ខេត្តស្ទឹងត្រែង ៖ ភ្ញៀវទេសចរជាតិ និងអន្តរជាតិប្រមាណជា២ម៉ឺន៥ពាន់នាក់ បានចូលរួមពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំ២០២២ ដែលប្រារព្ធទៅរយៈពេល៣ថ្ងៃ គិតចាប់ពីថ្ងៃទី១៤ ដល់ថ្ងៃទី១៦ មេសា ។…
ខេត្តស្ទឹងត្រែង ៖ ភ្ញៀវទេសចរជាតិ និងអន្តរជាតិប្រមាណជា២ម៉ឺន៥ពាន់នាក់ បានចូលរួមពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំ២០២២ ដែលប្រារព្ធទៅរយៈពេល៣ថ្ងៃ គិតចាប់ពីថ្ងៃទី១៤ ដល់ថ្ងៃទី១៦ មេសា ។ នេះបើតាមរបាយការណ៍របស់មន្ទីរទេសចរណ៍ខេត្តស្ទឹងត្រែង ។
ខេត្តស្ទឹងត្រែងបានរៀបចំគោលដៅសង្ក្រាន្តឆ្នាំថ្មីជាច្រើនកន្លែង មុនពេលនៃការឈានចូលនៃពិធីនិងបានទទួលភ្ញៀវទេសចរចូលរួមលេងកម្សាន្តយ៉ាងច្រើនកុះករ គួរឱ្យកត់សម្គាល់ គ្រាដែលមានល្បែងកម្សាន្តប្រជាប្រិយជាច្រើនសំបូរបែប ដូចជាល្បែង ទាញព្រ័ត្រ វាយក្អម លាក់កន្សែង របាំប្រពៃណី វាយខែល ជាដើម។ល។
នៅតាមបណ្តារមណីយដ្ឋាន ភ្ញៀវទេសចរដែលចូលលេងកម្សាន្តយ៉ាងច្រើន ក្នុងនោះមានរមណីយដ្ឋាន កោះខ្សាច់ រមណីដ្ឋានអេកូទេសចរណ៍អូឬស្សីកណ្តាល (អូរច្រឡង់)រមណីយដ្ឋានចំការក្រូច ។ល។ ចំណែកនៅតាមបណ្តាវត្តអារាម ដងផ្លូវ មានការលេងកម្សាន្តដូចជា រាំធុងបាស បាញ់ទឹក ប៉ាតម្សៅជាដើម ។ បើតាមរបាយការណ៍លោក អ៊ន ប៉ោសឿន ប្រធានមន្ទីរទេសចរណ៍ខេត្តស្ទឹងត្រែង បានឱ្យដឹងថា ភ្ញៀវទេសចរ ដែលចូលមកទស្សនាកម្សាន្តក្នុងខេត្តស្ទឹងត្រែង នាឱកាសថ្ងៃបុណ្យចូលឆ្នាំថ្មីប្រពៃណីជាតិខ្មែរ ចាប់ពីថ្ងៃទី១៤ដល់ថ្ងៃទី១៦រយៈ
ពេល៣ថ្ងៃគឺមានចំនួនសរុប២៤,៧៤៤នាក់ ដែលក្នុងនោះ មានទេសចរណ៍ជាតិ ២៤,៧១៦នាក់ទេសចរណ៍អន្តរជាតិ ២៨នាក់។
ទាក់ទិនសន្តិសុខសណ្តាប់ធ្នាប់កងកម្លាំងប្រដាប់អាវុធរួមមានកម្លាំងកងរាជអាវុធហត្ថ និងនគរបាលបានដាក់ពង្រាយនិងល្បាតជាច្រចាំនៅតាមបណ្តាវត្តអារាមទីកន្លែងកម្សាន្តនានា ដោយរក្សាបាននូវសណ្តាប់ធ្នាប់ល្អប្រើសើរ ។ ចំណែករណីគ្រោះថ្នាក់ក៍ពុំសូវកើតឡើងដែរ។ ពាក់ព័ន្ធសេវាកម្មលក់ដូច និងផ្ទះសំណាក់ហាក់បីដូចជាប្រក្រតីជាធម្មតា តែមានការឡើងថ្លៃតិចតួចអាចទទួលយកបាន នៅតាមបណ្តារមណីយដ្ឋានសម្រាប់តម្លៃផ្ញើម៉ូតូ ២០០០រៀល រថយន្តតម្លៃ ៥០០០រៀល កញ្ចុះអង្គុយលេង តម្លៃ ២ ម៉ឺនរៀល (ថ្ងៃធម្មតា១ម៉ឺនរៀល) ។
រីឯតម្លៃមុខម្ហូប គឺសមរម្យដែលភ្ញៀវអាចទទួលយកបាន តែទោះយ៉ាងណាភ្ញៀវស្ទើរ៥០ភាគរយដែលបានខ្ចប់និងធ្វើម្ហូបអាហាពីក្រៅយកទៅបរិភោគទៅតាមរមណីយដ្ឋានទាំងដោយដោយកាត់បន្ថយការចំណាយខ្ពស់ និងការពារក្រែងមានការលក់ឡើងថ្លៃ ព្រមទាំងគ្មានចំណីអាហារលក់ដូរ ។
ចែករំលែកព័តមាននេះ