រាជធានីភ្នំពេញ ៖ មជ្ឈមណ្ឌលអូស្ត្រាលីសម្រាប់ការបណ្តុះបណ្តាល (ACE) បានបង្កើតនូវព្រឹត្តិការណ៍រត់ប្រណាំងមួយឈ្មោះថា «អេ.ស៊ី.អ៊ី រត់ដើម្បីបរិស្ថាន» សម្រាប់សិស្សានុសិស្សដែលកំពុងសិក្សានៅ
រាជធានីភ្នំពេញ ៖ មជ្ឈមណ្ឌលអូស្ត្រាលីសម្រាប់ការបណ្តុះបណ្តាល (ACE) បានបង្កើតនូវព្រឹត្តិការណ៍រត់ប្រណាំងមួយឈ្មោះថា «អេ.ស៊ី.អ៊ី រត់ដើម្បីបរិស្ថាន» សម្រាប់សិស្សានុសិស្សដែលកំពុងសិក្សានៅមជ្ឈមណ្ឌលACE នឹងនៅតាមគ្រឹះស្ថានបណ្តុះបណ្តាលផ្សេងៗក៏ដូចជា មាតាបិតាជាដើម។ ព្រឹត្តិការណ៍នេះ ធ្វើឡើងនៅក្នុងបរិវេណមជ្ឈមណ្ឌលសន្និសីទ និងពិព័រណ៍កោះពេជ្រកាលពីព្រឹកថ្ងៃទី២៨ ខែសីហា កន្លងទៅនេះ។
តំណាងមជ្ឈមណ្ឌលសម្រាប់ការបណ្តុះបណ្តាល (ACE) បានលើកឡើងថា ដោយមានទឹកចិត្តស្រលាញ់បរិស្ថានគាំទ្រការការពារ និងអភិរក្សព្រៃឈើ និងដោយមានការគាំទ្រយ៉ាងពេញទំហឹងពីសំណាក់ ACE ក៏ដូចជាការលើកទឹកចិត្ត និងឯកភាពទាំងស្រុងពីក្រសួងបរិស្ថាន ក្រុមការងារ ឯកអគ្គរដ្ឋទូតសុឆន្ទៈសិស្ស នៃមជ្ឈមណ្ឌលមួយនេះ បានរួមគ្នារៀបចំកម្មវិធីរត់ប្រណាំងនេះឡើងក្នុងគោលបំណងពង្រីក ពង្រឹងចំណេះដឹងស្តីអំពីបរិស្ថាន និងចង្អុលបង្ហាញពីសារប្រយោជន៍នៃការផ្សាភ្ជាប់ការរត់ទៅនឹងបរិស្ថាន និងសារសំខាន់នៃដើមឈើ ជាពិសេស ដើម្បីរៃអង្គាសថវិកា ដើម្បីដាំដើមឈើបន្ថែម។
បច្ចុប្បន្ននេះពិភពលោកទាំងមូលកំពុងជួបប្រទះបញ្ហាបម្រែបម្រួលអាកាសធាតុ ដោយកម្ដៅនៅលើផែនដីចេះតែកើនទ្បើង ហើយមូលហេតុចម្បងមួយនេះ គឺដោយសារកង្វះនៃដើមឈើដែលបានដើរតួនាទីយ៉ាងសំខាន់ក្នុងការផលិតស្រទាប់អូហ្សូន និងឧស្ម័នអុកសីសែន។ នៅពេលខាងមុខដើម្បីបង្កើនការដាំដើមឈើថវិកាដែលទទួលបានពីការលក់សំបុត្រ នឹងត្រូវយកទៅដាំដើមឈើបន្ថែម៕
ចែករំលែកព័តមាននេះ