រាជធានីភ្នំពេញ ៖ សេចក្តីរាយការណ៍ឱ្យដឹងថា នារីម្នាក់ជាស្រីស្នេហ៍របស់បុរសដែលគេស្គាល់ជាមន្ត្រីកងរាជអាវុធហត្ថម្នាក់ និងជាជនដៃដល់បានយកកាំភ្លើងបា.ញ់សម្លា.ប់នាងសង្សារនោះ នៅក្នុងផ្ទះសំណាក់មួយកន្លែង កាលពីវេលាម៉ោង១២ និង៤០នាទីរំលងអធ្រាត្រឈានចូលថ្ងៃទី១០ ធ្នូ ស្ថិតនៅក្នុងបន្ទប់លេខ៤០៤ ក្នុងផ្ទះសំណាក់យីហោ «សារីធំ» មានលេខ១០៨A, ផ្លូវលេខ២៧១
រាជធានីភ្នំពេញ ៖ សេចក្តីរាយការណ៍ឱ្យដឹងថា នារីម្នាក់ជាស្រីស្នេហ៍របស់បុរសដែលគេស្គាល់ជាមន្ត្រីកងរាជអាវុធហត្ថម្នាក់ និងជាជនដៃដល់បានយកកាំភ្លើងបាញ់សម្លាប់នាងសង្សារនោះ នៅក្នុងផ្ទះសំណាក់មួយកន្លែង កាលពីវេលាម៉ោង១២ និង៤០នាទីរំលងអធ្រាត្រឈានចូលថ្ងៃទី១០ ធ្នូ ស្ថិតនៅក្នុងបន្ទប់លេខ៤០៤ ក្នុងផ្ទះសំណាក់យីហោ «សារីធំ» មានលេខ១០៨A, ផ្លូវលេខ២៧១ ក្នុងភូមិទួលគោក សង្កាត់ទួលសង្កែ ខណ្ឌប្ញស្សីកែវ ។
ប្រភពឱ្យដឹងថា នារីរងគ្រោះដែលស្លាប់ឈ្មោះស៊ុន ស្រីលក្ខណ៍ អាយុ២៥ឆ្នាំ មានទីលំនៅក្នុងភូមិត្រពាំងរាំង ឃុំអង្គរមាស ស្រុកដងទង់ ខេត្តកំពត (បាញ់ចំភ្នែកធ្លាយទៅក្រោយ) ។ រីឯបុរសជាសង្សារនោះ ឈ្មោះអ៊ុំ សុផា អាយុ៣០ឆ្នាំ ជាមន្ត្រីអាវុធហត្ថ ឋានៈជាវរសេនីយ៍ត្រី មានស្រុកកំណើតនៅខេត្តកំពង់ស្ពឺ ជននេះបានស្នាក់នៅផ្ទះសំណាក់ខាងលើ រយៈមួយខែមកហើយ ដែលជាម៉ូយប្រចាំផ្ទះសំណាក់នោះផង ។
ទោះបីជាយ៉ាងណា គ្មានអ្នកណាម្នាក់ដឹងរឿងទំនាស់រវាងពួកគេទាំង២នោះទេ ដោយមុនកើតហេតុគេឃើញបុរសដៃដល់ ជិះម៉ូតូមួយគ្រឿង ម៉ាកMSXមកជួបនាងសង្សារក្នុងផ្ទះសំណាក់នោះ ។ បន្ទាប់មក ជននេះបានបាញ់សម្លាប់នាងរួចរត់ចុះមកក្រោមជិះម៉ូតូគេចខ្លួនបាត់តែម្តង ។ ពេលនោះ បានបង្កការភ្ញាក់ផ្អើល ដោយនារីរងគ្រោះត្រូវម្ចាស់ផ្ទះសំណាក់ដឹកបញ្ជូនទៅសង្គ្រោះនៅមន្ទីរពេទ្យកាល់ម៉ែត តែនាងបានដាច់ខ្យល់ស្លាប់បាត់ទៅហើយ ទើបផ្អើលតែម្តង ។
បច្ចុប្បន្ន ជនសង្ស័យដែលកំពុងគេចខ្លួននោះ ត្រូវសមត្ថកិច្ចកំពុងស្វែងរកផងដែរ ។
ចែករំលែកព័តមាននេះ