ខេត្តពោធិ៍សាត់ ៖ សេចក្តីរាយការណ៍បឋមឱ្យដឹងថា ករណីនឹកស្មានដល់មួយ ដែលកាលពីវេលាម៉ោង0៩ និង៣០នាទីព្រឹកថ្ងៃទី២៨ កញ្ញា មានការចាប់ខ្លួនស្ត្រីម្នាក់ ក្រោយពីធ្វើសកម្មភាពដើរចាយលុយក្លែងក្លាយ និងចូលបុណ្យកាន់បិណ្ឌទៀត ស្ថិតត្រង់ចំណុចវត្តព្រែក ក្នុងភូមិព្រែក១ ឃុំសំរោង ស្រុកភ្នំក្រវាញ ខេត្តពោធិ៍សាត់ ។
ប្រភពឱ្យដឹងថា ស្ត្រីសង្ស័យខាងលើឈ្មោះជុំ វណ្ណនី អាយុ៥៧ឆ្នាំ មានទីលំនៅក្នុងភូមិប្រម៉ោយ ឃុំប្រម៉ោយ ស្រុកវាលវែង ខេត្តពោធិ៍សាត់ ។
ប្រភពបន្តថា មុនពេលកើតហេតុ ស្ត្រីសង្ស័យបានធ្វើសកម្មភាពប្រើប្រាស់លុយក្លែងក្លាយ ដោយចូលបុណ្យតាមបណ្តាវត្តផ្សេងៗ លុះមកដល់វត្ត «ព្រែក» ត្រូវលោកអធិការខេត្តធ្វើការឃាត់ខ្លួនតែម្តង ។ ក្នុងនោះ សមត្ថកិច្ចដកហូតក្រដាសប្រាក់១០០ដុល្លារក្លែងក្លាយចំនួន៨,៦០០ដុល្លារ និងគ្រឿងអលង្ការធ្វើពីស្ពាន់ជាច្រើន ។
ចែករំលែកព័តមាននេះ