សមាជិកសភាម្នាក់លាលែងពីតំណែង ក្រោយមើលរឿងអា.សអាភា.សពេលបំពេញការងារ
អង់គ្លេស ៖ លោក Neil Parish សមាជិកសភាមកពីគណបក្សអភិរក្សនិយមរបស់អង់គ្លេសបានលាលែងពីតំណែង។
អង់គ្លេស ៖ លោក Neil Parish សមាជិកសភាមកពីគណបក្សអភិរក្សនិយមរបស់អង់គ្លេសបានលាលែងពីតំណែង។ បន្ទាប់ពីទទួលស្គាល់កំហុសរបស់ខ្លួនថា បានមើលរឿងអា.សអាភា.ស២ដងនៅក្នុងរដ្ឋសភា។ នេះបើយោងតាមប្រភពពី BBC ចេញផ្សាយនៅថ្ងៃទី១ ខែឧសភា ឆ្នាំ២០២២។
លោក Neil Parish ដែលជាអ្នកតំណាងឱ្យទីក្រុង Tiverton និង Honiton នៃតំបន់ Devon តាំងពីឆ្នាំ ២០១០ បានប្រាប់នៅក្នុងបទសម្ភាសន៍ផ្តាច់មុខជាមួយ BBC ថាវាជាពេលវេលាដ៏ឆ្កួតមួយ។ ដោយគាត់សារភាពថា បានមើលរឿងអា.សអាភា.សលើកទី១គឺដោយចៃដន្យ ខណៈកំពុងមើលវេបសាយនិយាយអំពីត្រាក់ទ័រ។ ប៉ុន្តែនៅលើកទី២ គឺជាចេតនាតែម្តង។
បុរសវ័យ៦៥ឆ្នាំរូបនេះ បានថ្លែងយ៉ាងដូច្នេះថា «ស្ថានភាពគឺគួរឱ្យអស់សំណើចណាស់វាគឺជាវេបសាយត្រាក់ទ័រ ដែលខ្ញុំកំពុងមើល។ ហើយខ្ញុំបានចូលទៅលីងគេហទំព័រមួយផ្សេងទៀត (វេបសាយអា.សអាភា.ស) ដែលមានឈ្មោះស្រដៀងគ្នា។ ហើយបានមើលវាបន្តិចប៉ុណ្ណោះ។ ប៉ុន្តែទង្វើរបស់ខ្ញុំ ប្រៀបដូចជាឧក្រិ.ដ្ឋកម្មដ៏ធំបំផុត ដោយនៅក្នុងឱកាសមួយផ្សេងទៀត ដែលខ្ញុំបានមើលវាជាលើកទី២។ វាបានកើតឡើងនៅក្នុងរដ្ឋសភា។ ខណៈខ្ញុំកំពុងអង្គុយរង់ចាំបោះឆ្នោត»។
ជាចុងក្រោយលោកបានបន្ថែមថា «វាពិតជាខុសទាំងស្រុង។ ខ្ញុំនឹងត្រូវរស់នៅជាមួយរឿងអាស្រូវនេះ ពេញមួយជីវិត។ ខ្ញុំបានធ្វើកំហុសដ៏អាក្រក់មួយ ហើយខ្ញុំនៅទីនេះ ដើម្បីប្រាប់ទៅកាន់ពិភពលោក»។
លោក Parish ត្រូវគណបក្សអភិរក្សនិយមព្យួរការងារ កាលពីថ្ងៃទី២៧ ខែមេសា កន្លងទៅ ជុំវិញការចោទប្រកាន់នេះ។ ស្របពេលដែលសហសេវិកស្ត្រី២នាក់ បានអះអាងថា ពួកគេបានឃើញលោក Parish មើលវីដេអូអា.សអាភា.សមនុស្សពេញវ័យនៅលើទូរសព្ទរបស់គាត់នៅក្នុងរដ្ឋសភា ពេលអង្គុយក្បែរពួកគេ៕ (ប្រភពពី BBC)
ចែករំលែកព័តមាននេះ