អស់ថ្លែង ! ១៤ឆ្នាំចាប់១០ឆ្នាំដល់ទៅ៣ដង
ខេត្តកណ្ដាល ៖ ក្មេងស្រីអាយុ១០ឆ្នាំម្នាក់ខណៈទៅលេងនៅក្បែរផ្ទះអ្នកជិតខាងក៏ត្រូវក្មេងប្រុសអាយុ១៤ឆ្នាំម្នាក់ប្រើឲ្យយកអំបោសឲ្យ ពេលយកអំបោសទៅឲ្យនៅក្នុងផ្ទះស្រាប់តែ …
ខេត្តកណ្ដាល ៖ ក្មេងស្រីអាយុ១០ឆ្នាំម្នាក់ខណៈទៅលេងនៅក្បែរផ្ទះអ្នកជិតខាងក៏ត្រូវក្មេងប្រុសអាយុ១៤ឆ្នាំម្នាក់ប្រើឲ្យយកអំបោសឲ្យ ពេលយកអំបោសទៅឲ្យនៅក្នុងផ្ទះស្រាប់តែក្មេងប្រុសនោះចាប់អូសដៃចូលបន្ទប់រួមធ្វើសកម្មភាពចាប់រំលោភរហូតបានសម្រេច ។ ហេតុការណ៍ចាប់រំលោភនេះកើតឡើងកាលពីវេលាម៉ោង៣រសៀល ថ្ងៃទី២៦ ខែតុលា ឆ្នាំ២០១៦ ក្នុងផ្ទះក្មេងប្រុសសង្ស័យ នៅភូមិទួលត្នោត ឃុំគគីរ ស្រុកកៀនស្វាយ ខេត្តកណ្ដាល ។
សមត្ថកិច្ចស្រុកកៀនស្វាយបានឲ្យដឹងថា ក្មេងប្រុសសង្ស័យឈ្មោះ មុត ម៉ិច អាយុ១៤ឆ្នាំ មុខរបរជាសិស្ស មានទីលំនៅភូមិទួលត្នោត ឃុំគគីរ ស្រុកកៀនស្វាយ ខេត្តកណ្ដាល ចំណែកក្មេងស្រីរងគ្រោះឈ្មោះ ឆ.ស.ណ អាយុទើបតែ១០ឆ្នាំ ជាសិស្ស រស់នៅឃុំគគីរ ស្រុកកៀនស្វាយ ខេត្តកណ្ដាល ។
សមត្ថកិច្ចស្រុកកៀនស្វាយបានឲ្យដឹងទៀតថា នៅវេលាកើតហេតុខាងលើក្មេងស្រីរងគ្រោះបានទៅលេងនៅជិតផ្ទះក្មេងប្រុសសង្ស័យ ពេលនោះក្មេងប្រុសសង្ស័យបានប្រើឲ្យយកអំបោសបោសផ្ទះឲ្យខ្លួននៅក្នុងផ្ទះ ពេលក្មេងស្រីរងគ្រោះយកអំបោសមកឲ្យដល់ក្នុងផ្ទះ ស្រាប់តែក្មេងប្រុសសង្ស័យបានចាប់ទាញដៃចូលក្នុងបន្ទប់ដោយយកដៃខ្ទប់មាត់ និងគំរាមមិនឲ្យស្រែក ភ្លាមៗនោះក្មេងប្រុសសង្ស័យបានឲ្យក្មេងស្រីរងគ្រោះដេកផ្ងារលើគ្រែពូក រួចក៏ធ្វើសកម្មភាពរំលោភសេពសន្ថវៈរហូតបានសំរេច ។ បន្ទាប់ក្មេងស្រីរងគ្រោះបាននិយាយរឿងនេះប្រាប់ម្តាយ ម្តាយក៏បាននាំមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលគគីរ ។
ក្រោយទទួលបានពាក្យបណ្តឹង កម្លាំងប៉ុស្តិ៍បានចុះដល់កន្លែងកើតហេតុ និងបាននាំខ្លួនក្មេងប្រុសសង្ស័យមកប៉ុស្តិ៍ដើម្បីសួរនាំ ។ នៅចំពោះមុខសមត្ថកិច្ច ក្មេងប្រុសសង្ស័យបានឆ្លើយសារភាពថា ខ្លួនបានធ្វើសកម្មភាពរំលោភសេពសន្ថវៈក្មេងស្រីរងគ្រោះចំនួន៣លើកមកហើយទាំងលើកនេះ ។
បច្ចុប្បន្ន ក្មេងប្រុសសង្ស័យត្រូវបានបញ្ជូនទៅអធិការដ្ឋាននគរបាលស្រុកកៀនស្វាយ ដើម្បីចាត់ការតាមនិតិវិធីបន្ត ៕
ចែករំលែកព័តមាននេះ