កុំមើលងាយ! ជំងឺបាក់ទឹកចិត្ត ឆក់យកជីវិតក្មេងស្រីស្រស់ស្អាតមួយរូបទៀតហើយ
- ភ្នំពេញ
រាជធានីភ្នំពេញ៖ «ជំងឺបាក់ទឹកចិត្ត» ឬភាសាបរទេសហៅថា «Depression» កំពុងទទួលបានការចាប់អារម្មណ៍កាន់តែច្រើនៗឡើងក្នុងចំណោមមហាជនប្រើប្រាស់បណ្តាញសង្គម និងមានការចែករំលែកតៗគ្នាថា សូមកុំមើលរំលង ឬមើលងាយជំងឺមួយនេះឱ្យសោះ ព្រោះវាជាឃា.តករលាក់មុខ ហើយរយៈពេលថ្មីៗនេះទៀតសោត គឺមានយុវជនខ្មែរជាច្រើនរូប បានសម្លា.ប់ខ្លួន ដោយសារតែខ្លួនមានជំងឺបាក់ទឹកធ្ងន់ធ្ងរ។ មហាជនបានចាត់ទុកថា ជំងឺបាក់ទឹកចិត្ត ឬ depression នេះ អាចបណ្តាលឲ្យមនុស្សគិតខ្លី និងឈានទៅផ្លូវស្លា.ប់តែមួយគត់តែប៉ុណ្ណោះ ទើបអាចគេចផុតពីសេចក្តីទុក្ខបាន។
ជាក់ស្តែងថ្មីៗនេះ ជំងឺបាក់ទឹកចិត្ត បានឆក់យកជីវិតយុវនារីដ៏ស្រស់សោភាមួយរូបទៅយ៉ាងស្ងៀមស្ងាត់ ដែលបានធ្វើសាច់ញាតិ និងមិត្តភ័ក្ត្រជាច្រើនពិបាកនឹងទទួលយក តែវាជាការពិតដែលនាងបានចាកចេញទៅរកភពស្ងប់សុខបាត់ទៅហើយ។ ករណីនេះផងដែរ ក៏បានកក្រើកជាថ្មីលើបណ្តាញសង្គមហ្វេសប៊ុកដែលមហាជនប្រើប្រាស់បណ្តាញសង្គមបានចែករំលែកតៗគ្នាថា «ជំងឺបាក់ទឹកចិត្ត គឺកា.ចសាហា.វណាស់ សូមគ្រប់គ្នាកុំមើលស្រាល»។
តាមរយៈទំព័រហ្វេសប៊ុកមានគណនីឈ្មោះ Ket Sara ដែលត្រូវបានគេស្គាល់ជាគណនីហ្វេសប៊ុករបស់ប្អូនស្រី ស៊ឹម សោភ័ណ្ឌ ដែលជាតារា TikTok និងធ្លាប់ថតផ្សព្វផ្សាយផលិតសម្រស់នោះ បានធ្វើឱ្យមិត្តភ័ក្ត្រមានការភ្ញាក់ផ្អើលជាខ្លាំង ដោយមានសំណេរមួយឃ្លាដែលបានបង្ហោះនាថ្ងៃទី ២១ ខែកក្កដា ឆ្នាំ២០២២ ដែលមានខ្លឹមសារថា «ខ្ញុំជាបងស្រីជីដូនមួយម្ចាស់អាខោនមួយនេះ។ សូមជូនដំណឹងដល់មិត្តភក្តិរបស់គាត់ថា គាត់បានទទួលមរណភាពនៅថ្ងៃនេះ វេលាម៉ោង ៩ៈ៣០ព្រឹក ។ ស.ពតម្កល់នៅវត្តថ្វាយបង្គុំ ខាងក្រោយប៉ុស្តិ៍លេខ៣ចាស់ និងដង្ហែចេញនៅថ្ងៃសៅរ៍ ទី២៣ វេលាម៉ោង៧ព្រឹក»។
ក្រោយការបង្ហោះព័ត៌មាននេះបានបន្តិច ក៏មានញាតិមិត្ត បងប្អូនរបស់កញ្ញា ស៊ឹម សោភ័ណ្ឌ បានធ្វើការចែករំលែកយ៉ាងផុសផុលចូលរួមមរណទុក្ខ និងបានបញ្ជាក់ថា ប្អូនស្រីគិតខ្លីសម្លា.ប់ខ្លួន ដោយសារតែមានជំងឺ «បាក់ទឹកចិត្ត»។ មិត្តភ័ក្ត្រជាច្រើនបានសម្តែងនូវការសោកស្តាយចំពោះមរណភាពរបស់កញ្ញា ស៊ឹម សោភ័ណ្ឌ និងបានចែករំលែកថា « មកពីជំងឺផ្លូវចិត្ត ឬ ជំងឺងឺបាក់ទឹកចិត្ត (Depres.sion) ដែលជាជំងឺលាក់មុខ ជាឃា.តករលាក់មុខ ជំងឺគ្មានថ្នាំព្យាបាល ជំងឺដ៏កា.ចសា.ហាវ បានបំបែកគាត់ចេញពីក្រុមគ្រួសារហើយ…. សូមចូលរួមសោកស្ដាយ និងរំលែកទុក្ខនេះផង Ket Sura ដោយក្ដីគោរព »។
