រាជធានីភ្នំពេញ ៖ ក្រុមហ៊ុន Oji បានបោះជំហានចូលក្នុងទីផ្សារខោទឹកនោមសម្រាប់ទារកក្នុងប្រទេសកម្ពុជាជាផ្លូវការហើយ ព្រឹត្តិការណ៍ដាក់បង្ហាញជាផ្លូវការនៃផលិតផលថ្មីនេះ បានប្រារព្ធធ្វើនៅសណ្ឋាគារ InterContinental រាជធានីភ្នំពេញនាថ្ងៃទី 4 ខែវិច្ឆិកា ឆ្នាំ 2016 ។
ព្រឹត្តិការណ៍នេះ ត្រូវបានចូលរួមដោយភ្ញៀវកត្តិយសជាច្រើន ដែលជាដៃគូពាណិជ្ជកម្ម និងអាជីវកម្ម ព្រមទាំងនាយកប្រតិបត្តិ និងបុគ្គលិកគ្រប់គ្រងនៃក្រុមហ៊ុន Oji Asia Household Product Sdn Bhd រួមជាមួយនិងអ្នកចែកចាយផ្តាច់មុខរបស់ ជែនគី ក្នុងព្រះរាជាណាចក្រកម្ពុជា គឺសហគ្រាស Goodhill (កម្ពុជា)។
លោក ម៉ៃគល៍ ឈូ (Michael Chew) នាយកគ្រប់គ្រងនៃក្រុមហ៊ុន Oji Asia Household Product Sdn Bhd បានមានប្រសាសន៍ថា «យើងមានមោទនភាពក្នុងការសម្ពោធខោទឹកនោមម៉ាក ជែនគី នេះ ! ខោកទឹកនោមសម្រាប់ទារកនៅកម្ពុជា មួយនេះ គឺជាការខំប្រឹងប្រែងដ៏សំខាន់ ដើម្បីជំរុញឲ្យយុទ្ធសាស្ត្រ «ហួសពីដែនកំណត់» របស់ក្រុមហ៊ុន Oji ដំណើរការកាន់តែខ្លាំង ក៏ដូចជាដើម្បីការគាំទ្រកំណើនសេដ្ឋកិច្ចរបស់ក្រុមហ៊ុនរបស់យើងនៅតំបន់អាស៊ីអាគ្នេយ៍»។
លោក ម៉ៃគល៍ ឈូ (Michael Che)) បានមានប្រសាសន៍បន្ថែមទៀតថា «កំណើនទារកប្រមាណជា 400.000 នាក់ជារៀងរាល់ឆ្នាំនៅប្រទេស កម្ពុជា ហើយយើងមើលឃើញពីសក្តានុពលយ៉ាងធំនៅក្នុងទីផ្សារខោកទឹកនោមសម្រាប់ទារក។ កម្ពុជាគឺពិតជាទីផ្សាដ៏សំខាន់មួយដើម្បីការរីកលូតលាស់ និងពង្រឹងអាជីវកម្មរបស់យើង»។
ក្នុងកិច្ចខិតខំប្រឹងប្រែង ដើម្បីនាំយកមកនូវស្នាមញញឹមជូនដល់ទាំងអ្នកម្តាយ និងទារក, ក្រុមហ៊ុន Oji Asia Household Product បានធ្វើការស្រាវជ្រាវដោយកំណត់ទៅតាមតម្រូវការរបស់អតិថិជន ក៏ដូចជាការរំពឹងទុករបស់អ្នកម្តាយគ្រប់រូបនៃប្រភេទខោទឹកនោមមួយដ៏ល្អនៅកម្ពុជា។ ការរកឃើញនេះបានបង្ហាញថា ខោទឹកនោមសម្រាប់ទារកត្រូវតែទន់ និងត្រូវផ្តល់ភាពសុខស្រួល និងពោរពេញទៅដោយផាសុកភាពទៅដល់ទារកពេលនៅលើស្បែករបស់ពួកគេ ហើយត្រូវមានខ្យល់ចេញចូលគ្រប់គ្រាន់ និងជក់ទឹកបានល្អ។ បើយោងទៅតាមលោកស្រី លឹម ហួយយីន នាយកទីផ្សារប្រចាំតំបន់អាស៊ីនៃក្រុមហ៊ុន Oji Asia Household Product, Genki! បានមានប្រសាសន៍ថា «ខោទឹកនោមត្រូវបានបង្កើតឡើងដោយផ្អែកលើការយល់ដឹងដ៏ទូលំទូលាយនៃការបញ្ចូលគ្នានៃការច្នៃប្រឌិតថ្មី «ទន់ល្មើយដូចសំឡី» «សមត្ថភាពជក់ទឹកបានល្អ» និង «សំបកខាងក្រៅដែលមានខ្យល់ដកដង្ហើមចេញចូល» ដែលជាលក្ខណៈពិសេសក្នុងការផ្តល់នូវ «ខោទឹកនោមដែលមានផាសុកភាពដល់ល្អបំផុត» សម្រាប់ទារក។ អ្នកម្តាយនឹងរកឃើញយ៉ាងច្បាស់ថា ខោទឹកនោម ជែនគី គឺជាដំណោះស្រាយដ៏ល្អ ផ្តល់ភាពងាយស្រួល និងសាកសមបំផុតសម្រាប់រាងកាយទារករបស់ពួកគេ។
ព្រឹត្តិការណ៍នេះមានលក្ខណៈពិសេសគួរឲ្យកត់សម្គាល់ផងដែរ ដូចជាការកម្សាន្តជាមួយការសម្តែងរបស់ក្រុមរាំ OMG ព្រមទាំងការសម្តែង Fighting Gravity ដែលជាព្រឹត្តិការណ៍សំខាន់ក្នុងការបើកសម្ពោធនេះ។ ការបើកសម្ពោធជាផ្លូវការនេះផងដែរក៏មានការចាប់ឆ្នោតផ្សងសំណាងជាមួយនឹងរង្វាន់ជាច្រើនសម្រាប់ដៃគូរអាជីវកម្មទាំងឡាយដែលបានចូលរួម។
ចែករំលែកព័តមាននេះ