រាជធានីភ្នំពេញ ៖ ពិធីករ លោកតាប៊ុយ បានចេញមុខឆ្លើយតបយ៉ាងដាក់ដោតទៅកាន់មហាជនមួយរូប ដែលបានរិះគន់តាមបណ្តាញសង្គមមកលើរូបលោកថា បច្ចុប្បន្ន លោកកំពុងតែធ្លាក់កូដខ្លាំង លែងសូវមានអ្នកស្គាល់ និងមិនសូវល្បីដូចមុន…
រាជធានីភ្នំពេញ ៖ ពិធីករ លោកតាប៊ុយ បានចេញមុខឆ្លើយតបយ៉ាងដាក់ដោតទៅកាន់មហាជនមួយរូប ដែលបានរិះគន់តាមបណ្តាញសង្គមមកលើរូបលោកថា បច្ចុប្បន្ន លោកកំពុងតែធ្លាក់កូដខ្លាំង លែងសូវមានអ្នកស្គាល់ និងមិនសូវល្បីដូចមុន ។
ការចេញមុខឆ្លើយតបពីពិធីកររូបនេះបានធ្វើឡើង បន្ទាប់ពីមានបុរសម្នាក់បានចូលទៅធ្វើការខមមិនពីក្រោមរូបភាពដែលតាប៊ុយ បានបង្ហោះលើបណ្តាញសង្គម ដោយបានប្រើពាក្យចំៗថា ធ្លាក់កូតហើយឡុវ Idol អត់សូវមានណាគេស្គាល់ Idol តាប៊ុយទេ ។
ក្រោយឃើញការលើកឡើងពីបុរសខាងលើនេះ ពិធីករលោកតាប៊ុយ ក៏បានធ្វើការឆ្លើយតបភ្លាមៗ ដោយនៅក្នុងនោះ លោកបានបញ្ជាក់ថា ភាពជោគជ័យនិងល្បីរបស់លោក គឺលោកមានរាប់ឆ្នាំមកហើយ ហើយប្រសិនបើលោកចង់ល្បី គឺគ្រាន់តែចោលធ្វើការទូរទស្សន៍ឡើងវិញ ប៉ុន្តែលោកមិនចង់ឡើយ ។
តាប៊ុយបានលើកឡើងតាមរយៈសំណេរបង្ហោះលើបណ្តាញសង្គមថា ចង់ល្បីស្រួលណាស់ចូលធ្វើការទូរទស្សន៍វិញ តែពិបាកចេញក្រៅរកលុយ (ល្អមើលតែមិនល្អហូប) នឹងមួយទៀតព្រមចូលកម្មវិធីតាមonline អោយគេសំភាសន៍គេទាក់ទងមករហូត (គោលការណ៍អត់ចូលចិត្តអោយគេសំភាសន៍ឆ្លងកាត់រឿងអីនរណាធ្វើអ្វីដាក់ក៏លាក់ក្នុងចិត្តទុកជាអាថ៏កំបាំង)។
លោកថា ចង់បានតែជីវិតអាលូវ រកលុយជាមួយក្រុមតន្ត្រីពេញចិត្តឬអត់១ រកលុយបានដើរលេង និងកំពុងស្វែងរកសង្សារ ចង់ចាយជីវិតជា businessman ធុញហត់ឆ្អែតនឹងល្បី ពិសេសអំណាចដែលមានគេហែរហមឆ្លងកាត់រាប់ឆ្នាំហើយ ។លោកបញ្ជាក់ថា Taboiមិនត្រឹមជោគជ័យពិធីករទេ តែដល់ផលិតករទៀតបាទហើយក៏ជួយអ្នកជុំវិញខ្លួនល្បីច្រើនហើយ ។
គួរបញ្ជាក់ថា លោកតាប៊ុយ បានប្រកាសបញ្ចប់ការងារជាពិធីកររបស់ខ្លួនពីស្ថានីយទូរទស្សន៍ MyTV ក្នុងកម្មវិធី ពេញចិត្តឬអត់ កាលពីអំឡុងឆ្នាំ២០២១ បន្ទាប់ពីលោកបានធ្វើការងារនៅទៅនោះអស់រយៈពេលជាង១០ឆ្នាំ ។
បញ្ហានេះ ត្រូវបានលោកបញ្ជាក់ថា សម្រាប់ការចាកចេញ គឺលោក និង MyTV មិនមានបញ្ហាអ្វីនិងគ្នាទេ គឺគ្រាន់តែលោកមានអារម្មណ៍ហត់នឿយ និងចង់ឲ្យខ្លួនឯងមានសេរីភាព និងគេងលក់ស្រួលបានដូចគេ ។
លោកបន្តថា នាពេលកន្លងមក លោកតែងតែទទួលបាននូវការគាំទ្រយ៉ាងពេញទំហឹងពីខាងស្ថានីយ៍ និងការផ្តល់ឱកាសជាច្រើនតាំងតែពីថ្ងៃដំបូង ដែលលោកឈានជើងចូល MyTV និងសូមអរគុណដល់MyTV ដែលយល់ព្រមតាមការសមម្រេចចិត្តរបស់លោក ។
លោកថា ខ្ញុំមិនចង់គិតម្នាក់ឯងច្រើនទៀតទេ ជាពិធីករផង ផលិតករផង កក់ studio ក៏ខ្លួនឯង រៀបចំតួក៏ខ្លួនឯង មើលការកាត់តក៏ខ្លួន ពិសេសត្រូវចំណាយពេលស្រាវជ្រាវរកគំនិតថ្មីៗទៀត ។ ចង់និយាយថា ហត់ខ្លាំងណាស់ ទោះបីជាមានជំនួយការជួយសម្រួលការងារក៏ដោយ) នាពេលនេះ គឺចង់សម្រាកខួរក្បាល ដើរលេង និងឲ្យកាដូខ្លួនឯងម្តងព្រោះ ដាក់សម្ពាធលើខ្លួនឯងជាយូរពេកហើយ ។
យ៉ាងណា ក្រោយពីការចាកចេញពីការងារនៅស្ថានីយទូស្សន៍នោះមក បច្ចុប្បន្ន តាប៊ុយ ហាក់មិនបានទៅណាឆ្ងាយពីការងារសិល្បៈនេះដែរ ដោយលោកបានប្រមូលអ្នកសិល្បៈចាស់ ថ្មី ល្បីៗ ដើម្បីបង្កើតវង់តន្ត្រីសម្រាប់ជួលក្នុងពិធីមង្គលការ ដែលមានឈ្មោះថា តន្ត្រីពេញចិត្តឬអត់ ៕
ចែករំលែកព័តមាននេះ