ហ៊ានមែន! យកម៉ូតូទៅអំពាវនាវលក់ ត្រូវអ្នកទិញសង្ស័យ ក៏បែកធ្លាយជាបន្តបន្ទាប់
- បាត់ដំបង
ជនសង្ស័យចំនួន០២នាក់ ត្រូវបានកម្លាំងការិយាល័យព្រហ្មពណ្ឌកំរិតធ្ងន់ នៃស្នងការខេត្ត ឃាត់ខ្លួនជាបន្តបន្ទាប់
ជនសង្ស័យចំនួន០២នាក់ ត្រូវបានកម្លាំងការិយាល័យព្រហ្មពណ្ឌកំរិតធ្ងន់ នៃស្នងការខេត្ត ឃាត់ខ្លួនជាបន្តបន្ទាប់
ខេត្តបាត់ដំបង ៖ ជនសង្ស័យចំនួន០២នាក់ ត្រូវបានកម្លាំងការិយាល័យព្រហ្មពណ្ឌកំរិតធ្ងន់ នៃស្នងការខេត្ត ឃាត់ខ្លួនជាបន្តបន្ទាប់ កាលពីពីល្ងាចថ្ងៃទី១៥ ខែកក្កដា ឆ្នាំ២០២២ នៅចំណុចភូមិកា.ប់គោថ្មី សង្កាត់អូរចា ក្រុងបាត់ដំបង ខណៈពេលកំពុងអំពាវនាវលក់ម៉ូតូដែលពួកគេលួចបានពីទឹកដីស្រុកសង្កែ។
បើតាមអនុប្រធានការិយាល័យព្រហ្មទណ្ឌកំរិតធ្ងន់ លោក វ៉ាន់ តារា បានឲ្យដឹងថា ជនសង្ស័យទាំង០២នាក់ខាងលើ មានឈ្មោះ សំ ម៉ារី ភេទប្រុស អាយុ២៧ឆ្នាំ រស់នៅភូមិបាសែត ឃុំតាប៉ុន ស្រុកសង្កែ និងម្នាក់ទៀតឈ្មោះ ពៅ រ៉ស៊ីម អាយុ៣៧ឆ្នាំ រស់នៅភូមិ-ឃុំជាមួយគ្នា។
លោកបានបញ្ជាក់ថា ជនសង្ស័យត្រូវបានឃាត់ខ្លួនខណៈពេលកំពុងតែអំពាវនាវលក់ម៉ូតូនៅចំណុចស្ដង់ទិញ-លក់ម៉ូតូនៅម្ដុំភូមិកា.ប់ថ្មី ដែលគ្មានឯកសារ និងគួរឲ្យសង្ស័យ និងម្នាក់ទៀតកម្លាំងរបស់លោកតាមចាប់ដល់ផ្ទះតែម្ដង ក្រោយពេលជនជនសង្ស័យម្នាក់ដែលត្រូវចាប់ខ្លួនមុនគេ បានផ្ដល់ចម្លើយសារភាព។
បើតាមព្រឹត្តឹហេតុ នៃអំពើចោរក.ម្មនេះ បានកើតឡើងកាលពីយប់ថ្ងៃទី១១ ខែកក្កដា ឆ្នាំ២០២២ នៅចំណុចភូមិសម្ដេច ឃុំតាប៉ុន ស្រុកសង្កែ ដែលម្ចាស់ម៉ូតូមានឈ្មោះ ម៉ោល តង ភេទស្រី អាយុ៥១ឆ្នាំ។ ចំណែកម៉ូតូដែលត្រូវលោកចោរលួចកាច់សោលួចយកទៅនោះម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៦ ពាក់ស្លាកលេខ បាត់ដំបង 1X-1382។
បើតាមសមត្ថកិច្ចឱ្យដឹងទៀតថា ដំបូងគេមិនបានដឹង ឬស្គាល់មុខសញ្ញាជនដៃដល់ទេ ហើយជនរងគ្រោះក៏បានមកដាក់បណ្ដឹងនៅប៉ុស្ដិ៍រដ្ឋបាល ក្រោយពីដឹងថាបាត់ម៉ូតូ។ លុះនៅល្ងាចថ្ងៃទី ១៥ ខែកក្កដា ស្រាប់តែលេចមុខសញ្ញាគួរឲ្យសង្ស័យ កំពុងតែយកម៉ូតូទៅលក់នៅម្ដុំស្ដង់ទិញ-លក់ម៉ូតូក្នុងភូមិកា.ប់គោថ្មី ដោយគ្មានឯកសារបញ្ជាក់ច្បាស់លាស់ ទើបអ្នកទិញមានការសង្ស័យ ហើយក៏រាយការណ៍ប្រាប់សមត្ថកិច្ចឲ្យចុះត្រួតពិនិត្យ និងសួរនាំទើបបែកធ្លាយរឿងលួចម៉ូតូគេសោះ ហើយក៏ត្រូវឃាត់ខ្លួនតែម្ដង។
លោក វ៉ាន់ តារា បានបញ្ជាក់ថា ក្រោយបញ្ចប់ការសាកសួរ លោកស្នងការខេត្ត បានបញ្ជាឲ្យមន្ត្រីជំនាញ រៀបចំសំណុំរឿងបញ្ជូនជនសង្ស័យទាំង០២នាក់ទៅកាន់សាលាដំបូងខេត្តហើយ៕
ចែករំលែកព័តមាននេះ