ព្រោះតែ៣០ម៉ឺនរៀលមិនដូចបំណង ប៉ងកា .ប់ម្តាយ និងដេញកា.ប់ទាំងប្អូនប្រុស
- កំពង់ចាម
កូនប្រុសអកតញ្ញូស្រវឹងខួបម្នាក់ បានកាន់កាំបិតដេញកា.ប់ប្អូនប្រុស និងប៉ងកា.ប់ម្តាយទៀត ដែលបង្កឲ្យមានការភ្ញាក់ផ្អើលយ៉ាងខ្លាំង កាលពី
កូនប្រុសអកតញ្ញូស្រវឹងខួបម្នាក់ បានកាន់កាំបិតដេញកា.ប់ប្អូនប្រុស និងប៉ងកា.ប់ម្តាយទៀត ដែលបង្កឲ្យមានការភ្ញាក់ផ្អើលយ៉ាងខ្លាំង កាលពី
ខេត្តត្បូងឃ្មុំ ៖ កូនប្រុសអកតញ្ញូស្រវឹងខួបម្នាក់ បានកាន់កាំបិតដេញកា.ប់ប្អូនប្រុស និងប៉ងកា.ប់ម្តាយទៀត ដែលបង្កឲ្យមានការភ្ញាក់ផ្អើលយ៉ាងខ្លាំង កាលពីវេលាម៉ោងប្រមាណ៣និង៣០នាទីរសៀលថ្ងៃទី៦ ខែមេសា ឆ្នាំ២០២២ នៅភូមិចាន់ទូង ឃុំស្រឡប់ ស្រុកត្បូងឃ្មុំ ដោយសារតែការសុំលុយម្ដាយចំនួន៣០ម៉ឺនរៀលមិនបាន ។ ទោះជាយ៉ាងណា ដោយមានការអន្តរាគមន៍ពីនគរបាលមូលដ្ឋាន កូនប្រុសរូបនេះក៏ត្រូវបានចាប់ឃាត់ខ្លួន ។
វរសេនីយ៍ឯក សាំ ហេង អធិការនគរបាលស្រុកត្បូងឃ្មុំ ថ្លែងថា ជននេះឈ្មោះ យឹប វីរៈ អាយុ៣៧ឆ្នាំ រស់នៅក្នុងភូមិ ឃុំ ខាងលើបានយកកាំបិតផ្គាក់គំរា.មកា.ប់់ម្តាយឈ្មោះ លាង យ៉ាត អាយុ៥៤ឆ្នាំ ដែលរស់នៅផ្ទះជាមួយគ្នា និងដេញកា.ប់ប្អូនប្រុសឈ្មោះ យឹប សាឯម អាយុ៣៤ឆ្នាំ រស់នៅផ្ទះក្បែរគ្នា តែមិនបណ្តាលឲ្យរងរបួសទេ ដោយសាររត់គេចខ្លួនទាន់ ។
លោកអធិការឲ្យដឹងទៀតថា បន្ទាប់ពីទទួលបានបណ្តឹងពីជនរងគ្រោះភ្លាម នៅល្ងាចថ្ងៃដដែល ដោយមានការឯកភាពពីលោកស្នងការនគរបាលខេត្ត និងបានការឯកភាពពីលោក ហាក់ សៀកលីម ព្រះរាជអាជ្ញារងនៃអយ្យការអមសាលាដំបូងខេត្ត កម្លាំងជំនាញសហការជាមួយកម្លាំងប៉ុស្តិ៍នគរបាលរដ្ឋបាលស្រឡប់ បានចុះទៅឃាត់ខ្លួនជនឈ្មោះ យឹប វីរៈ នេះនិងដកហូតបានវត្ថុតាងកាំបិតផ្គាក់១ រួចបញ្ជូនមកអធិការដ្ឋាននគរបាលស្រុកត្បូងឃ្មុំដើម្បីសួរនាំ ។
សូមបញ្ជាក់ថា ដោយសារតែបុរសនេះផឹកស្រាច្រើនពេក ធ្វើឲ្យប្រពន្ធរត់ចោល២ឆ្នាំមកហើយ ឯសព្វថ្ងៃរស់នៅក្រោមដំបូលផ្ទះជាមួយនឹងម្ដាយរបស់ខ្លួន ។ នៅរសៀលថ្ងៃទី៦ ខែមេសានោះ បុរសស្រវឹងខួបរូបនេះបានទៅសុំលុយម្ដាយចំនួន៣០ម៉ឺនរៀល តែម្ដាយមិនឲ្យព្រោះគាត់ចាស់ហើយមិនដឹងទៅរកលុយពីណាមកឲ្យនោះទេ ។ ដោយសារតែម្ដាយមិនឱ្យ ក៏ខឹងហើយស្ទុះទៅយកកាំបិតមកដេញកា.ប់ប្អូនប្រុសរបស់ខ្លួនដែលមានផ្ទះនៅក្បែរគ្នា តែបានរត់រួច ក៏បែរមកប៉ងកា.ប់ម្តាយវិញ ។
ដោយឃើញទង្វើរបស់កូនប្រុសឈ្មោះ យឹប វីរៈ ប្រព្រឹត្តបែបនេះ ទ្រាំលែងបានព្រោះតែងតែកើតមានជារឿយៗ ម្តាយក៏សម្រេចប្ដឹងសមត្ថកិច្ចឱ្យចាប់ខ្លួនកូនប្រុសរូបនេះចាត់ការទៅតាមច្បាប់៕
ចែករំលែកព័តមាននេះ