រាជធានីភ្នំពេញ ៖ កម្លាំងនគរបាលខណ្ឌដង្កោ ដឹកនាំដោយលោកវរសេនីយ៍ទោ ជឹម សីុថា អធិការនគរបាលខណ្ឌ បានធ្វើការចាប់ខ្លួនជនសង្ស័យម្នាក់ ដែលបានឃុបឃិតជាមួយបក្សពួកបើកទីតាំងផលិត និងបោះពុម្ភឯកសារពន្ធកាតគ្រី ក្រដាសឆៀក សាលាកបត្រ ព្រមទាំងប័ណ្ណបើកបររថយន្ត និងម៉ូតូក្លែងក្លាយមួយកន្លែង បន្ទាប់ពីកម្លាំងធ្វើការស្រាវជ្រាវអស់រយៈពេល៣ខែមកហើយ
រាជធានីភ្នំពេញ ៖ កម្លាំងនគរបាលខណ្ឌដង្កោ ដឹកនាំដោយលោកវរសេនីយ៍ទោ ជឹម សីុថា អធិការនគរបាលខណ្ឌ បានធ្វើការចាប់ខ្លួនជនសង្ស័យម្នាក់ ដែលបានឃុបឃិតជាមួយបក្សពួកបើកទីតាំងផលិត និងបោះពុម្ភឯកសារពន្ធកាតគ្រី ក្រដាសឆៀក សាលាកបត្រ ព្រមទាំងប័ណ្ណបើកបររថយន្ត និងម៉ូតូក្លែងក្លាយមួយកន្លែង បន្ទាប់ពីកម្លាំងធ្វើការស្រាវជ្រាវអស់រយៈពេល៣ខែមកហើយ ខណៈពេលដែលទីតាំងខាងលើនោះមានមនុស្សចេញ-ចូលៗជាប់មិនដាច់ ក៏ធ្វើឱ្យមានការសង្ស័យតែម្តង។
ការចាប់ខ្លួនជនសង្ស័យ ធ្វើឡើងកាលពីវេលាម៉ោង៥ល្ងាចថ្ងៃទី២៣ ធ្នូ ស្ថិតនៅតាមផ្លូវត្រង់ចំណុចជិតបឹងតាម៉ាត ស្ថិតនៅក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។
ក្រោយពេលចាប់ខ្លួន កម្លាំងនគរបាលបាននាំទៅសាកសួរនៅអធិការដ្ឋានបានដឹងសាច់រឿង ទើបវេលាល្ងាចថ្ងៃដដែលនោះ លោកអធិការនគរបាលខណ្ឌ បានដាក់កម្លាំងធ្វើការឡោមព័ទ្ធទីតាំងសង្ស័យ តាមការចង្អុលបង្ហាញពីជននោះ គឺស្ថិតនៅចំណុច ផ្ទះលេខ៧១A ផ្លូវលេខ៩ បុរីពិភពថ្មី ក្នុងភូមិប្រកា សង្កាត់ព្រៃស ខណ្ឌដង្កោ រាជនីភ្នំពេញ ។
បន្ទាប់មកលោកអធិការបានរាយការណ៍ ជូនលោកស្នងការ និងសុំគោលការណ៏លោកព្រះរាជអាជ្ញាអមសាលាដំបូងរាជធានីភ្នំពេញ ដើម្បីធ្វើការឆែកឆេរទីតាំងនោះ ដោយបានរាយការណ៍សុំការសហការពីមន្រ្តីមន្ទីរសាធារណៈការ និងដឹកជញ្ជូនរាជធានីភ្នំពេញ មន្ត្រីគយ មន្រ្តីពន្ធដារ និងបានចុះទៅឆែកឆេរទីតាំងខាងលើនោះ នាវេលាម៉ោង៨ និង២០នាទីព្រឹកថ្ងៃទី២៤ ធ្នូ ២០១៦ ។
យុវជនដែលជាអ្នកផលិត និងបោះពុម្ភឯកសារពន្ធរថយន្ត និងម៉ូតូក្លែងក្លាយត្រូវឃាត់ខ្លូនឈ្មោះហ៊ត ចិន អាយុ២១ឆ្នាំ ស្នាក់នៅក្នុងបុរីពិភពថ្មីចំណុចផ្ទះដែលត្រូវឆែកឆេរខាងលើនោះ ។ ចំណែកបក្សពួកមួយចំនួនទៀតបានរត់គេចខ្លួនទៅបាត់ស្រមោល ព្រោះក្នុងពេលដែលកម្លាំងចុះទៅធ្វើការឡោមព័ទ្ធនោះ ជនខាងលើបានទូរស័ព្ទប្រាប់បក្សពួករត់គេចខ្លួនបាត់អស់ មុនពេលកម្លាំងនរបាលទៅដល់ ។
សម្បុកផលិត និងបោះពុម្ពប័ណ្ណយានយន្តក្លែងក្លាយខាងលើនោះ កម្លាំងបានដកហូតបាន ឯកសារក្លែងក្លាយ ពាក់ព័ន្ធជាមួយស្ថាប័នគយមាន ពុម្ភធ្វើលតាប័ត្ររថយន្តចំនួន១៣បន្ទះធ្វើពីដែក, សាលាកប័ត្ររថយន្ត ធុនដឹកជញ្ជូន,រថយន្តទេសចរណ៍ ,រថយន្តផ្សេងៗទៀតជាច្រើនសន្លឹក ។ ឧបករណ៍សម្រាប់ផលិតមានដូចជា ម៉ាស៊ីន សង្កត់ពណ៏២គ្រឿង, ម៉ាស៊ីនម៉ាក Mimakiពណ៌ស ចំនួន១គ្រឿង, ឯកសារមួយចំនួន, ម៉ាស៊ីនព្រីន២គ្រឿង, ម៉ាស៊ីនអ៊ុតកាត ពណ៌ស+ខ្មៅ១គ្រឿង, CPUកុំព្យូទ័រ២គ្រឿង,ម៉ាស៊ីនព្រីនកាត១គ្រឿង, ពុម្ភនិងត្រាចំនួន២០,តុ១,កង្ហារ១គ្រឿង,កេសដាក់ឯកសារចំនួន៣, កន្ត្រៃកាត់ចំនួន២០,ខ្សែភ្លើងមួយចំនួនទៀត ។
ចែករំលែកព័តមាននេះ