ខេត្តសៀមរាប ៖ ថ្ងៃ១៥រោជ ខែភទ្របទ ឆ្នាំវក អដ្ឋិស័ក ពុទ្ធសករាជ ២៥៦០ ត្រូវនឹងថ្ងៃទី០១ តុលា ២០១៦ នៅក្នុងឱកាសបុណ្យភ្ជុំបិណ្ឌ ដែលជាបុណ្យមួយដ៏ធំនៃប្រពៃណីទំនៀមទំលាប់របស់ប្រជាជនខ្មែរ ដែលកាន់សាសនាព្រះពុទ្ធ គោរពប្រតិបត្តិតាំងពីដូនតាមក ។
ខេត្តសៀមរាប ៖ ថ្ងៃ១៥រោជ ខែភទ្របទ ឆ្នាំវក អដ្ឋិស័ក ពុទ្ធសករាជ ២៥៦០ ត្រូវនឹងថ្ងៃទី០១ តុលា ២០១៦ នៅក្នុងឱកាសបុណ្យភ្ជុំបិណ្ឌ ដែលជាបុណ្យមួយដ៏ធំនៃប្រពៃណីទំនៀមទំលាប់របស់ប្រជាជនខ្មែរ ដែលកាន់សាសនាព្រះពុទ្ធ គោរពប្រតិបត្តិតាំងពីដូនតាមក ។
ម្យ៉ាងទៀត ពិធីបុណ្យភ្ជុំបិណ្ឌនេះ ពុទ្ធសាសនិកខ្មែរយើង បានប្រារព្ធបដិបត្តិធ្វើឡើងចាប់ពីថ្ងៃ១រោជ ខែភទ្របទ ដល់ថ្ងៃ១៥រោជ ខែភទ្របទ ត្រូវជាថ្ងៃបុណ្យភ្ជំធំ ដែលបងប្អូនជាមន្ត្រីរាជការ អ្នកមុខអ្នកការ ពុទ្ធបរិស័ទ ប្រជាពលរដ្ឋជិតឆ្ងាយបានឈប់សម្រាកពីការងារមកជួបជុំគ្នា នាំយកនូវចង្ហាន់ ចំណីអាហារ ទៀនធូក បច្ច័យទៅប្រគេនដល់ព្រះសង្ឃគង់នៅចាំព្រះវស្សានៅតាមទីវត្តអារាមនានា ក្នុងព្រះរាជាណាចក្រកម្ពុជា ។
ការគោរពធ្វើបុណ្យភ្ជំបិណ្ឌនេះឡើង គឺដើម្បីឧទ្ទិសកុសលផលបុណ្យជូនដល់វិញ្ញាណក្ខ័ន្ត មាតា បិតា ជីដូនជីតា ញ្ញាតិការទាំងប្រាំពីរសណ្តាន និងបុព្វការីជន ដែលលោកបានចែកឋានទីកាន់បរលោកខាងមុខ ។
ដោយឡែក នៅខេត្តសៀមរាបវិញ បណ្តាញអ្នកសារព័ត៌មានយើងបានសង្កេតឃើញថា សកម្មភាពក្នុងក្រុងសៀមរាប នាព្រឹកថ្ងៃទី០១ តុលា២០១៦ ត្រូវនឹងថ្ងៃ១៥រោជ ខែភទ្របទ ដែលជាថ្ងៃបុណ្យភ្ជុំបិណ្ឌធំ បងប្អូនប្រជាពុទ្ធបរិស័ទ ទាំងចាស់ទាំងក្មេង យុវជនយុវនារី ដែលលម្អរទៅដោយសម្លៀកបំពាក់ចម្រុះពណ៌សមរម្យ ជាលក្ខណៈប្រពៃណីខ្មែរ មានសម្ពត់ហួល ផាមួង អាវប៉ាក់ ពិតជានារី ស្ត្រីខ្មែរ រីឯលោកយាយ លោកតា មានសម្ពត់ចងក្បិន អាវសរ និង អាវកត្រង់ ខោចែវ បានធ្វើដំណើរដោយប្រកបដោយភាពញញឹមស្រស់ស្រាយ ដោយនាំយកចង្ហាន់ទៅកាន់ទីវត្តនានាក្នុងក្រុង និង ក្រៅក្រុង តាមរថយន្តតូចធំ រឺម៉ក់ម៉ូតូ បានឆ្ពោះទៅកាន់ទីវត្តដែលជីដូនជីតា មាតាបិតា ញ្ញាតិការទាំងប្រាំពីរសណ្តាន តង្កល់ទុកនៅទីនោះ ដើម្បីនិមន្តព្រះសង្ឃ តាអាចារ្យធ្វើពិធីបង្សុកូល ឧទិ្ទសកុសលផលបុណ្យជូនដល់វិញ្ញាណក្ខ័ន្ត ជូនដល់លោកអ្នកមានគុណដែលបានចែកឋានទៅកាន់លោកខាងមុខ ។
មុនពេលដែលប្រគេនចង្ហាន់ដល់ព្រះសង្ឃ បងប្អូនពុទ្ធបរិស័ទយើងបានធ្វើការ បូជាផ្កាទៀនធូក ថ្វាយចំពោះព្រះពុទ្ធរូប ព្រះសម្មាសម្ពុទ្ធ ព្រះបរមគ្រូនៃយើងផងដែរ ។ ម្យ៉ាងទៀត យើងក៏សង្កេតទៅតាមទីវត្តនិមួយៗ ឮសូរស័ព្ទតែសម្លេងព្រះធម៌ ដែលព្រះសង្ឃផ្តល់ពរជ័យ និង បង្សុកូល ក្នុងការឧទិ្ទសកុសលផលបុណ្យជូន ដល់វិញ្ញាណក្ខ័ន្តលោកអ្នកមានគុណ ដែលបានចែកឋានទៅកាន់លោកខាងមុខ សូមឲ្យបានទទួលនូវមគ្គផលកុសលផលបុណ្យ ដែលកើតចេញឡើងពីបងប្អូន កូនចៅ ញ្ញាតិមិត្ត បានឧទ្ទិសជូនទៅតាមរយៈព្រះសង្ឃដែលជាស្រែបុណ្យ នៅក្នុងឱកាសដែលប្រជាពលរដ្ឋខ្មែរ គោរពធ្វើបុណ្យភ្ជំបិណ្ឌនាពេលនេះ ដើម្បីឧទ្ទិសមហាកុសល់ជូនដល់ លោកអ្នកមានគុណ មានមាតាបិតា ជីដូន ជីតា ញាតិកាលទាំង៧សណ្តានដែលបានបាក់បែកចែកឋាន ទៅកាន់បរលោកទៅហើយនោះ និង ជួយរំដោះឲ្យរួចចាកផុតពីទុក្ខទោសទាំងឡាយ ឧបាយភូមិណាមួយ និងឲ្យបានទៅកាន់សុគតិភពថ្មី ហើយងាកក្រោយមកជួយបីបាច់ថែរក្សាកូនចៅ ឲ្យមានសេចក្តីសុខសប្បាយ ក្នុងក្រុមគ្រួសារ សង្គមជាតិផងដែរ ។
ចែករំលែកព័តមាននេះ