អ្នកទាំងអស់គ្នាប្រាកដជាបានដឹងច្បាស់ហើយ បើនិយាយទៅដល់តារាស្រីវ័យ៣៦ឆ្នាំ អ្នកនាង Pat napapa បានជួបរឿងជីវិតជូរចត់រាប់មិនអស់ មិនចាញ់តួឯកស្រីក្នុងរឿងល្ខោននោះទេ ម្តាយបោះបង់តាំងពីតូច ត្រូវឪពុកយកទៅ
ថៃ ៖ អ្នកទាំងអស់គ្នាប្រាកដជាបានដឹងច្បាស់ហើយ បើនិយាយទៅដល់តារាស្រីវ័យ៣៦ឆ្នាំ អ្នកនាង Pat napapa បានជួបរឿងជីវិតជូរចត់រាប់មិនអស់ មិនចាញ់តួឯកស្រីក្នុងរឿងល្ខោននោះទេ ម្តាយបោះបង់តាំងពីតូច ត្រូវឪពុកយកទៅផ្ញើជាមួយនឹងយាយ ហើយត្រូវរកលុយមើលជំងឺយាយ មើលបងដែលដេកឈឺលើគ្រែទៀត បន្ទុកចិញ្ចឹមកូន មើលកូនតែឯងតាំងពីប្តីនៅក្នុងពន្ធនាគារ ក្រោយចេញពីពន្ធនាគារក៏បែកបាក់គ្នាជាមួយស្វាមី ចុងក្រោយគឺមកចូលរួមបុណ្យស.ពម្តាយដែលបោះបង់ខ្លួនចោល៣៣ឆ្នាំមកហើយ ទាំងមិនបាននិយាយពាក្យថា «លា» សូម្បីមួយម៉ាត់ ។
តារាសម្តែងស្រី ក៏ដូចជាពិធីការិនី Pat Napapa បានធ្វើឲ្យអ្នកគ្រប់គ្នាសរសើរពីភាពរឹងមាំ ការខិតខំប្រឹងប្រែងជំនះរាល់ឧបសគ្គ ដែលបានហែលឆ្លងភាពលំបាកអស់រយៈប៉ុន្មានឆ្នាំចុងក្រោយនេះ ។ ក្រោយបែកបាក់ស្វាមី អ្នកមេម៉ាយកូនមួយរូបនេះ ត្រូវបានមហាជនជាច្រើនសរសើរនាងថា ជាអ្នកម្ដាយម្នាក់ដ៏រឹងមាំ អស់រយៈពេលប៉ុន្មានឆ្នាំកន្លងមកនេះ ។ ប៉ុន្តែនាងពិតជាសោកសៅ និងមានការអាណិតអាសូរទៅកាន់កូនប្រុសរបស់នាងជាខ្លាំង តែនាងមិនដែលបញ្ចេញទៅអោយកូនប្រុសរបស់នាងបានឃើញពីទុក្ខលំបាករបស់នាងនោះឡើយ ។
ដោយឡែក បើងាកមកមើលពីសម្រស់របស់អ្នកម៉ាក់កូនមួយ Pat Napapa វិញ ឃើញថា នាងនៅតែមានភាពស្រស់ស្អាត មិនថាមុខមាត់ ឬរូបរាងកាយនោះទេ គឺអាចនិយាយបានថា នាងមើលទៅមានភាពក្មេងជាងវ័យ បើទោះបីជាពេលនេះ នាងមានកូនរួចទៅហើយក្ដី ក៏ប៉ុន្តែមិនបានធ្វើឲ្យសម្រស់របស់នាងថយចុះនោះទេ។
ជាមួយនឹងរូបសម្រស់ស្រស់ស្អាតនេះហើយ ទោះបីជាមេម៉ាយកូនមួយក៏ពិតមែន តែតារាស្រីរូបនេះ ហាក់បីដូចជាក្រមុំអ៊ីចឹង ដោយមានកំលោះតាមមិនតិចនាក់នោះទេ។ បន្ទាប់ពីស្ពាយឈ្មោះជាមេម៉ាយអស់ជាច្រើនឆ្នាំមក តារាស្រីរូបនេះ ហាក់ពុំសូវជាដាច់រឿងរ៉ាវផ្ដើមស្នេហ៍ថ្មីជាមួយអ្នកនេះ អ្នកនោះឡើយ។ ជារឿយៗ នាងតែងតែលេចឮនៅព័ត៌មានផ្ទុះព្រោងព្រាតពីមួយទីមួយនៅលើបណ្ដាញសង្គមហ្វេសប៊ុក និងត្រូវបានគេលើកយកទៅធ្វើជាប្រធានបទជជែកវែកញែកជាច្រើនហូរហែ ជុំវិញរឿងរ៉ាវជីវិតស្នេហារបស់នាងពីគូស្នេហ៍មួយ ទៅគូស្នេហ៍មួយរាប់មិនអស់ តែមិនដែលបានយូរនោះទេ ។
