រាជធានីភ្នំពេញ ៖ តារាកំប្លែងនាយ ក្តិប បានប្រកាសលក់ផ្ទះបន្ទាន់ ដើម្បីយកប្រាក់សងបំណុលគេ ក្នុងពេលដែលជំងឺរបស់លោកកំពុងបន្តយាយីអស់ជាច្រើនឆ្នាំមកនេះ។ ការប្រកាសលក់ផ្ទះ ពេលកំពុងមានជំងឺរបស់នាយក្តិប នាពេលនេះ គឺក្នុងគោលបំណងយកលុយទៅសងធានាគារដែលលោកជំពាក់ បើមិនដូច្នេះធានានឹងរឹបអូសលក់ឡៃឡុងជាមិនខាន។ នេះបើយោងតាមលោក អ៊ឹម ជីវ៉ា បានបង្ហោះនៅលើបណ្តាញសង្គមហ្វេសប៊ុក ក្នុងពេលដែលលោកនាំយកថវិកាចំនួន២លានរៀល ដែលជាថវិការបស់លោកជំទាវ ឆេង ស្រីនាង ដែលជាអគ្គនាយិការក្រុមហ៊ុនមួយ បានឧបត្ថម្ភដល់តារាកំប្លែងនាយក្តិប ដែលមានជំងឺស្លា.ប់មួយចំហៀងខ្លួន ។
បើតាមលោក អ៊ឹម ជីវ៉ា ថា ក្នុងការយកថវិកាមកជួយនេះ នាយក្តិប និងគ្រួសារ បាននិយាយទាំងទឹកភ្នែកថា សុំសំណូមពរដល់ពុកម៉ែ បងប្អូនជួយទិញផ្ទះគាត់ផង ដើម្បីអោយគាត់បានលុយមកសងបំណុលគេ បើមិនចឹងទេ គេមករឹបអូសផ្ទះលក់ឡៃឡុងហើយ ។ បើបងប្អូនចង់ទិញផ្ទះនាយក្តិប គឺនៅខាងជើងវត្តខ្ទ ខណ្ឌជ្រោយចង្វារ រាជធានីភ្នំពេញ។
គួរបញ្ជាក់ថា នាយក្តិប បានបញ្ឈប់អាជីពជាតារាកំប្លែងទាំងស្រុង ដោយសារលោកមានជំងឺប្រចាំកាយ ស្លា.ប់មួយចំហៀង ដែលបណ្តាលមកពីជំងឺលើសឈា.ម ព្រមទាំងជំងឺទឹកដក់ក្នុងសួត ទឹកនោមផ្អែម ដាច់សរសៃឈា.មខួរក្បាល និងខ្វះឈា.មក្នុងបេះដូង ។
កន្លងមក សាច់ញាតិរបស់តារាកំប្លែងនាយក្តិប ក៏ធ្លាប់បញ្ជូនរូបលោកឲ្យទៅព្យបាលនៅប្រទេសថៃផងដែរ ក្រោយពីឃើញសភាពជំងឺរបស់លោកកាន់តែដុនដាប។ យ៉ាងណា ក្រុមគ្រួសារដឹកនាយក្តិប បានយករូបលោកមកទឹកដីមាតុភូមិវិញ ក្រោយពីការព្យាបាលបានមួយរយៈត្រឹមតែជំងឺសួតធូរស្បើយបន្តិច ខណៈដែលជំងឺបេះដូង និងខួរក្បាលមិនទាន់ធ្វើការវះកាត់រហូតមកទល់នាពេលនេះ៕
ចែករំលែកព័តមាននេះ