សារព័ត៌មានបរទេសកាលពីថ្ងៃទី១១ កញ្ញា ២០១៦ ផ្សាយថា មនុស្សរាប់ពាន់នាក់នៅអេស្ប៉ាញបានចូលរួមដើរជាក្បួននៅក្រុងម៉ាឌ្រីត កាលពីថ្ងៃទី១០ កញ្ញា ដើម្បីទាមទារឱ្យបញ្ឈប់ប្រពៃណីប្រយុទ្ធជាមួយគោ
សារព័ត៌មានបរទេសកាលពីថ្ងៃទី១១ កញ្ញា ២០១៦ ផ្សាយថា មនុស្សរាប់ពាន់នាក់នៅអេស្ប៉ាញបានចូលរួមដើរជាក្បួននៅក្រុងម៉ាឌ្រីត កាលពីថ្ងៃទី១០ កញ្ញា ដើម្បីទាមទារឱ្យបញ្ឈប់ប្រពៃណីប្រយុទ្ធជាមួយគោជល់ដែលបានដំណើរការក្នុងរយៈពេលជាច្រើនសតវត្សមកហើយនោះ ។
អ្នកដើរជាក្បួនរាប់ពាន់នាក់ចេញពីតំបន់ជាច្រើនរបស់អេស្ប៉ាញបានលើកស្លាកបដាមានអត្ថន័យប្រឆាំងប្រពៃណីប្រយុទ្ធជាមួយគោជល់គ្រប់រូបភាព ។
ការតស៊ូជាមួយគោជល់មិនមែនជាកីឡា និងមិនសក្តិសមលើកស្ទួយជាវប្បធម៌ប្រចាំប្រទេសទេ ព្រោះជារឿងព្រៃផ្សៃ ។
កាលពីខែមិថុនា ២០១៦រដ្ឋបាលនៅតំប់ «Castillay Leon» បានហាមសម្លាប់គោជល់នៅក្នុងពិធីបុណ្យ ផ្សេងៗដើម្បីជំរុញដល់តំបន់នានា ពិសេសនៅភាគខាងជើងអេស្ប៉ាញដែលនៅមានការសម្លាប់គោជល់ឱ្យយកតម្រាប់តាម។ ចំណែកក្រុង Valencia គឺជាទីក្រុងស្ថិតនៅលំដាប់ទី៣របស់អេស្ប៉ាញក៏ហាមធ្វើទារុណកម្មលើគោជល់គ្រប់រូបភាពក្នុងពិធីបុណ្យនានានៅទីក្រុងដែរ ។
ដោយឡែកក្រុមសកម្មជនដែលគាំទ្រឱ្យមានការអភិរក្សតស៊ូគោជល់នៅអេស្ប៉ាញ បានហៅខ្លួនឯងថា «Aficionados» ដែលមានសមាជិកច្រើនប្រហាក់ប្រហែលនឹងក្រុមអ្នកតវ៉ានោះដែរ ធ្លាប់ចេញមុខប្រកាសការពារប្រពៃណីចំណាស់របស់ពួកគេ ។ ក្រុមនោះបញ្ជាក់ថា ការតស៊ូប្រយុទ្ធជាមួយគោជល់គឺជាសិល្បៈ និងជាផ្នែកមួយនៃវប្បធម៌ប្រចាំប្រទេសអេស្ប៉ាញ ដូចគ្នានឹងប្រពៃណីនៃការរាំរបាំសាំបានៅប្រេស៊ីលដែរ ៕
ចែករំលែកព័តមាននេះ