រាជធានីភ្នំពេញ ៖ ដើម្បីចូលរួមលុបបំបាត់គ្រាប់មីន និងគ្រាប់មិនទាន់ផ្ទុះនៅក្នុងប្រទេសដែលសេសសល់ពីសង្គ្រាមសម្តេចតេជោ ហ៊ុន សែន បានប្រកាសបើកកុងធនាគារ ដើម្បីឲ្យសប្បុរសជនប្រជាពលរដ្ឋចូលរួមលុបបំបាត់គ្រប់មីន និងគ្រាប់មិនទាន់ផ្ទុះនៅក្នុងទឹកដីកម្ពុជា ។…
រាជធានីភ្នំពេញ ៖ ដើម្បីចូលរួមលុបបំបាត់គ្រាប់មីន និងគ្រាប់មិនទាន់ផ្ទុះនៅក្នុងប្រទេសដែលសេសសល់ពីសង្គ្រាមសម្តេចតេជោ ហ៊ុន សែន បានប្រកាសបើកកុងធនាគារ ដើម្បីឲ្យសប្បុរសជនប្រជាពលរដ្ឋចូលរួមលុបបំបាត់គ្រប់មីន និងគ្រាប់មិនទាន់ផ្ទុះនៅក្នុងទឹកដីកម្ពុជា ។
សម្តេចតេជោ បានថ្លែងក្នុងសំណេះសំណាលក៏ដូចជា ផ្តល់នូវដំបូន្មានមួយចំនួនជូនដល់គណៈប្រតិភូកីឡាអាស៊ានប៉ារ៉ាហ្គេម (ASEAN Para Games) មុននឹងពួកគេចេញទៅប្រកួតកីឡាពិការអាស៊ាន ឬអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី នៅវិមានសន្តិភាព រាជធានីភ្នំពេញ ថ្ងៃទី៦ ខែកក្កដា ឆ្នាំ២០២២ថា នៅពេលបញ្ចប់សង្គ្រាមទាំងស្រុងហើយ សម្តេចបានដាក់ចេញគោលដៅចំនួនពីរ គឺ ៖ ១.ប្រែក្លាយតំបន់អតីតសមរភូមិទាំងអស់ ទៅជាតំបន់អភិវឌ្ឍន៍ទាំងអស់ និងទី២.ប្រែក្លាយជាមួយប្រទេសជិតខាងឲ្យ ក្លាយជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ ។
សម្តេចថា កិច្ចការទាំងពីរបានកំពុងដំណើរការក្នុងផែនការទី១ បានកំពុងដំណើរការ ប៉ុន្តែនៅសល់១០ភាគរយទៀត មិនទាន់អនុវត្តបាន១០០នោះទេ ដោយសារតែគ្រាប់មីន និងគ្រាប់មិនទាន់ផ្ទុះ ។ សម្តេចតេជោ បញ្ជាក់ថា ៖«ខ្ញុំសូមសម្តែងការទទួលស្គាល់កំហុសមួយក្នុងការដឹកនាំ ដោយលើសពីសកម្មភាពមីននិយាយពីមីនក៏ប៉ុន្តែប្រើថវិកាមិនធំនោះទេ បែរជាផ្អែកជ្រុលហួសទៅលើដៃគូរអភិវឌ្ឍន៍ ហើយអ្នកផ្តល់ថវិកានោះមានជប៉ុន ចិន កូរ៉េ អូស្ត្រាលី អាមេរិកជាដើមមកជួយដោះមីន ។ ប៉ុន្តែចំណុចនៅសល់តូចៗជាចំណុចមិនព្រមដោះស្រាយដោយថវិកាផ្ទាល់ ដូច្នេះខ្ញុំបានបង្កើតរៀបចំគម្រោងមួយ ដើម្បីឲ្យដំណើរការទៅមុខ» ។
ជាមួយគ្នានោះដែរ សម្តេចក៏បានលើកឡើងថា មកដល់ពេលនេះក្រោមគម្រោងផ្តួចផ្តើមរបស់សម្តេចបានទទួលថវិកាជិត១៥លានដុល្លារហើយ ។ ក៏ប៉ុន្តែមានចំណុចមួយ គឺទាល់តែហ៊ុន សែន និយាយ ឬបញ្ជាទើបបានដឹង និងធ្វើ ។ សម្តេចបានគូសបញ្ជាក់ថា ៖«ខ្ញុំតែងតែដាស់តឿនថា នៅពេលខ្ញុំបង្ហោះហ្វេសប៊ុកគេខមមិនចូលគេផ្តល់យោបល់ ឬចូលថវិកា ពិសេសនោះ លោក សេង ទៀត អ្នកកាន់ថវិកាគិត តែឧញ៉ាចូលថវិកា តែគេចង់ចូលរួមថវិកា១០ម៉ឺនរៀល ២០ម៉ឺនរៀល គេចង់ជួយអត់ព្រមគិត ។ គេស្នើសុំឲ្យសម្តេចបើកកុង ABA កុងនៅត្រង់ណាគេបាញ់ចូល រួមតែវា…»។
ជាមួយគ្នានោះដែរ សម្តេចក៏បានប្រកាសបើកកុងសម្រាប់ឲ្យសប្បុរសជន និងប្រជាពលរដ្ឋចូលរួមចំនួន៥ម៉ឺនរៀល១០ម៉ឺនរៀល២០ម៉ឺនរៀល ទៅតាមសន្ធាដើម្បីចង់ឲ្យប្រទេសយើងលែងមានគ្រោះថ្នាក់លែងមានគ្រោះថ្នាក់ដោយគ្រាប់មីនគេមិនទាន់ដឹងទេ ។ អីញ្ចឹងយើងត្រូវបើកហើយប្រកាសឲ្យគេដឹងគេចង់ចូលរួម ដើម្បីធ្វើឲ្យប្រទេសមួយនេះលែងមានគ្រោះថ្នាក់ដោយគ្រាប់មីនទៀត ។
សម្តេចក៏បានលើកឡើងថា ត្រូវធ្វើកុងធនាគារហើយរង់ចាំមើលពេលធ្វើរួចហើយមានអ្នកចូលរួមបានចំនួនប៉ុន្មាន ។ បងប្អូនខ្មែរនៅក្រៅប្រទេសចង់ចូល ប៉ុន្តែមិនដឹងចូលតាមណា ដូច្នេះនៅពេលប្រកាសបានទូលំទូលាយគេនឹងចូលរួមបន្តបន្ទាប់ទៀត ។
សម្តេចបញ្ជាក់ថា ពេលនេះស៊ីម៉ាក់បានកំពុងបើកកិច្ចប្រជុំធ្វើសកម្មភាពដោះមីន ដើម្បីឲ្យតំបន់មួយៗគ្មានមីន ។ ការគោលដៅការបញ្ចប់បញ្ហាមីននៅក្នុងប្រទេសកម្ពុជា នៅឆ្នាំ២០២៥ ដោយចលនារបស់កម្ពុជាចូលរួមផងដែរ ៕
ចែករំលែកព័តមាននេះ