រាជធានីភ្នំពេញ ៖ ប្រជាពលរដ្ឋជាង១ពាន់គ្រួសារ ដែលសង់ផ្ទះរំលោ.ភប្រឡាយស្ទឹងមានជ័យ បានត្រូវមន្ត្រីជំនាញនិងអាជ្ញាធរចុះរុះរើរបង
រាជធានីភ្នំពេញ ៖ ប្រជាពលរដ្ឋជាង១ពាន់គ្រួសារ ដែលសង់ផ្ទះរំលោភប្រឡាយស្ទឹងមានជ័យ បានត្រូវមន្ត្រីជំនាញនិងអាជ្ញាធរចុះរុះរើរបង ដើម្បីសម្រួលប្រព័ន្ធផ្លូវទឹកកាត់បន្ថយទឹកលិចនៅតំបន់ទឹកថ្លា ផ្លូវលេខ២០០៤ ផ្លូវណតប្រ៊ីដ និងតំបន់ខាងត្បូងព្រលានយន្តហោះ។
មន្ត្រីរដ្ឋបាលរាជធានីភ្នំពេញបានឱ្យដឹងថា នៅព្រឹកថ្ងៃទី១៧ ខែធ្នូ សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ ចូលរួមដោយលោកអភិបាលរងខណ្ឌសែនសុខ និងខណ្ឌមានជ័យ បានចុះពិនិត្យនិងរុះរើរបងផ្ទះនិងផ្ទះ១កន្លែង ដែលបានសង់កាត់ទទឹងប្រឡាយបិទផ្លូវទឹកប្រឡាយស្ទឹងមានជ័យ បណ្តាលឱ្យតំបន់មួយចំនួនរងការលិចលង់ធ្ងន់ធ្ងរកាលពីថ្ងៃ១៥ ខែធ្នូ ពេលមានភ្លៀងធ្លាក់យ៉ាងខ្លាំងនោះ ។ មន្ត្រីដដែលបន្តថា ជាមួយគ្នានេះ គ្រឿងចក្រក៏បានចុះកាយភក់ ស្មៅ នៅតាមទីតាំងដែលអាចជីកបាន ដើម្បីបើកផ្លូវបង្ហូរទឹក ។
មន្ត្រីដដែលបញ្ជាក់ថា ប្រឡាយស្ទឹងមានជ័យមានប្រវែង១.៧០០ម៉ែត្រ ទទឹងពី៣០ម៉ែត្រទៅ៨០ម៉ែត្រ ត្រូវបានប្រជាពលរដ្ឋជាង១.០០០គ្រួសារ សាងសង់លំនៅឋានរស់នៅពីលើពោះប្រឡាយ ដែលប្រឈមនឹងបព្ហាាបិទផ្លូវទឹកហូរ បណ្តាលឱ្យទឹកជន់លិចនៅផ្នែកខាងលើ ៕
ចែករំលែកព័តមាននេះ