ស្រលាញ់គ្នាស្អិតដូចស្រមោចនិងស្ករ ស្រាប់តែ អូន ផ្កាយ ប្រកាសក្ដែងៗថា «ចែកផ្លូវគ្នា»
- ភ្នំពេញ
រាជធានីភ្នំពេញ ៖ នៅក្នុងលោកនេះ គិតទៅរឿងរ៉ាវស្នេហាពិតពិបាកនឹងស្វែងយល់ណាស់។ គូរខ្លះផ្អែមល្អែមគួរឱ្យច្រណែន គូរខ្លះឈ្លោះគ្នាព្រឹកល្ងាចដោយសារការប្រច័ណ្ឌ ខ្លះទៅក៏ម្តងក្តៅ ម្តងត្រជាក់ ហេតុដូច្នេះហើយពិបាកនឹងឱ្យនិយមន័យចំៗខ្លាំងណាស់ថា ស្នេហាជាអ្វី? ខ្លះក៏ថា ស្នេហាធ្វើឱ្យមនុស្សខ្វាក់ភ្នែក ខ្លះថាស្នេហាធ្វើឱ្យពិភពលោកមានពណ៌ស៊ីជំពូរ។ យ៉ាងណាមិញ សេ្នហាមានរសជាតិបែបណាមិនសំខាន់ សំខាន់ថា តើអ្នកដែលស្រលាញ់គ្នា ចង់បានរសជាតិបែបណានោះទេ?។
និយាយដល់រឿងសេ្នហា ថ្មីៗនេះស្រីស្រស់មួយរូប ដែលកំពុងទទួលបានការចាប់អារម្មណ៍ពីប្រិយមិត្តអ្នកគាំទ្រ ចំពោះរូបសម្រស់ និងទេពកោសល្យក្នុងការសម្តែងភាពយន្ត គឺអូន ផ្កាយ បានធ្វើឱ្យមនុស្សស្រីមិនតិចទេ លួចច្រណែននឹងស្នេហាផ្អែមល្អែម ស្និតរមួតដូចស្ករតាំងម៉ែរបស់នាងជាមួយនឹងបុរសសង្សារមួយរូប។
ជាការពិតណាស់ បើនិយាយពី អូនផ្កាយ វិញ នាងគឺជាតារាសម្ដែងស្រីមួយរូបដែលទទួលបានការគាំទ្រយ៉ាងខ្លាំងលើសលប់ពីសំណាក់មហាជនអ្នកគាំទ្រ តាមរយៈការបង្ហាញវត្តមានក្នុងការសម្ដែងខ្សែភាពយន្តល្បីៗជាច្រើន ពិសេសនាងពូកែសម្តែង និងការតុបតែងកាយក៏ទាក់ទាញ ជាមួយនឹងការស្លៀកពាក់សិចស៊ី រួមទាំងមានសម្រស់ដ៏ផូរផង់ ការលេងខ្លួនយ៉ាងស៊ីវីល័យ ទាន់សម័យហាយសូរ ផងដែរ។
បន្ថែមពីលើនេះ មួយរយៈចុងក្រោយ មហាជនក៏ចាប់អារម្មណ៍ជាខ្លាំងលើស្រីស្អាតរូបនេះ ក្រោយ អូន ផ្កាយ ដាច់ចិត្តបើកបង្ហាញមុខមាត់គូស្នេហ៍របស់ខ្លួននៅលើបណ្ដាញសង្គមជាសាធារណៈ ដែលជាបុរសសង្ហារម្នាក់ ឈ្មោះលោក ឡាយ ដែវិត ស្មីម ដោយពីមួយថ្ងៃទៅមួយថ្ងៃពួកគេទាំងពីរ តែងតែបង្ហាញភាពផ្អែមល្ហែម និងបញ្ចេញការស្រលាញ់ចំពោះគ្នាទៅវិញទៅមក នៅលើបណ្ដាញសង្គម រហូតធ្វើអោយអ្នកគាំទ្រលួចច្រណែនមិនស្ទើរឡើយ។
