ប្រជាពលរដ្ឋ៤ភូមិក្នុងឃុំទឹកហូត មានមុខរបរដើររកជន្លេនលក់
ខេត្តកំពង់ឆ្នាំង ៖ ប្រជាពលរដ្ឋ ៤ភូមិគឺ ភូមិទឹកល្អក់ ភូមិគោកស្តៅ ភូមិទឹកហូត និងភូមិអូរសណ្តាន់ ក្នុងឃុំទឹកហូត មានមុខរបរយ៉ាងចម្លែកមួយទៀត បន្ទាប់ពីការងារស្រែចម្ការ
ខេត្តកំពង់ឆ្នាំង ៖ ប្រជាពលរដ្ឋ ៤ភូមិគឺ ភូមិទឹកល្អក់ ភូមិគោកស្តៅ ភូមិទឹកហូត និងភូមិអូរសណ្តាន់ ក្នុងឃុំទឹកហូត មានមុខរបរយ៉ាងចម្លែកមួយទៀត បន្ទាប់ពីការងារស្រែចម្ការ
ខេត្តកំពង់ឆ្នាំង ៖ ប្រជាពលរដ្ឋ ៤ភូមិគឺ ភូមិទឹកល្អក់ ភូមិគោកស្តៅ ភូមិទឹកហូត និងភូមិអូរសណ្តាន់ ក្នុងឃុំទឹកហូត មានមុខរបរយ៉ាងចម្លែកមួយទៀត បន្ទាប់ពីការងារស្រែចម្ការ និងតម្បាញគឺដើររកកាប់ជន្លេន យកទៅលក់ឲ្យឈ្មួញដើរទិញតាមភូមិ ។ មុខរបរបន្ទាប់បន្សំនេះអាចរកបានក្នុងរយៈពេល៤ទៅ៥ខែ ក្នុងរដូវវស្សា ដែលអាចឲ្យមនុស្សម្នាក់រកបានជន្លេន៤ទៅ៥គីឡូក្រាមក្នុង១ថ្ងៃហើយបើក្នុងមួយគ្រួសា មានគ្នា ២ទៅ៣នាក់ គឺអាចរកចំណូលបានពី២ទៅ៣ម៉ឺនរៀល។
បុរសជាឈ្មួញកណ្តាលឈ្មោះ ឌឿន ពៅ អាយុ៤៥ឆ្នាំ មានទីលំនៅ ភូមិអូរសណ្តាន់ ឃុំទឹកហូត ស្រុករលាប្អៀរ បានបញ្ជាក់ថា ផ្ទះគាត់ជាចំណុចកណ្តាល ដែលរូបគាត់ជាអ្នកចាំទទួលទិញជន្លេនពីឈ្មួញដែលដើរទិញតាមផ្ទះប្រជាពលរដ្ឋ និងយកទៅលក់បន្ត នៅផ្សារក្រោម ខេត្តកំពង់ឆ្នាំងដែលមានគេទិញយកទៅធ្វើនុយចងសន្ទូច និងចំណីត្រីជាដើម។ មុខរបរនេះរកបានតែ៥ខែទេ ក្នុង១ឆ្នាំ គឺខែវស្សា ចំណែកខែប្រាំងគ្មានជន្លេនទេងាប់អស់ហើយ។
ចំណែកស្ត្រីឈ្មោះ កា សុឃៀម អាយុ៣១ឆ្នាំ មានទីលំនៅភូមិទឹកល្អក់ ឃុំទឹកហូត និងស្រី្តម្នាក់ទៀត នៅភូមិគោកស្តៅ ឃុំទឹកហូត ដែលជាអ្នកដើរទិញជន្លេន ផ្ទាល់ពីប្រជាពលរដ្ឋ បានឲ្យដឹងថា ក្នុង១ថ្ងៃពួកគាត់ទិញបានពី១០០ទៅ៥០០គីឡូក្រាម ហើយ ថ្ងៃណាទិញបានច្រើន គឺបានដល់១តោនឯណោះ គឺពេលខែទឹកឡើងជន្លេនចេញ ប្រជាពលរដ្ឋដើរចាប់នឹងដៃតាមចុងទឹក និងតាមមាត់បឹង ដែលគ្រួសារខ្លះចាប់១ថ្ងៃបាន ៥០គីឡូក្រាមក៏មានដែរ។
ពួកគាត់ជាអ្នកដើរទិញពីប្រជាពលរដ្ឋ ក្នុង១គីឡូក្រាមថ្លៃ ២ពាន់រៀល ពេលយកមកលក់ឲ្យឈ្មោះ ឌឿន ពៅ ជាឈ្មួញកណ្តាលក្នុង១គីឡូក្រាម ថ្លៃ២ពាន់៥រយរៀល ហើយគាត់យកទៅលក់នៅផ្សារក្រោម ថ្លៃ៣ពាន់រៀល ក្នុង១គីឡូក្រាម។ បើទោះបីបែបនេះក្តី លោក ទន់ អ៊ីម មេឃុំទឹកហូត បានអោយដឹងថា ទោះបីពួកគាត់ជាប្រជាពលរដ្ឋ បានប្រកបរបរកាប់ជន្លេន ដើម្បីដោះស្រាយជីវភាពប្រចាំថ្ងៃក៏ពិតមែន ហើយវាបានក្លាយជាទម្លាប់ និងអាជីពទៅហើយ ។
ប៉ុន្តែពេលខ្លះពួកគាត់បានបង្កជាបញ្ហាដល់អាជ្ញាធរភូមិ ឃុំ ពិបាកដោះស្រាយទៅវិញដែរ ដោយសារតែប្រជាពលរដ្ឋ ទាំងនោះបានទៅកាប់បំផ្លាញ តាមភ្លឺស្រែ របស់ប្រជាពលរដ្ឋ ដើម្បីចាប់ជន្លេន ធ្វើឲ្យមានការខឹងសម្បា ពីម្ចាស់ស្រែ ហើយបានប្តឹងដល់មេភូមិ មេឃុំ បញ្ហានេះ មានការដោះស្រាយស្ទើររាល់ឆ្នាំ។ ហេតុនេះ លោកសុំឲ្យប្រជាពលរដ្ឋទាំងអស់បញ្ឈប់ការកាប់ជន្លេនតាមភ្លឺស្រែគេតទៅទៀត សូមកុំចង់បានប្រយោជន៍យើងបំផ្លាញអ្នកដទៃ៕
ចែករំលែកព័តមាននេះ