ចំណែកមហាជនប្រើប្រាស់បណ្តាញសង្គមខ្លះក៏បានចែករំលែកថា «ស្អាតណាស់ បានទាំងមុខមាត់ បានទាំងរាងរ៉ូវ ឈ្នះទាំងកំពស់ តែគួរអោយស្តាយមកចាញ់ជំងឺបាក់ទឹកចិត្តមិនអាចយកឈ្នះឃា.តករលាក់មុខនេះបាន ក៏ត្រូវបញ្ចប់ជីវិតខ្លួនឯង អ្នកខ្លះអាចថា កើតមកស្អាតមួយចប់ល្ងង់ម្ល៉េះគិតខ្លី យើងមិនមែនជាគេ គ្មានថ្ងៃអាចយល់ទេ…។ ឃា.តករផ្លូវចិត្ត ជាឃា.តករគ្មានរូបរាងតែគួរអោយខ្លាចបំផុត ។ RIP រូបកាយស្អាតផូរផង់យ៉ាងណា បើចិត្តលេងចង់នៅលើលោកនេះទៅហើយសង្ខារគ្មានន័យអ្វីទាំងអស់ »។
អ្វីដែលគួរឱ្យអាសូរខ្លាំងនោះ គឺមុនមរណភាពរបស់កញ្ញា ស៊ឹម សោភ័ណ្ឌ គឺឪពុករបស់នាងបានចាកចេញទៅមុខនាង បន្សល់ទុកភរិយាដែលមានជំងឺនៅរស់ជាមួយកូនស្រី។ តែអ្វីៗគឺគ្មាននរណាដឹងអំពីអនាគតនោះទេ ពេលនេះប្អូនស្រីកញ្ញា ស៊ឹម សោភ័ណ្ឌ ក៏បានចាកចេញទៅចោលអ្នកម្តាយម្នាក់ទៀត។
យ៉ាងណាមិញ ចំណែកឯជំងឺបាក់ទឹកចិត្ត គឺជាជំងឺផ្លូវចិត្តមួយ ដែលកើតមានក្នុងទ្រូង ឬក្នុងអារម្មណ៍ដោយគ្មាននរណាដឹងលឺនោះទេ។ ជំងឺនេះទៀតសោត គឺស្រដៀងទៅនឹងស្ត្រេសដែរ តែវាមានលក្ខណៈធ្ងន់ធ្ងរជាង និងមានរយៈពេលយូរក្នុងការព្យាបាលជាងបញ្ហាស្ត្រេស។
ជំងឺបាក់ទឹកចិត្តមានរោគសញ្ញា និងមានអាការៈដូចជា ៖
1- តែងមានអារម្មណ៍មិនសប្បាយចិត្ត និងអស់សង្ឃឹម
2- ចង់នៅម្នាក់ឯង និងមិនចូលចិត្តការជួបជុំច្រើន
3- បាត់បង់ចំណូលចិត្ត និងសកម្មភាពពីមុនមក
4- ឆេវឆាវខ្លាំង និងតែងមានកំហឹង
5- បរិភោគអាហារ និងគេងច្រើន ឬតិចជាងធម្មតា
6- មានអារម្មណ៍អស់កម្លាំង រំជួលចិត្ត ឆាប់ខឹងខ្លាំង ឆាប់ប្រតិកម្ម
7- បាត់បងកម្លាំងកាយ និងកម្លាំងចិត្ត
8- មានអារម្មណ៍ខ្លួនឯងមានកំហុស ឬមានចំណុចអាក្រក់ច្រើន
និង 9- មានគំនិតចង់ធ្វើអត្តឃាត
ដូចនេះ ប្រសិនបើលោកអ្នកដែលសង្កេតថា ខ្លួន ឬញាតិមិត្ត បងប្អូន មានបញ្ហាជំងឺបាក់ទឹកចិត្តគួរស្វែងរកវិធីសាស្ត្រក្នុងការព្យាបាលនេះ ឲ្យបានត្រឹមត្រូវ ដើម្បីជៀសវាងផលប៉ះពាល់ផ្សេងមកដល់សកម្មភាព សុខភាព និងសុវត្ថិភាពរបស់លោកអ្នក៕
ចែករំលែកព័តមាននេះ