ខ្លោចចិត្ត ! រថយន្តជាង១០គ្រឿងបុកបុរសម្នាក់ឡើងខ្ទេចមុខមើលលែងយល់
រាជធានីភ្នំពេញ ៖ បុរសម្នាក់ដើរបញ្ច្រាសទិសចរាចរណ៍រួចអង្គុយនៅតាមផ្លូវត្រូវរថយន្តជាង១០គ្រឿងបុកបន្តបន្ទាប់គ្នាបណ្ដាលឲ្យបែកខ្ទេចមុខមើលលែងយល់ …
រាជធានីភ្នំពេញ ៖ បុរសម្នាក់ដើរបញ្ច្រាសទិសចរាចរណ៍រួចអង្គុយនៅតាមផ្លូវត្រូវរថយន្តជាង១០គ្រឿងបុកបន្តបន្ទាប់គ្នាបណ្ដាលឲ្យបែកខ្ទេចមុខមើលលែងយល់ស្លាប់យ៉ាងអណោចអធ័មបង្កឲ្យមានភ្ញាក់ផ្អើលកាលពីវេលាម៉ោង៩ និង២០នាទីយប់ ថ្ងៃទី១៩ ខែវិច្ឆិកា ឆ្នាំ២០១៦ នៅចំណុចចន្លោះស្ពានលេខ៩និងលេខ១០ តាមបណ្ដោយផ្លូវលេខ៦ ស្ថិតក្នុងភូមិក្ដីចាស់ សង្កាត់បាក់ខែង ខណ្ឌជ្រោយចង្វា ។
ប្រជាពលរដ្ឋដែលបានឃើញហេតុការណ៍បានប្រាប់ឲ្យដឹងថា មុនពេលកើតហេតុគេឃើញបុរសអនាថាម្នាក់អត់ពាក់អាវស្លៀកខោជើងខ្លីមិនដឹងថាមកពីណានោះទេ បានដើរបញ្ច្រាសទិសដៅចរាចរណ៍តាមផ្លូវ ក្នុងទិសដៅពីត្បួងទៅជើង មកដល់ចំណុចកើតហេតុបុរសម្នាក់បានអង្គុយនៅកណ្តាលផ្លូវដោយស្ថានភាពងងឹតអត់មានបង្គោលភ្លើងបំភ្លឺផ្លូវផងនោះក៏ត្រូវបានរថយន្តទួរីសបើកយ៉ាងលឿនបានបុកហើយស្រាប់តែមានរថយន្តប្រមាណជា10គ្រឿងទៀតបានបុកអូសជាច្រើនម៉ែត្របណ្ដាលអោយស្លាប់នៅនឹងកន្លែងកើតហេតុ បែកខួរខ្ទេចមុខមើលលែងស្គាល់ទៅហើយ ចំណែករថយន្តបង្កបានបើកគេចបាត់អស់ដោយពុំមានសមត្ថកិច្ចណាចាប់រថយន្តទាំងនោះបានឡើយ។
ក្រោយពេលកើតហេតុសមត្ថកិច្ចចរាចរណ៍ខណ្ឌជ្រោយចង្វាបានចុះទៅដល់កន្លែងកើតហេតុនឹងបានយកសពយកមកបូជានៅវត្តបាក់ខែង ព្រោះតែសពខាងលើនេះគ្មានសាច់ញាតិទេ ៕
ចែករំលែកព័តមាននេះ