ស្ត្រីភាគច្រើនមានស្នាមសង្វារ បន្ទាប់ពីការមានផ្ទៃពោះ រីឯបុរសក៏អាចមានស្នាមសង្វារ ដូចគ្នានឹងស្ត្រីដែរ ស្នាមសង្វារកើតមាន ដោយសារការឡើងទម្ងន់ ឬស្រកទម្ងន់មួយរំពេច ប៉ុន្តែកំុព្រួយ មានផលិតផលធម្មជាតិជាច្រើន
ស្ត្រីភាគច្រើនមានស្នាមសង្វារ បន្ទាប់ពីការមានផ្ទៃពោះ រីឯបុរសក៏អាចមានស្នាមសង្វារ ដូចគ្នានឹងស្ត្រីដែរ ស្នាមសង្វារកើតមាន ដោយសារការឡើងទម្ងន់ ឬស្រកទម្ងន់មួយរំពេច ប៉ុន្តែកំុព្រួយ មានផលិតផលធម្មជាតិជាច្រើនដែលអាចជួយកាត់បន្ថយស្នាមសង្វារសឹងតែមើលមិនឃើញ បើទោះជាមិនអាចបំបាត់ពួកវាទាំងស្រុង ។ តែទោះជាយ៉ាងណា ក៏តម្រូវឱ្យយើងមានកម្មវិធីថែរក្សាស្បែកទៀងទាត់ និងតឹងរុឹងផងដែរ ។ ខាងក្រោមនេះជាឱសថធម្មជាតិមួយចំនួនមានប្រសិទ្ធភាពក្នុងការកាត់បន្ថយស្នាមសង្វារ៖
១-ប្រទាលកន្ទុយក្រពើ ៖ ប្រទាលកន្ទុយក្រពើ គឺជារុក្ខជាតិដែលអាចជួយបង្កើតជាលិកាស្បែក ដោយហេតុនេះវាមានលក្ខណៈសម្បត្តិព្យាបាលស្បែកយា៉ងមានប្រសិទ្ធភាព។ អ្នកអាចយកជែលប្រទាលកន្ទុយក្រពើស្រស់ពីស្លឹក និងធ្វើការម៉ាស្សាលើតំបន់ដែលមានស្នាមសង្វារ រួចទុកវាចោលរយៈពេល២០-៣០នាទី ។ ចូរធ្វើជារៀងរាល់ថ្ងៃ ហើយលាងចេញដោយទឹកស្អាត ។
២-ទឹកត្រសក់ និងក្រូចឆ្មារ ៖ អាស៊ីតធម្មជាតិរបស់ទឹកក្រូចឆ្មារអាចជួយព្យាបាល និងកាត់បន្ថយស្នាម រីឯទឹកត្រសក់ផ្តល់នូវប្រសិទ្ធភាពក្នុងការធ្វើឱ្យស្បែករបស់អ្នកមានភាពស្រស់ថ្លា។ អ្នកអាចលាយទឹកក្រូចឆ្មារ និងទឹកត្រសក់ស្មើគ្នា ហើយលាបល្បាយនេះនៅលើតំបន់ដែលមានស្នាមសង្វាររហូតដល់ស្ងួត ។ ទុកវាចោលលើស្បែករបស់អ្នកប្រមាណ១០នាទី បន្ទាប់មកលាងចេញដោយប្រើទឹកក្តៅឧណ្ហៗ ។
៣-ប្រេងអាល់ម៉ុង និងប្រេងដូង ៖ អ្នកអាចប្រើប្រេងអាល់ម៉ុន និងប្រេងដូងក្នុងបរិមាណស្មើគ្នា ដើម្បីកាត់បន្ថយស្នាមសង្វារ។ ម៉ាស្សាវានៅលើស្បែកដែលមានសង្វារឱ្យបានទៀងទាត់ ៕
ចែករំលែកព័តមាននេះ