចំនួន៧៩១អគារ ក្នុងនោះ អគារមានកំពស់ចាប់ពី៥ជាន់ ដល់៩ជាន់ មាន៤៧៤អគារ ចាប់ពី១០ជាន់ដល់១៩ជាន់ មាន២៤៩អគារ ចាប់ពី២០ដល់២៩ មាន៤៣អគារ ចាប់ពី៣០ជាន់ដល់៣៩ជាន់មាន១៧អគារ និងចាប់ពី៤០ជាន់ឡើងទៅមាន០៨អគារ ចំណែកសំណង់បូរី មានចំនួន១៣៤បូរីផងដែរ ។
ចំណែកសំណង់ផ្សេងៗនៅរាជធានីភ្នំពេញ ក្នុងឆ្នាំ២០១៦នេះ ដែលមានច្បាប់អនុញ្ញាតចំនួន៩០១គម្រោង ធៀបទៅនឹងឆ្នាំ២០១៥ មាន៦៦២គម្រោង គឺកើន៣៦,១០% សំណង់គ្មានលិខិតអនុញ្ញាត បានចេញលិខិតទប់ស្កាត់មានចំនួន២៦៣គម្រោង ធៀបទៅឆ្នាំ២០១៥ ដែលមាន២៦១គម្រោង កើន០,៧៦% សំណង់ខុសប្លង់មាន៦០គម្រោង សំណង់ជួសជុលមានលិខិតអនុញ្ញាត១១គម្រោង និងសំណង់ជួសជុលគ្មានលិខិតអនុញ្ញាតចំនួន៣៣គម្រោង ។
របាយការណ៍ដដែលបញ្ជាក់ថា ក្នុងឆ្នាំ២០១៦នេះ មន្ទីររៀបចំដែនដី នគររូបនីយកម្ម សំណង់ និងសុរិយោដីរាជធានីភ្នំពេញ បានប្រមូលទិន្នន័យក្បាលដី បានចំនួន២១៣ ៦១៩ក្បាលដី ចុះហត្ថលេខាលើបណ្ណ័រួចចំនួន១៦៤,៦៩៨ប័ណ្ណ ចែកបនបត្រសំគាល់ម្ចាស់អចលនវត្ថុ ជូនប្រជាពលរដ្ឋបានចំនួន៨៤៨៥ប័ណ្ណ រួមទាំង២០សង្កាត់ ទើបបញ្ចូលថ្មីផងដែរ ។
ចែករំលែកព័តមាននេះ