ស្រីស្អាតម្នាក់ទៀតហើយ ឈ្នះមកុដ Miss Supranational Thailand 2022
- ភ្នំពេញ
ប្រទេសថៃ បានបើកកកាយស្វែងរកនារីដ៏ស្រស់ស្អាតតាមកម្មវិធីប្រកួតសម្រស់ជាបន្តបន្ទាប់។ ហើយថ្មីៗនេះ ក៏បានរកឃើញម្ចាស់មកុដថ្មីមួយទៀត ប្រចាំឆ្នាំ
ប្រទេសថៃ បានបើកកកាយស្វែងរកនារីដ៏ស្រស់ស្អាតតាមកម្មវិធីប្រកួតសម្រស់ជាបន្តបន្ទាប់។ ហើយថ្មីៗនេះ ក៏បានរកឃើញម្ចាស់មកុដថ្មីមួយទៀត ប្រចាំឆ្នាំ២០២២ ដោយនាងតស៊ូមកប្រកួតកម្មវិធីមុនៗ មិនដែលជាប់។ ឥឡូវនេះ បានសម្រេចបំណងគួរជាទីមោទនៈ ដែលមិនបោះបង់ការប៉ងប្រាថ្នា។
នារីដ៏ស្រស់ស្អាតជាច្រើនដួង បានមកជុំគ្នាដាក់ពាក្យប្រឡង ហើយបានឆ្លងកាត់វគ្គសំខាន់ៗជាច្រើន មុននិងរកឃើញអ្នកមានសមត្ថភាពល្អជាងគេ។ នានាទីចុងក្រោយ នារីដ៏ស្រស់ស្អាតជាងគេ ត្រូវបានរកឃើញថា សាកសម ហើយកំណត់អោយក្លាយជាម្ចាស់មកុដថ្មីក្នុងប្រទេសថៃ សម្រាប់ឆ្នាំ២០២២នេះ។
នាងបានឆក់យកចិត្តមហាជន និងគណៈកម្មាការជាច្រើនរូបទៀត ក្រោយពេលមើលឃើញថា នាងយល់សាច់ការ និងមានចំណុចពិសេសច្រើនជាងគេ ហើយដាក់វិញ្ញាសា បែបណាឃើញថា រហ័សរហួន។ ក្រោយពេលឆ្លើយសំណួរចាក់ចំបេះដូង ក៏ប្រកាសអោយក្លាយជារាជនីមកុដ រដូវកាលថ្មី ក្រោមការចូលរួមបំពាក់ដោយបវរកញ្ញាថ្នាក់ពិភពលោកមកពីប្រទេស ណៃធើរៀរ។ ស្រីស្អាតរូបនេះ នៅមានបេសកមក្មបន្តទៀត ដើម្បីចេញទៅប្រកួតប្រជែងបន្ថែមនាឆាកពិភពលោក នាពេលខាងមុខ។
រីឯកម្ពុជាយើងវិញ ក៏មានបេក្ខភាពរួចរាល់ហើយដែរ គឺកញ្ញា ស្រអែមខ្មៅស្រស់ អ៊ិន លក្ខិណា តំណាងកម្ពុជា ត្រៀមខ្លួនរួចរាល់ ដើម្បីចូលរួមប្រកួតលើឆាកអន្តរជាតិ។ ដូចនេះ សូមហ្វេនៗ ទាំងអស់ជួយបន្តការលើកទឹកចិត្តដល់បេក្ខភាពខាងកម្ពុជាយើង អោយបានច្រើន ដើម្បីខំបំពេញការងារដ៏សំខាន់មួយនេះ ឆ្ពោះលើកមុខមាត់ជាតិយើងផងដែរ។
ចែករំលែកព័តមាននេះ