គ្រូពេទ្យម្នាក់បើកឡានទៅយាមជួបគ្រោះជិតស្ពានអាកាសស្ទឹងមានជ័យ
- ភ្នំពេញ
រាជធានីភ្នំពេញ ៖ លោកគ្រូពេទ្យម្នាក់បើករថយន្តទៅយាមប្រចាំការ ក៏បានងោកមួយភាំងជ្រុលទៅ
រាជធានីភ្នំពេញ ៖ លោកគ្រូពេទ្យម្នាក់បើករថយន្តទៅយាមប្រចាំការ ក៏បានងោកមួយភាំងជ្រុលទៅ
រាជធានីភ្នំពេញ ៖ លោកគ្រូពេទ្យម្នាក់បើករថយន្តទៅយាមប្រចាំការ ក៏បានងោកមួយភាំងជ្រុលទៅបុកក្បាលនាគពុះចែកផ្លូវ បណ្ដាលឲ្យរថយន្តក្រឡាប់ផ្ងារជើងរងការខូចខាតយ៉ាងដំណំ តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ ។
ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាម៉ោង២ឈានចូលព្រឹកថ្ងៃទី២០ ខែឧសភា ឆ្នាំ២០២២ នៅចំណុចជិតស្ពានអាកាសស្ទឹងមានជ័យ តាមផ្លូវ២១៧ ស្ថិតក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
តាមប្រភពពីបុរសជាអ្នកបើកបររថយន្តមួយគ្រឿងខាងលើបានឱ្យដឹងថា គាត់គឺជាគ្រូពេទ្យ មុនពេលកើតហេតុ គាត់បានបើករថយន្តមួយគ្រឿងម៉ាកព្រុស ពណ៌ទឹកប្រាក់ ពាក់ស្លាកលេខ ភ្នំពេញ 2BL 9156 ចេញពីផ្ទះ ក្នុងគោលបំណងទៅយាមប្រចាំការនៅមន្ទីរពេទ្យមួយកន្លែង ដោយបានធ្វើដំណើរតាមបណ្ដោយផ្លូវ២១៧ ក្នុងទិសដៅពីលិចទៅកើត លុះមកដល់ចំនុចកើតហេតុ ស្រាប់តែគាត់ងងុយដេកងោកមួយភាំង បណ្ដាលឲ្យរថយន្តរេចង្កូតជ្រុលទៅបុកក្បាលនាគពុះចែកផ្លូវ យ៉ាងពេញទំហឹង ធ្វើអោយរថយន្តស្រុញផ្នែកខាងមុខក្រឡាប់ផ្ងារជើងទ្រមេឃ រងការខូចខាតយ៉ាងដំណំ តែសំណាងល្អមិនបណ្តាលឱ្យគ្រោះថ្នាក់ដល់រូបគាត់ជាអ្នកបើកបរឡើយ ព្រោះបានបងប្អូនប្រជាពលរដ្ឋជួយទាញគាត់យកចេញពីក្នុងរថយន្តទាន់ពេលវេលា ។ ដោយឡែកក្បាលនាគពុះចែកផ្លូវវិញ រងការខូចខាត តិចតួចតែប៉ុណ្ណោះ ។
ក្រោយពេលកើតហេតុ រថយន្ដត្រូវបានសមត្ថកិច្ចមូលដ្ឋានទាក់ទងខាងជំនាញចរាចរណ៍ក្រុងអោយចុះទៅស្ទូចយកទៅរក្សាទុកនៅការិយាល័យនគរបាលចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញដើម្បីរង់ចាំដំណោះស្រាយ ៕
ចែករំលែកព័តមាននេះ