គ្រាន់តែ PSY ប្រកាសប្រគំតន្ត្រីភ្លាម ផ្ទុះការរិះគន់ដូចទឹកបាក់ទំនប់ ព្រោះរឿងមួយនេះ
កូរ៉េខាងត្បូង ៖ ការប្រគំតន្ត្រីរដូវក្តៅនាពេលខាងមុខ របស់កំពូលតារាចម្រៀងកូរ៉េខាងត្បូង PSY
កូរ៉េខាងត្បូង ៖ ការប្រគំតន្ត្រីរដូវក្តៅនាពេលខាងមុខ របស់កំពូលតារាចម្រៀងកូរ៉េខាងត្បូង PSY
កូរ៉េខាងត្បូង ៖ ការប្រគំតន្ត្រីរដូវក្តៅនាពេលខាងមុខ របស់កំពូលតារាចម្រៀងកូរ៉េខាងត្បូង PSY កំពុងប្រឈមមុខនឹងការរិះគន់ ចំពេលមានគ្រោះរាំងស្ងួត។ ដោយសារការប្រគំតន្ត្រីរបស់កំពូលតារាចម្រៀងកូរ៉េខាងត្បូងរូបនេះ គ្រោងប្រើប្រាស់ទឹក 300t (ប្រមាណ ៣០៥,៤៩៧លីត្រ) សម្រាប់ការប្រគំតន្ត្រីរបស់ខ្លួន។ នេះបើយោងតាមប្រភពពី Allkpop ចេញផ្សាយកាលពីថ្ងៃទី៦ ខែមិថុនា ឆ្នាំ២០២២។
កាលពីថ្ងៃទី៣ ខែមិថុនា ឆ្នាំ២០២២ PSY បានប្រកាសអំពីការប្រគុំតន្ត្រីរដូវក្តៅរបស់ខ្លួន «Summer Swag» ដែលនឹងប្រព្រឹត្តទៅនៅក្នុងឆ្នាំនេះ ក្រោយខកខានអស់ពេល៣ឆ្នាំ។ ការប្រគំតន្ត្រីរដូវក្តៅរបស់ម្ចាស់បទ «Gangnam Style» ដ៏ល្បីល្បាញទូទាំងពិភពលោករូបនេះ ត្រូវបានគេស្គាល់យ៉ាងច្បាស់ថា តែងតែធ្វើឡើងដោយមានការបាញ់ទឹកយ៉ាងអស្ចារ្យ រួមជាមួយការសម្តែងដ៏រីករាយបំផុត។
ទោះយ៉ាងណា ចំពេលដែលអ្នកគាំទ្ររំភើបជាមួយដំណឹងនេះ ការប្រកាសតារាចម្រៀងវ័យ៤៤រូបនេះ ក៏ត្រូវប្រឈមមុខនឹងការរិះគន់យ៉ាងចាស់ដៃផងដែរ។ ខណៈដែលគ្រោះរាំងស្ងួតកំពុងតែបន្តនៅកូរ៉េខាងត្បូង។ រហូតមកដល់ពេលនេះ អ្នកនិយមលេងបណ្តាញទំនាក់ទំនងសង្គមកំពុងបញ្ចេញមិតថា PSY គួរតែបង្កើតគំនិតខុសប្លែកសម្រាប់ឆ្នាំនេះ ជាជាងបន្តការប្រគំតន្ត្រីរដូវក្ដៅតាមទំលាប់ចាស់របស់ខ្លួន។
សំបុត្រសម្រាប់ការប្រគំតន្ត្រី «PSY’s Summer Swag» ប្រចាំឆ្នាំ ២០២២ នឹងត្រូវដាក់លក់ចាប់ពីថ្ងៃទី១៨ ខែមិថុនា ខាងមុខនេះ នៅក្រុមហ៊ុន Interpark៕
ចែករំលែកព័តមាននេះ