អ្នកនាំពាក្យក្រសួងការបរទេសអាមេរិកលោកស្រី Jalina Porterបាននិយាយថា កូរ៉េខាងជើងប្រហែលជាកំពុងរៀបចំការបា.ញ់សាកល្បងអាវុ.ធនុយក្លេអ៊ែរនៅដើមខែនេះ ។ គាត់បាននិយាយទៀតថា អាមេរិកក៏បានចែករំលែកព័ត៌មានជាមួយនឹងសម្ព័ន្ធមិត្ត និងដៃគូផងដែរ។
គាត់និយាយដូច្នេះថា «អាមេរិកវា.យតម្លៃថាកូរ៉េខាងជើងកំពុងរៀបចំទីតាំងបា.ញ់សាកល្បង Punggye-ri និងអាចរៀបចំរួចរាល់ដើម្បីធ្វើការបា.ញ់នៅដើមខែនេះ» ។
របាយការណ៍មុនបាននិយាយថា កូរ៉េខាងជើងទំនងជាកំពុងជួសជុលផ្លូវរូងក្រោមដីនៅ Punggye-ri ដែលត្រូវបានគេរាយការណ៍ថាបានរុះរើនៅក្នុងឆ្នាំ ២០១៨ ដែលជាសញ្ញានៃការបង្ហាញឆន្ទៈរបស់កូរ៉េខាងជើងក្នុងការរំលាយអាវុ.ធនុយក្លេអ៊ែរ។
អ្នកនាំពាក្យដដែលបាននិយាយថា ការវា.យតម្លៃគឺស្របជាមួយនឹងអ្វីដែលទីក្រុងព្យុងយ៉ាងបាននិយាយកាលពីពេលថ្មីៗនេះក្នុងសេចក្តីថ្លែងការណ៍ជាសាធារណៈ។
មេដឹកនាំកូរ៉េខាងជើង គីម ជុងអ៊ុន (Kim Jong-un) បាននិយាយថាកូរ៉េខាងជើងនឹងបន្តអភិវឌ្ឍន៍សមត្ថភាពនុយក្លេអ៊ែររបស់ខ្លួន ហើយព្រមទាំងប្រើប្រាស់វាដើម្បីកាត់បន្ថយការឈ្លានពានប្រឆាំងនឹងប្រទេសខ្លួន ប្រសិនចាំបាច់។
ប្រធានាធិបតីអាមេរិកលោក Joe Biden គ្រោងនឹងធ្វើដំណើរទស្សនៈកិច្ចទៅកាន់ប្រទេសកូរ៉េខាងត្បូង និងជប៉ុនចាប់ពីថ្ងៃទី ២០ ដល់ ២៤ ដែលវាជាដំណើរទស្សនៈកិច្ចលើកដំបូងរបស់គាត់ទៅកាន់តំបន់អាស៊ី ចាប់តាំងពីឡើងកាន់តំណែងនៅខែមករាឆ្នាំមុន៕ (យោងតាមប្រភព៖ Yonhap)
ចែករំលែកព័តមាននេះ