រាជធានីភ្នំពេញ ៖ តុលាការកំពូលនៅព្រឹកថ្ងៃទី៥ ខែធ្នូ ឆ្នាំ២០១៦នេះ បានបើកសវនាការរឿងក្ដីនាំចូលជាអន្តរជាតិនូវគ្រឿងញៀនខុសច្បាប់ជិតមួយម៉ឺនគ្រាប់ ប្រព្រឹត្តកាលពីថ្ងៃទី១៥ ខែមករា ឆ្នាំ២០១១ នៅចំណុចខេត្តស្ទឹងត្រែង និងប្រទេសឡាវ។
សំណុំរឿងនេះមានជនជាប់ចោទចំនួន៥នាក់២នាក់នៅក្នុងឃុំ។ ជាប់ចោទចំនួន៥នាក់ដែលបានបណ្តឹងសាទុក្ខមកតុលាការកំពូល១.ឈ្មោះ វណ្ណ ច័ន្ទ ហៅតូច ភេទស្រី អាយុ១៩ឆ្នាំ២.ឈ្មោះ ទៀន អ៊ីប៉ូ ភេទប្រុស អាយុ៣០ឆ្នាំ ៣.ឈ្មោះ ទៀន សុគន្ធា ភេទស្រី អាយុ៣៥ឆ្នាំ ៤.ឈ្មោះ ទៀន ប៊ុនពៅ ៥.ឈ្មោះ ទៀន សុធី ចំណែកឈ្មោះ ឡៃ លីនដា ហៅតឿ ភេទស្រី អាយុ២៤ឆ្នាំ និងឈ្មោះ ប៊ុន ណែត មិនបានបានបណ្តឹងសាទុក្ខមកតុលាការកំពូលទេ។
សវនាការនេះដឹកនាំដោយលោក ឃឹម ប៉ុណ្ណ អនុប្រធានតុលាការកំពូល និងលោក នៅ មុនីជោគ ជាតំណាងមហាអយ្យការ។ ក្រោយពីសវនាការតុលាការបានលើកពេលទៅប្រកាសសាលដីកានៅថ្ងៃទី១២ ខែធ្នូខាងមុននេះ។ សវនាការនេះបានធ្វឡើងចំពោះមុខជនជាប់ទាំង៥នាក់។ ក្រុមជនជាប់ចោទទាំង៥នាក់នេះ ត្រូវសាលាដំបូងរាជធានីភ្នំពេញ និងសាលាឧទ្ធរណ៍ ផ្តន្ទាទោសចន្លោះពី៧ឆ្នាំដល់១៥ឆ្នាំពីបទនាំចូលជាអន្តរជាតិនូវគ្រឿងញៀនខុសច្បាប់ ពីប្រទេស ឡាវ មកខេត្តស្ទឹងត្រែង ជាង៩ពាន់គ្រាប់ប្រព្រឹត្តកាលពីថ្ងៃទី១៥ ខែមករា ឆ្នាំ២០១១។
បើយោងទៅតាមការកត់សំគាល់របស់តំណាងមហាអយ្យការឈ្មោះ ទៀន សុគន្ធា ឈ្មោះ ទៀន ប៊ុនពៅ ឈ្មោះ ទៀន សុធី និងឈ្មោះ ឡៃ លីនដា ហៅតឿ មិនមានភស្តុតាង ដើម្បីដាក់បន្ទុកនោះទេ ដូចនេះតំណាងមហាអយ្យការទុកសិទ្ធិជូនលោកចៅក្រមជាអ្នកសម្រេច។ ក្នុងសំណុំរឿងនេះដែរ លោកចៅក្រម ឃឹម ប៉ុណ្ណ អនុប្រធានតុលាការកំពូល បានសម្រេច លើកពេលប្រកាសសាលដីកានៅព្រឹកថ្ងៃទី១២ ខែធ្នូ ឆ្នាំ២០១៦ខាងមុខនេះ។
សូមបញ្ជាក់ថាស្ត្រីជាប់ចោទម្នាក់ឈ្មោះ វណ្ណ ច័ន្ទ ធ្លាប់បានឆ្លើយក្នុងសវនាការថា នាងត្រូវបានស្ត្រីចំណាស់ម្នាក់ពឹងឲ្យជួយយួរថង់អីវ៉ាន់ឆ្លងពីព្រំដែនឡាវមកស្ពានសេកុង តែពេលឆ្លងកាត់ប៉ុស្តិ៍យាមក៏ត្រូវសមត្ថកិច្ចឃាត់ និងឆែកឃើញថ្នាំញៀនចំនួន ៩៩៥៤គ្រាប់ និងឃាត់មិត្តនាង ឡៃ លីនដា ទៅជាមួយម្នាក់ទៀត ។ នាងនិយាយ មុនឃាត់ខ្លួនគឺមាន មីងម្នាក់ ធ្លាប់ផ្ញើលុយពីថៃឲ្យគ្រួសារតាមរយៈ ឈ្មោះ ទៀន សុគន្ធា ពីបន្ទាយមានជ័យមកស្ទឹងត្រែង ៤ដងចំនួន ១ម៉ឺនដុល្លារ ដោយនាងជាអ្នកទទួលជំនួសតែមិនបញ្ជាក់ថាលុយបានគ្រឿងញៀនទេ៕
ចែករំលែកព័តមាននេះ