រាជធានីភ្នំពេញ ៖ ខណៈសកម្មភាពសាងសង់បុរីមួយចំនួនស្ថិតក្នុងសភាពទ្រឹង តម្រូវការស៊ីម៉ងត៍នៅត្រីមាសទី៤ឆ្នាំនេះ ក៏ស្ថិតក្នុងសភាពទ្រឹងដូចគ្នាដែរ គ្រាដែលការប្រកួតប្រជែងនៅក្នុងទីផ្សារកំពុងងើបឡើង ។
រាជធានីភ្នំពេញ ៖ ខណៈសកម្មភាពសាងសង់បុរីមួយចំនួនស្ថិតក្នុងសភាពទ្រឹង តម្រូវការស៊ីម៉ងត៍នៅត្រីមាសទី៤ឆ្នាំនេះ ក៏ស្ថិតក្នុងសភាពទ្រឹងដូចគ្នាដែរ គ្រាដែលការប្រកួតប្រជែងនៅក្នុងទីផ្សារកំពុងងើបឡើង ។
លោក ប្រាក់ សេរីវឌ្ឍនា មន្ត្រីទំនាក់ទំនងទូទៅនៃក្រុមហ៊ុន K Cement បានថ្លែងឲ្យដឹងនាថ្ងៃទី៣០ ធ្នូ ថា ការលក់ផលិតផលរបស់ K Cement ក្នុងត្រីមាសចុងក្រោយនៃឆ្នាំនេះមានស្ថានភាពទ្រឹង ហើយស្ថានភាពបែបនេះកើតមានសម្រាប់ទាំងអស់គ្នា ។ សម្រាប់ឆ្នាំ២០១៧ខាងមុខ ដោយសារវាជាពេលបោះឆ្នោតក្រុមប្រឹក្សាឃុំ-សង្កាត់ ការលក់របស់ក្រុមហ៊ុនមិនរំពឹងថា មានស្ថានភាពល្អប្រសើរនោះទេ ។ លោកនិយាយថា ៖ « ស្ថិតក្នុងស្ថានភាពបែបនេះ តម្លៃផលិតផល K Cement នៅរក្សាដដែល បើទោះបីជាមានការប្រកួតប្រជែងក្តី ។ ប៉ុន្តែនៅឆ្នាំ២០១៨ខាងមុខ ទីផ្សារស៊ីម៉ងត៍នឹងប្រឈមមុខនឹងការប្រកួតប្រជែងកាន់តែតានតឹង ដោយសាររោងចក្រផលិតស៊ីម៉ងត៍ចំនួន២ទៀតនឹងបើកដំណើរការ » ។
បច្ចុប្បន្ន ផលិតផល K Cement កំពុងគ្របដណ្តប់ចំណែកទីផ្សារប្រមាណ៣០% នៃទីផ្សារសរុបនៅកម្ពុជា ។
លោក ឆារស៍ វ៉ាន់ ប្រធានស្តីទីសមាគមអ្នកសាងសង់កម្ពុជា ថ្លែងថា សកម្មភាពសាងសង់នៅឆ្នាំនេះ នៅតែមានសកម្មភាពធម្មតា បើទោះជាទីផ្សារមានការថមថយបន្តិចក្តី ប៉ុន្តែមិនប៉ះពាល់ដល់វិស័យនេះទេ ហើយលោករំពឹងថា ទីផ្សារនៅឆ្នាំ២០១៧ នឹងកើនឡើងដោយសារការហូរចូលនូវវិនិយោគិនថ្មីៗបន្ថែមទៀតពីក្រៅប្រទេស ។ លោកបន្តថា ៖ « សម្រាប់ផលិតផលស៊ីម៉ងត៍ តម្រូវការប្រើប្រាស់ភាគច្រើនជាផលិតផលនាំចូល ដោយសារការផលិតក្នុងស្រុកមិនទាន់ឆ្លើយតបនឹងតម្រូវការនៅឡើយទេ » ។
លោក ទូច សំណាង អគ្គនាយករងក្រុមហ៊ុន OCIC ដែលបាននិងកំពុងវិនិយោគលើគម្រោងលំនៅឋាន និងអគារពាណិជ្ជកម្មជាច្រើន ថ្លែងថា ៖ « ក្រុមហ៊ុនលោកបានប្រើប្រាស់ផលិតផលក្នុងស្រុកច្រើន ជាពិសេស ផលិតផលស៊ីម៉ងត៍ K Cement ដោយសារតែផលិតផលនេះល្អ និងមានតម្លៃសមរម្យ ។ ប៉ុន្តែមានស៊ីម៉ងត៍ផលិតក្នុងស្រុកមួយទៀតមានតម្លៃទាបធៀបនឹង K Cement តែយើងមិនទាន់ប្រើប្រាស់ទេ ដោយសារក្រុមហ៊ុនមិនទាន់បានសិក្សាពីគុណភាពផលិតផលទាំងនេះឲ្យបានច្បាស់លាស់នៅឡើយ » ៕
ចែករំលែកព័តមាននេះ