បន្ថែមទោសជនជាប់ចោទ១៤ឆ្នាំទៀត ក្នុងបទប្លន់២ករណី
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញលោក ជា សុខច័ន្ទដេត ប្រធានក្រុមប្រឹក្សាជំនុំជម្រះ នៅព្រឹកថ្ងៃទី២៨ ខែកញ្ញា ឆ្នាំ២០១៦ បានប្រកាសសាលក្រមផ្តន្ទាទោស
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញលោក ជា សុខច័ន្ទដេត ប្រធានក្រុមប្រឹក្សាជំនុំជម្រះ នៅព្រឹកថ្ងៃទី២៨ ខែកញ្ញា ឆ្នាំ២០១៦ បានប្រកាសសាលក្រមផ្តន្ទាទោស
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញលោក ជា សុខច័ន្ទដេត ប្រធានក្រុមប្រឹក្សាជំនុំជម្រះ នៅព្រឹកថ្ងៃទី២៨ ខែកញ្ញា ឆ្នាំ២០១៦ បានប្រកាសសាលក្រមផ្តន្ទាទោសលើជនជាប់ចោទម្នាក់ដាក់ពន្ធនាគារ៧ឆ្នាំបូកនឹង៧ឆ្នាំក្នុងសំណុំរឿង លួចមានស្ថានទម្ងន់ទោសដោយសារប្រព្រឹត្តអំពើហិង្សា ចំនួន២ករណីនៅរាជធានីភ្នំពេញ បន្ថែមលើបទល្មើស៧ឆ្នាំ មាន១១ករណីកន្លងទៅ ។
ជនជាប់ចោទឈ្មោះ នុជ សំណាង ហៅ សែន សំណាង ភេទប្រុសអាយុ២៧ឆ្នាំ មុខរបររត់ម៉ូតូឌុប ចៅក្រមសំរេចប្រកាសសាលក្រមផ្តន្ទាទោសចំនួន២រឿង ក្នុងមួយរឿងៗដាក់ពន្ធនាគារកំណត់៧ឆ្នាំ ។ គួរបញ្ជាក់ថាកាលពីថ្មីៗកន្លងទៅនេះ ជនជាប់ចោទខាងលើនេះត្រូវបានតុលាការផ្តន្ទាទោស១១ករណីម្តងរួចហើយដាក់ពន្ធនាគារមួយករណីៗ៧ឆ្នាំ (សរុប៧៧ឆ្នាំ) ។
នៅព្រឹកមិញនេះដែរជនជាប់ចោទខាងលើនេះត្រូវបានជំនុំជម្រះមួយករណីផ្សេងទៀតពាក់ព័ន្ធនឹងការប្លន់ និស្សិតស្រីម្នាក់នៅខណ្ឌដង្កោ កាលពីថ្ងៃទី២៦ ខែឧសភា ឆ្នាំ២០១៥ ហើយត្រូវបានតុលាការសម្រេចប្រកាសសាលក្រមនៅព្រឹកថ្ងៃទី២៦ ខែតុលា ឆ្នាំ២០១៦ខាងមុខនេះ។ នាពេលសវនាការជនរងគ្រោះសូមសំណូមពរ និងទាមទារសំណងថ្លៃម៉ូតូចំនួន ២.១០០ដុល្លារ ពីជនជាប់ចោទឈ្មោះ នុជ សំណាង ហៅ សែន សំណាង នោះវិញ ។
ចៅក្រមបញ្ជក់ថា ជនជាប់ចោទរូបនេះ សរុបមានរឿងនៅសាលាដំបូងរាជធានីភ្នំពេញ ប្រហែលជាង២០រឿង ដោយបានធ្វើការជំនុំជម្រះបានចំនួន១៦រឿង ប្រកាសបាន១៣រឿង ជំនុំជម្រះហើយនៅសល់មិនទាន់ប្រកាសសាលក្រម៣រឿង និងមិនទាន់លើកយកមកជម្រះទៀត សុទ្ធតែបទល្មើសឧក្រិដ្ឋ (១៤ឆ្នាំបូក៧៧ឆ្នាំទោសមានរួចហើយ)៕
ចែករំលែកព័តមាននេះ