រាជធានីភ្នំពេញ ៖ «ស្នែងគោ» ឬនិយាយបានថា Gyu-Kaku នៅក្នុងភាសាជប៉ុន គឺជាឈ្មោះដែលសាកសមបំផុតសម្រាប់ហាងដែលផ្តោតសំខាន់ទៅលើសាច់គោ ក៏ដូចជាផលិតផល និងសាច់ផ្សេងៗដែលមានគុណភាពខ្ពស់ ។
ខណៈពេលដែលទីក្រុងភ្នំពេញ កំពុងតែរៀបចំត្រៀមខ្លួនទទួលយកវត្តមានរបស់ហាងបាប៊ីឃ្យូជប៉ុនមួយទៀត ហាង Gyu-Kaku គឺមិនត្រឹមតែជាហាងមួយមិនធម្មតានោះទេ ។ ហាង Gyu-Kaku បានបើកចំនួន៦០០សាខានៅប្រទេសជប៉ុន និងចំនួនសាខានៅជុំវិញពិភពប្រហែលចំនួន១១២ដែលស្មើនឹងចំនួនហាងសរុប៨០០ ដែលក្នុងនោះមាននៅក្នុងសហរដ្ឋអាមេរិក សិង្ហបុរី កាណាដា តៃវ៉ាន់ ហុងកុង និងប្រទេសថៃ ។
ហាង Gyu-Kaku ត្រូវបានបង្កើតឡើងដំបូងនៅឆ្នាំ១៩៩៦ ដោយក្រុមហ៊ុន REINS INTERNATIONAL INC ។
ប្រទេសកម្ពុជាគឺជាប្រទេសទី១២ហើយ ដែលនឹងបានទទួលយកបទពិសោធន៍អាហារបាប៊ីឃ្យូតាមបែបជប៉ុនពិតៗនេះ ។
ការពិសាអាហារបែបនេះ គឺមានឈ្មោះថា Yakiniku ក្នុងភាសាជប៉ុន ដោយអតិថិជន គឺជាចុងភៅ និងចម្អិនសាច់ដែលមានគុណភាពខ្ពស់នៅលើចង្រ្កានធ្យូងក្តៅ ។
លោក ណម ហាវ នាយកគ្រប់គ្រងក្រុមហ៊ុន TH F&B និង United Auto Trading ដែលបានទទួលសិទ្ធិផ្តាច់មុខហីហោ Gyu-Kaku Japanese BBQ Restaurant នៅប្រទេសកម្ពុជាបានថ្លែងថា «អ្វីដែលពិសេស និងប្លែកនៅក្នុងហាង Gyu-Kaku គឺយើងធានាថា នឹងផ្តល់សាច់ និងផលិតផលផ្សេងៗដែលស្រស់ជាងគេ ដែលមានដូចជា សាច់ជ្រូក សាច់គោ បង្គា និងបន្លែ ។ ម្ហូបដែលស្រស់ៗ គឺជាចំណុចមួយដែលហាង Gyu-Kaku សន្យាថា នឹងផ្តល់ទៅឱ្យអតិថិជន» ។
ឧទាហរណ៍មួយដែលបង្ហាញថា Gyu-Kaku ពិសេសជាងហាងបាប៊ីឃ្យូជប៉ុនផ្សេងទៀត គឺសាច់គោ Wagyu គឺជាសាច់គោដែលមានគុណភាពខ្ពស់ ដែលទន់ ផុយ និងមានរសជាតិឆ្ងាញ់ និងស្ថិតក្នុងចំណោមសាច់ដែលលក់ដាច់ជាងគេ ។ ហាងនេះត្រូវបានតុបតែងតាមរបៀបជប៉ុនពិតៗ ដែលមានមម្រើភេសជ្ជៈដូចជា Japanese Sake, Shochu និងស្រាបៀត្រជាក់ជាប់ចិត្ត ។ នៅចំកណ្តាលតុនីមួយៗនៅហាង Gyu-Kaku គឺមានចង្ក្រានបាប៊ីឃ្យូមូលមួយដែលប្រើឃ្យូងដែលមិនធ្វើឱ្យហ៊ុយផ្សែង ហើយថែមទាំងជះពន្លឺស្រទន់នៅតុ និងធ្វើឱ្យអតិថិជនមានអារម្មណ៍ថា ជាមេចុងភៅជំនាញនោះដែរ ។ នេះគឺជាចំណុចអស្ចារ្យរបស់គំនិតបរិភោគអាហារជាក្រុមរបស់ប្រទេសជប៉ុន ដែលមិត្តភក្តិ និងគ្រួសារអាចរីករាយនឹងចម្អិនម្ហូបដែលពួកគេចង់បរិភោគតាមចំណង់ចំណូលចិត្តរបស់គេ ។
នៅក្នុងបរិយាកាសបែបនេះ ពួកគេច្បាស់ជានឹងចែករំលែកភាពសប្បាយរីករាយ កម្សាន្ត និងពិសាអាហារដ៏ឈ្ងុយឆ្ងាញ់ជាមួយគ្នានោះហើយ ។
បុគ្គលិករបស់យើងនៅហាង Gyu-Kaku Japanese BBQ Restaurant ត្រូវបានបង្វឹកហាត់យ៉ាងដិតដល់ ដើម្បីបម្រើលោកអ្នកគួរជាទីពេញចិត្ត និងខិតខំធ្វើឱ្យលោកអ្នកទទួលបានបទពិសោធន៍បរិភោគអាហារជប៉ុនល្អជាងគេ ដែលធ្វើឱ្យអតិថិជនមិននឹកឃើញដល់ហាងជប៉ុនផ្សេងទៀតនោះទេ ។
ឃ្លាមួយរបស់ Gyu-Kaku គឺ «Kando Sozo !» ដែលមានន័យថា «អ្វីៗដើម្បីឱ្យអតិថិជនញញឹម !»
ហាង Gyu-Kaku មានទីតាំងនៅផ្ទះលេខ១ ផ្លូវ៣៧០ ១០០ម៉ែត្រពីខាងលិចនៃផ្លូវនរោត្តម ។
ហាងបើកប្រចាំថ្ងៃពីម៉ោង១១ព្រឹក-ម៉ោង១១យប់
ដើម្បីកក់ សូមទូរស័ព្ទមកកាន់លេខ 023 2222 89
ចែករំលែកព័តមាននេះ