ខេត្តពោធិ៍សាត់ ៖ ចោរស្រីជើងឆើតម្នាក់ត្រូវនគរបាលក្រុងពោធិ៍សាត់ព័ទ្ធចាប់បានភ្លាមៗ ក្រោយពីធ្វើសកម្មភាពឆក់ខ្សែ.កប្លាទីនពីក្មេងស្រីម្នាក់បានសម្រេច រួចព្យាយាមរត់គេចខ្លួន ដែលហេតុការណ៍កើតឡើងកាលពីវេលាម៉ោង៥និង៣០នាទីល្ងាចថ្ងៃទី៧ ឧសភា ស្ថិតក្នុងកម្មវិធីប្រដាល់មួយនៅក្នុងបរិវេណផ្សាភូពុយ ក្រុងពោធិ៍សាត់។ លោក…
ខេត្តពោធិ៍សាត់ ៖ ចោរស្រីជើងឆើតម្នាក់ត្រូវនគរបាលក្រុងពោធិ៍សាត់ព័ទ្ធចាប់បានភ្លាមៗ ក្រោយពីធ្វើសកម្មភាពឆក់ខ្សែ.កប្លាទីនពីក្មេងស្រីម្នាក់បានសម្រេច រួចព្យាយាមរត់គេចខ្លួន ដែលហេតុការណ៍កើតឡើងកាលពីវេលាម៉ោង៥និង៣០នាទីល្ងាចថ្ងៃទី៧ ឧសភា ស្ថិតក្នុងកម្មវិធីប្រដាល់មួយនៅក្នុងបរិវេណផ្សាភូពុយ ក្រុងពោធិ៍សាត់។
លោក កែវសារិ អធិការនគរបាលក្រុងពោធិ៍សាត់ប្រាប់ឲ្យដឹងថា ជនសង្ស័យឈ្មោះ ផាតណារី ភេទស្រី អាយុ ២៧ឆ្នាំ មានទីលំនៅស្រុកមោងប្ញស្សី ខេត្តបាត់ដំបង ។ ចំណែកក្មេងស្រីរងគ្រោះឈ្មោះ បាត់ សៅរី រស់នៅក្នុងភូមិក្តីស្នួល ឃុំត្រពាំងជង ស្រុកបាកាន ខេត្តពោធិ៍សាត់។
លោកអធិការបញ្ជាក់ឲ្យដឹងថា ខណៈពេលដែលលោកដឹកនាំកម្លាំងចល័ត ដើម្បីរៀបចំសណ្ដាប់ធ្នាប់និងការពារសុខសុវត្ថិភាពជូនបងប្អូនប្រជាពលរដ្ឋដែលមកទស្សនាកម្សាន្តកម្មវិធីប្រដាល់នៅទីតាំងខាងលើ ស្រាប់តែទទួលព័ត៌មានពីស្ត្រីរងគ្រោះថា ចោរបានឆក់ខ្សែកប្លាទីនពីកូនរបស់គាត់ភ្លាមៗ កម្លាំងរបស់លោកបានតាមប្រមាញ់ព័ទ្ធចាប់ចោរស្រីខាងលើ រួមនឹងវត្ថុតាងខ្សែកមួយខ្សែកាន់នៅនឹងដៃរួចបញ្ជូនមកអធិការដ្ឋានភ្លាមៗតែម្ដង ។
លោកបន្តថា ចំពោះចោរស្រីខាងលើ មន្ត្រីជំនាញរបស់លោកកំពុងសួរចម្លើយ ដើម្បីបំពេញបែបបទបញ្ជូនបន្តទៅតុលាការចាត់ការតាមច្បាប់៕
ចែករំលែកព័តមាននេះ