ថ្មីៗនេះ អ្វីដែលធ្វើអោយពុកម៉ែបងប្អូនជាច្រើននាក់ផ្ទុះការភ្ញាក់ផ្អើលមិនស្ទើរទៅវិញនោះ តារាស្រី Pat និង តារាប្រុស Nithichai Yotamornsunthorn ហៅក្រៅថា Yuan ស្រាប់តែសារភាពដាក់គ្នាទៅវិញទៅមក ដោយបាននិយាយថា «ពេញចិត្តគ្នា» ពាក្យនេះដែរ បានធ្វើអោយមហាជនមិនតិចនាក់នោះទេ នាំគ្នាសប្បាយចិត្ត និងរំភើបគ្រប់ៗគ្នា បន្ទាប់ពីអ្នកទាំងពីរចូលរួមនៅក្នុងកម្មវិធីកម្សាន្តមួយ គេឃើញថា តារាប្រុស Yuan បានកាន់បាច់ផ្កាមួយបាច់ធំ ហើយលុតជង្គង់ដោយនិយាយពាក្យក្នុងចិត្តទៅកាន់តារាស្រី Pat ពេញៗមាត់តែម្ដង ។
ដោយតារាប្រុស Yuan បាននិយាយទៅកាន់ Pat ថា ៖ «លោកពិតជាស្រឡាញ់ Pat ណាស់ តារាស្រី Pat ជាមនុស្សដែលស្រឡាញ់គ្រួសារ លោកពិតជាយល់គ្រប់យ៉ាងពី Pat លោកពិតជាសរសើរនូវភាពរឹងមាំរបស់នាងណាស់។ ទោះបីតារាស្រី Pat មានរឿងអ្វី លោកនឹងនៅពីក្រោយខ្នង ដើម្បីផ្តល់កម្លាំងចិត្តជានិច្ច»។
ក្រោយពីបានលឺតារាប្រុសរូបនេះ និយាយបែបនឹងភ្លាម មិនទុកយូរ ស្រាប់តែតារាស្រី Pat ក៏បានចេញមកតបទៅវិញភ្លែត ឱ្យតារាប្រុស Yuan ទាក់ទងមកនាងចុះ អាចនាំនាងទៅធ្វើបុណ្យជាមួយក៏បាន នាងក៏ចង់មានមិត្ត មានគ្នី មានគ្នាដែរ។
បន្ទាប់ពីបានឃើញបែបនេះហើយ មានហ្វេនៗជាច្រើននាក់នាំគ្នាចូលទៅខមិនយ៉ាងព្រោងព្រាតថា «ខ្ញុំចង់ឱ្យចែ Pat មានក្តីសង្ឃឹមក្នុងស្នេហាយូរអង្វែង» «មួយគូនេះគួរឱ្យស្រឡាញ់ណាស់» «គួរឲ្យស្រលាញ់ណាស់ ចាំជួយគាំទ្រទាំងសងខាង» «ខ្ញុំចង់ឱ្យ Pat បើកចិត្តឱ្យបុរសដែលគួរឱ្យស្រលាញ់ដូច Nong Yuan លើកទឹកចិត្តគ្នាទៅវិញទៅមក» «គូស្នេហ៍មួយគូនេះ គួរឱ្យស្រឡាញ់ណាស់ ខ្ញុំពិតជាចង់ឱ្យពួកគេធ្វើជាគូស្នេហ៍នឹងគ្នាមែនទែនដល់ហើយ» « Yuan និយាយបានល្អណាស់ Pat គឺគួរឱ្យស្រលាញ់ ទាំងឆ្លាត ទាំងពូកែ រកណាបានទៀតមនុស្សស្រីបែបនឹងស្រលាញ់ទៅមិនខុសទេ» « Yuan គួរអោយស្រលាញ់ Pat គួរបើកចិត្តអោយបុរសឈ្មោះ Yuan ថែរក្សាបេះដូង មើល Yuan មិនដែលមានដំណឹងអាក្រក់ពីមនុស្សស្រីទេ។ ហើយក៏កម្រមានបុរសណាម្នាក់ ធ្លាក់ក្នុងអន្លង់ស្នេហ៍ស្ត្រីមេម៉ាយដែរ ប៉ុន្តែ Yuan បានជ្រើសរើស Pat ។
ចំណែកបុរសផ្សេងទៀតជ្រើសរើស ផាត ដោយសារតែសម្រស់របស់នាង ជាតារា និងមានលុយ ប៉ុន្តែលោក Yuan គាត់បាននិយាយថា «ទោះអ្នកឆ្លងកាត់អ្វីក៏ដោយ Yuan មិនខ្វល់ទេ វាជាការចាប់ផ្តើមថ្មី អាចទេសាកបើកចិត្តអោយប្រុសសង្ហារគួរអោយស្រលាញ់ មានចិត្តល្អដូចយួន ខ្ញុំចង់លើកទឹកចិត្តអ្នក» ។ យ៉ាងណាមិញ សម្រាប់ទំនាក់ទំនងរបស់អ្នកទាំងពីរ និងទៅជាយ៉ាងណាបន្តនោះ មានតែរង់ចាំមើលតាមដានបន្ដទៀតតែប៉ុណ្ណោះ ដោយយើងមិនទាន់ដឹងច្បាស់ទេ ហើយនេះគ្រាន់តែជាការទម្លាយនិយាយពាក្យនៅក្នុងចិត្តមួយចំនួនរបស់តារាប្រុស Yuan ទៅកាន់តារាស្រីមេម៉ាយកូនមួយ Pat តែប៉ុណ្ណោះ ៕
ចែករំលែកព័តមាននេះ