ខេត្តបាត់ដំបង ៖ ប្រភពពីមន្ត្រីព្រំដែនបានរាយការណ៍ថា អាជ្ញាធរថៃបញ្ជូនសាកសពពលករខ្មែរម្នាក់ ត្រឡប់មកប្រទេសកំណើតវិញ កាលពីវេលាម៉ោង០៤ និង៥០នាទីរសៀលថ្ងៃទី២៥ តុលា តាមច្រកទ្វារអន្តរជាតិដូង ស្ថិតក្នុងស្រុកកំរៀង ។
ប្រភពពីមន្ត្រីដដែលឱ្យដឹងថា សាកសពពលករខ្មែររូបនោះ មានឈ្មោះម៉ៅ គឿង ភេទប្រុស អាយុ៣២ឆ្នាំ រស់នៅភូមិអន្លង់រុន ឃុំអន្លង់រុន ស្រុកថ្មគោល ខេត្តបាត់ដំបង ។ បើតាមអាជ្ញាធរថៃអះអាងប្រាប់មន្ត្រីព្រំដែនខ្មែរថា ជនរងគ្រោះបានស្លាប់ដោយសារធ្លាក់ពីលើអគារ ដែលកំពុងសាងសង់មួយកន្លែងនៅតំបន់ទេសចរណ៍ដីល្បីក្នុងប៉ាតាយ៉ា ប្រទេសថៃ កាលពីថ្ងៃទី១៤ តុលា ២០១៦។
បច្ចុប្បន្ន សាកសពជនរងគ្រោះ បានបញ្ជូនដល់លំនៅឋាន ហើយក្រុមគ្រួសារកំពុងរៀបចំធ្វើបុណ្យតាមប្រពៃណីទាំងសោកសង្រេងបំផុត ៕
ចែករំលែកព័តមាននេះ