តែនរណានឹកស្មានដល់ថា ពិភពលោកហាក់ដូចជាក្រឡាប់ចាក់អ៊ីចឹង ព្រោះនៅថ្ងៃទី១៨ ខែកក្កដា ឆ្នាំ២០២២ ម្សិលមិញនេះ អូន ផ្កាយ បានធ្វើអោយមហាជនអ្នកលេងបណ្ដាញសង្គមផ្ទុះការភ្ញាក់ផ្អើលជាថ្មី ក្រោយតារាស្រីរូបនេះបានប្រកាសក្ដែងនៅលើបណ្ដាញសង្គមពីការចែកផ្លូវគ្នាជាមួយគូស្នេហ៍របស់ខ្លួន ក្រោយបើកបង្ហាញមុខមាត់ និងអត្តសញ្ញាណបុរសខាងលើជាសារធារណៈថ្មីៗនេះសោះ ដូច្នេះហើយអ្នកគាំទ្រតារាស្រីមួយដួងនេះស្ទើរតែមិនគួរអោយជឿលើអ្វីដែលបានឃើញ ព្រោះថា ការប្រកាសអំពីការបែកបាក់របស់ អូន ផ្គាយ ពីដៃគូស្នហា វាហាក់ដូចជាលឿនពេក ព្រោះឃើញស្រលាញ់គ្នាខ្លាំងណាស់។
តែការពិតនៅតែជាការពិត អូន ផ្គាយ បានបង្ហោះសារមួយឃ្លារបស់នាងអំពីការបែបបាក់ពីលោក ឡាយ ដែវិត ស្មីម យ៉ាងដូច្នេះថា «ការទំនាក់ទំនងខ្ញុំរវាង ឡាយ ដែវិតស្មីម ត្រូវបានបញ្ចប់ហើយ»។
តារាស្រីរូបនេះបន្តថា ហេតុផលអាចទទួលយកបាន តែបើហួសហេតុពេក គ្មានអក្សរក្នុងការទទួលយកទេ អូនផ្កាយបន្តនៅលើ STORY របស់នាងថា «ខ្ញុំសុំពេលនៅម្នាក់ឯងមួយរយៈព្រោះពេលនេះអារម្មណ៍តានតឹងខ្លាំងបំផុត»។
ក្រោយឃើញការបង្ហោះបែបនេះ ក៏មានហ្វេនៗជាច្រើនបានចូលទៅបញ្ចេញមតិជាហូរហែថា «មិនមែនជាការពិតទេ មិនអាចទេបង ទប់អារម្មណ៍មួយៗចែ កុំទាន់សម្រេចចិត្តភ្លាមៗអី» ជាមួយគ្នានោះ ក៏មានប្រិយមិត្តអ្នកគាំទ្ររបស់នាងជាច្រើនរូបផ្សេងទៀត បានបញ្ចេញមតិជាច្រើនទៀតលើកឡើងស្រដៀងៗថា «កុំបែកគ្នាអី» ខ្លះទៀតខមមិនរបៀបឌឺដងផ្លែផ្កាថា នឹងដាស់តឿនដល់ខាងប្រុសថា «ស្វាងឬនៅ» ក្នុងនោះក៏មានលោកឡាយ ដែវិតស្មីម ដែលជាគូស្នេហ៍បានចូលទៅខមិនថា «ស្វាង នៅ» ដូចគ្នា និងមានហ្វេនៗឃើញបែបនេះ ក៏សុំអោយលោកចេញមុខបកស្រាយអំពីមូលហេតុនៃការបែកបាក់នេះផងដែរ។
ក្រឡេកទៅមើលលោក ឡាយ ដែវិតស្មីម វិញ លោកក៏បានបញ្ចេញអារម្មណ៍របៀបមនុស្សខូចចិត្តថា «បើការចាកចេញមួយនិងជាជំរើសសដែលល្អ ខ្ញុំនិងចាកចេញ» និងសារមួយទៀតដែលលោកបង្ហោះជាសាធារណៈថា «សុខចិត្តអោយយើងខ្មាស់គេ ព្រោះចង់អោយដើរផ្លូវល្អ»។ ជាមួយនឹងការបង្ហោះសារខាងលើរបស់លោក ក៏មានមិត្តភក្តិចូលទៅសំណូមពរ និងលើកទឹកចិត្តដល់លោកថា កុំបោះបង់ និងខ្លះថា «ដើរមកយូរហើយកុំបញ្ចប់ដោយងាយស្រួលបែបនិងបង»៕
ចែករំលែកព័តមាននេះ