ខេត្តកណ្តាល ៖ ជនសង្ស័យម្នាក់ជាមុខសញ្ញាលួចយ៉ាងសកម្ម និងធ្លាប់ប្រើអំពើរហិ.ង្សាក្នុងគ្រួសារ វា.យឪពុកខ្លួនឯងថែមទៀតផងនោះ ត្រូវបាននគរបាលស្រុកពញ្ញាឮ ធ្វើការឃាត់ខ្លួនបានហើយ នេះបើតាមការបញ្ជាក់ពីលោកវរសេនីយ៌ឯក ឌួង តេង…
ខេត្តកណ្តាល ៖ ជនសង្ស័យម្នាក់ជាមុខសញ្ញាលួចយ៉ាងសកម្ម និងធ្លាប់ប្រើអំពើរហិ.ង្សាក្នុងគ្រួសារ វា.យឪពុកខ្លួនឯងថែមទៀតផងនោះ ត្រូវបាននគរបាលស្រុកពញ្ញាឮ ធ្វើការឃាត់ខ្លួនបានហើយ នេះបើតាមការបញ្ជាក់ពីលោកវរសេនីយ៌ឯក ឌួង តេង អធិការស្រុកពញ្ញាឮ ។
ហេតុការណ៌នេះបានកើតឡើង នៅវេលាម៉ោង១២និង០០នាទីថ្ងៃទី២៩ ខែមិថុនា ឆ្នាំ២០២២ នៅចំណុចទំនប់រាំងកោង ភូមិព្រែកក្តី ឃុំព្រែកតាទែន ស្រុកពញាឮ ខេត្តកណ្តាល ។
លោកវរសេនីយ៌ឯក ឌួង តេង អធិការនគរបាលស្រុកពញ្ញាឮ បានប្រាប់អោយដឹងថា ជនរងគ្រោះឈ្មោះ ប៊ុត ឃ្លី ភេទប្រុស ឆ្នាំកំណើត១៩៧៥ ជនជាតិខ្មែរមុខរបរកសិករ ទីលំនៅភូមិ ព្រែកក្តី ឃុំព្រែកតាទែន ស្រុកពញាឮ ខេត្តកណ្តាល ។
ជនសង្ស័យឈ្មោះ អេង ប៊ុនធឿន ភេទប្រុស ឆ្នាំកំណើត១៩៩៥ ជនជាតិខ្មែរ មុខរបរមិនពិតប្រាកដ មានទីលំនៅភូមិ ព្រែកក្តី ឃុំ ព្រែកតាទែន ស្រុកពញាឮ ខេត្តកណ្តាល ។
ជនសង្ស័យធ្លាប់ជាប់ពន្ធនាគារ រយៈពេល០៩ខែ បទហិ.ង្សាដោយចេតនាបណ្តាលឲ្យជនរងគ្រោះស្លា.ប់ ជនសង្ស័យមានសារធាតុញៀ.នក្នុងទឹកនោម ។
លោកអធិការបានបញ្ជាក់ថា នៅវេលាម៉ោង០៦ព្រឹក ជនរងគ្រោះឈ្មោះ ប៊ុត ឃ្លី បានដើរចេញពីផ្ទះ ដើម្បីទៅកាត់ដើមត្រគួននៅចំណុចចុងទំនប់រាំងកោង កន្លែងកើតហេតុខាងលើបន្ទាប់មកឈ្មោះ ប៊ុត ពៅ ភេទប្រុស អាយុ៣៥ឆ្នាំ ត្រូវជាកូនប្រុសបង្កើតរបស់ជនរងគ្រោះបានជិះម៉ូតូម៉ាក Honda wave គុណភាពចាស់គ្មានផ្លាកលេខជិះទៅជួយកាត់ដើមត្រកួនជាមួយជនរងគ្រោះដែរ ដោយទុកម៉ូតូនៅចុងទំនប់រាំងកោង លុះដល់វេលាម៉ោងកើតហេតុខាងលើ ជនរងគ្រោះឈ្មោះ ប៊ុត ឃ្លី កំពុងកាត់ដើមត្រកួន ខណៈពេលនោះបានឃើញជនសង្ស័យឈ្មោះ អេង ប៊ុនធឿន ធ្វើសកម្មភាពលួចម៉ូតូរបស់ជនរងគ្រោះ ហើយជិះគេចខ្លួនបាត់ ។
បន្ទាប់មកទៀតជនរងគ្រោះបានមកដាក់ពាក្យបណ្តឹង នៅប៉ុស្តិ៍រដ្ឋបាលព្រែកតាទែន ក្រោយពីទទួលបានពាក្យបណ្តឹងរួច កម្លាំងប៉ុស្តិ៍បានសហការជាមួយកម្លាំងជំនាញចុះស្រាវជ្រាវធ្វើការឃាត់ខ្លួនជនសង្ស័យ និងចាប់យកវត្ថុតាងខាងលើបញ្ជូនមកអធិការដ្ឋាននគរបាលស្រុកពញាឮ ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