ខេត្តកំពង់ស្ពឺ ៖ ផ្ទះរបស់ប្រជាពលរដ្ឋចំនួន០៣ខ្នង ដែលស្ថិតនៅក្នុងភូមិរើងពើង ឃុំស្គុះ ស្រុកសំរោងទង ខេត្តកំពង់ស្ពឺ ត្រូវបានរងនូវការឆាបឆេះដោយសារតែឆ្លងចរន្តភ្លើង ខណៈដែលម្ចាស់ផ្ទះចេញទៅប្រកបរបរចិញ្ចឹមជីវិត ដែលហេតុការណ៍នេះ…
ខេត្តកំពង់ស្ពឺ ៖ ផ្ទះរបស់ប្រជាពលរដ្ឋចំនួន០៣ខ្នង ដែលស្ថិតនៅក្នុងភូមិរើងពើង ឃុំស្គុះ ស្រុកសំរោងទង ខេត្តកំពង់ស្ពឺ ត្រូវបានរងនូវការឆាបឆេះដោយសារតែឆ្លងចរន្តភ្លើង ខណៈដែលម្ចាស់ផ្ទះចេញទៅប្រកបរបរចិញ្ចឹមជីវិត ដែលហេតុការណ៍នេះ បានកើតឡើងនៅម៉ោង១១និង៣០នាទីព្រឹកថ្ងៃទី២៣ ខែមេសា ឆ្នាំ២០២២ នេះ។
លោក សៀក រ៉ា នាយប៉ុស្តិនគរបាលឃុំស្គុះបាននិយាយឱ្យដឹងថា រថយន្តបង្ការពន្លត់អគ្គិភ័យចំនួន០៣គ្រឿងនៃស្នងការដ្ឋាននគរបាលខេត្តកំពង់ស្ពឺបានចេញប្រតិបត្តិការអន្តរាគមន៍បាញ់ពន្លត់លើករណីនេះ។ លោក សៀក រ៉ា នាយប៉ុស្តិ៍នគរបាល បានបញ្ជាក់ផងដែរថា នៅពេលនេះ ស្ថានភាពភ្លើងកំពុងតែពេញអំណាច ឆេះសន្ធោសន្ធៅ ក្រុមបង្ការនៅមិនទាន់គ្រប់គ្រងស្ថានការណ៍នេះបាននៅឡើយទេ។
ដោយឡែក លោក នៅ ម៉េត អាយុ៧០ឆ្នាំ ជាមេភូមិរើងពើង បាននិយាយឱ្យដឹងថា ផ្ទះប្រពលរដ្ឋចំនួន០៣ខ្នងដែលឆេះអស់នោះ ម្ចាស់ផ្ទះទី០១-ឈ្មោះឈិន សារ៉ុម ភេទស្រី អាយុ៥៣ឆ្នាំ មុខរបរធ្វើការសំណង់ ។ ប្តីឈ្មោះ ញ៉ែម វ៉ាន់ អាយុ៥៥ឆ្នាំ ជាកម្មករសំណង់ រស់ភូមិរើងពើង ឃុំស្គុះ ស្រុកសំរោងទង (ផ្ទះតៀមទំហំ៦ម៉ែត្រគុណនិង ៨ម៉ែត្រ ជញ្ជាំងស័ង្កសី) ម្ចាស់ផ្ទះទី០២-ឈ្មោះ សុត សារ៉ាន់ ភេទស្រី អាយុ៤២ឆ្នាំ ជាកម្មករ រោងចក្រ ប្តីឈ្មោះ ផានិត អាយុ៤៤ ឆ្នាំ ជាជាងកាត់សក់ ផ្ទះទំហំ ៥ម៉ែត្រគុណ៦ម៉ែត្រ (តៀម) ៣-ឈ្មោះ រិត សុខ អាយុ៦៤ឆ្នាំ ប្រពន្ធឈ្មោះរិត មាន អាយុ៦១ឆ្នាំ ផ្ទះ៦ម៉ែត្រ គុណ៨ម៉ែត្រ ថ្មក្រោមឈើលើប្រក់ស័ង្កសី ។
លោកមេភូមិរើងពើងដដែលបានបញ្ជាក់ទៀតថា នៅមុនកើតហេតុ គឺឈ្មោះផានិត បានចេញទៅធ្វើការងារ ហើយ (ម្តាយឈ្មោះ រិត មាន) ដែលនៅផ្ទះជិតគ្នានោះ នៅមើលផ្ទះ ហើយពេលនោះស្រាប់មានឆរន្តភ្លើងឆ្លង
ទុស្សេខ្សែរភ្លើងជាមួយទូរទឹកកក បណ្តាលឱ្យមានផ្សែងហុយ ក្លាយជាអណ្តាតភ្លើង ឆេះប្រជាពលរដ្ឋស្រែកផ្អើលឆោឡោឡើង លោកមេភូមិក៏បានរាយការណ៍ទៅលោកនាយប៉ុស្តិ៍នគរបាល រាយការណ៍បន្តទៅលោកអធិការនគរបាលស្រុក ហៅរថយន្តពន្លត់អគ្គីភ័យមកបាញ់ពន្លត់ ប៉ុន្តែផ្ទះឆេះអស់រលីងទៅហើយ ។
សូមបញ្ជាក់ថា នៅក្នុងហេតុការណ៍ឆាបឆេះនេះ គេបានឃើញកងកម្លាំងទាំង៣នាក់ បានចេញជួយអន្តរាគមន៍រួមទាំងកម្លាំងប្រជាការពារនិងប្រជាពលរដ្ឋយ៉ាងច្រើនផងដែរ ៕
ចែករំលែកព័តមាននេះ