ADផ្ទាំងផ្សព្វផ្សាយពាណិជ្ជកម្ម

Picture

មក​ស្គាល់ ឡុ​ង ភា​រ៉ាត់ កីឡាករ​លេចធ្លោ​ក្នុង​ក្រុម​ជម្រើសជាតិ​ពេល​លេង AFC Asian Cup

1 អាទិត្យ មុន
  • ភ្នំពេញ

រាជធានី​ភ្នំពេញ ៖ ឡុ​ង ភា​រ៉ាត់ ជា​ខ្សែប្រយុទ្ធ​លេចធ្លោ​ម្នាក់​របស់​ក្រុមបាល់ទាត់​ជម្រើសជាតិ​កម្ពុជា

រាជធានី​ភ្នំពេញ ៖ ឡុ​ង ភា​រ៉ាត់ ជា​ខ្សែប្រយុទ្ធ​លេចធ្លោ​ម្នាក់​របស់​ក្រុមបាល់ទាត់​ជម្រើសជាតិ​កម្ពុជា ក្នុង​ការ​ប្រកួត​វគ្គ​ជម្រុះ​ជុំ​ចុង​ក្រោយ​ពានរង្វាន់ AFC Asian Cup នៅ​ប្រទេស​ឥណ្ឌា​ដែល​បាន​បញ្ចប់​ទៅ​កាលពី​ពេល​ថ្មី​ៗ​នេះ​។

ខ្សែប្រយុទ្ធ​វ័យ​២៤​ឆ្នាំ​រូប​នេះ​កើត​នៅ​ថ្ងៃ​ទី​៧ ខែមករា ឆ្នាំ​១៩៩៨ ជា​កូន​អ្នក​ក្រុងព្រះសីហនុ មាន​ឪពុក​ឈ្មោះ ឡុ​ង ភារ​ម្យ (​ស្លា.ប់​) និង​ម្ដាយ​ឈ្មោះ អ៊ឹ​ង ចាន់​ថន មុខរបរ​មេផ្ទះ ។ កីឡាករ​រូប​នេះ​មាន​បងប្អូន​៦​នាក់ ក្នុង​នោះ​មាន​តែ​រូបគេ​ម្នាក់​ប៉ុណ្ណោះ​ដែល​ជា​អ្នកលេង​កីឡាបាល់ទាត់​។

ឡុ​ង ភា​រ៉ាត់ ដែល​ជា​អតីត​យុវជន​របស់​ភ្នំពេញ​ក្រោ​នរូ​ប​នេះ​បាន​ឲ្យ​ដឹង​ថា ការ​ចូល​លេង​បាល់ទាត់​នេះ​គឺ​ផ្ដើម​ចេញពី​ការ​ស្រឡាញ់​តាំងពី​ក្មេង​មក​ម៉្លេះ​ ។ កាល​អាយុ​៧​ឆ្នាំ រូបគេ​បាន​លេង​ឲ្យ​សាលា​មួយ​នៅ​ស្រុក​កំណើត​។ ថ្ងៃមួយ​នៅ​ពេល​ក្លិប​បាល់ទាត់​ភ្នំពេញ​ក្រោ​ន​ជ្រើសរើស​យុវជន​នៅ​ឆ្នាំ​២០១០ ដែល​ពេល​នោះ រូបគេ​បាន​ចូលរួម​ធ្វើតេស្ត​រួចរាល់ ហើយ​ដល់​ឆ្នាំ​២០១១ ទើប​ក្លិប​បាន​កោះហៅ​ឲ្យ​ចូលរួម​ជាមួយ​ភ្នំពេញ​ក្រោ​ន​។

ប្រវត្តិ​លេង​បាល់ទាត់​នៅ​ក្លិប​អាជីព​វិញ ឡុ​ង ភា​រ៉ាត់ បាន​ចូល​លេង​ក្លិប​អាជីព​នៅ​ឆ្នាំ​២០១៦ ដែល​កាលនោះ​លេង​ឲ្យ​ក្លិប Western Phnom Penh FC​។ នៅ​ឆ្នាំ​២០១៨ រូបគេ​បាន​ផ្ទេរ​ទៅ​កាន់​ក្លិប​សូល​ទី​ឡូ​អង្គរ ដល់​ឆ្នាំ​២០១៩ ក៏​ចូលរួម​ជាមួយ Angkor Tiger លេង​ឲ្យ​ក្លិប​នេះ​បាន​៣​រដូវ​កាល​ក៏​ផ្ទេរ​មក​កាន់​ព្រះ​ខ័ន​រាជ​ស្វាយ​រៀង នា​រដូវ​កាល​២០២២​។

សម្រាប់​ការ​លេង​ឲ្យ​ជម្រើសជាតិ​វិញ​គឺ ឡុ​ង ភា​រ៉ាត់ ទើបតែ​បាន​ជាប់​ជម្រើសជាតិ​ក្រុម​ធំ​នៅ​ឆ្នាំ​២០២២ នេះ ប៉ុន្តែ​នៅ​ក្រុម​យុវជន​វិញ កូន​អ្នក​ក្រុងព្រះសីហនុ​រូប​នេះ​ធ្លាប់​ជាប់​ក្នុង​ក្រុម U-16 ដល់ U-22​។ ចំពោះ​ការ​សិក្សា​វិញ ឡុ​ង ភា​រ៉ាត់ រៀន​បាន​ត្រឹម​ថ្នាក់​ទី​៩ នៅ​សាលា​សុវណ្ណ​ភូមិ ក្នុង​រាជធានី​ភ្នំពេញ ៕

Picture
Picture
Picture